استفسار بسيط يا كباتن الرياض عن محلات بيع الدنابل والبارات

السلام عليكم و رحمة الله و بركاته

ان شاء الله الجميع بخير و صحه وعافيه ان شاء الله

اولا اعذروني على قلة الذوق فهذا اول موضوع لي و طوالي ابغى مساعده اعذروني يا شباب ارجو ان تفهموا وضعي

فيا شباب انا من سكان الرياض طبعا ساكن هنا تقريبا من 4 شهور وحبيت اكون لي بالبيت صالة كمال اجسام مصغره لكن المشكلة ما اعرف الاماكن اللي احصل فيها اللي ابي فيا كباتن الرياض ياليت تدلوني على المحلات الحلوه و يكون اسعارهم مناسبه وياليت لو يذكر لي الاسعار ولو بشكل تقريبي و المثل يقول .. ما خاب من استشار .. و انتم الخير والبركه اما الحاجات اللي ابيها هي :

البار

http://www8.0zz0.com/2009/11/12/04/126922819.jpg


بار متعرج .

http://www4.0zz0.com/2009/11/12/05/949585800.jpg



الدنبل

http://www11.0zz0.com/2009/11/12/04/375371552.jpg



شكر خاص لابو راشد على الصور ;)



و اسف ياشباب مره اخرى على قلة الذوق و اعذروني

وعليكم السلام ورحمة الله وبركاته
شف اخوي تقدر تروح الحراج تقريبا افضل مكان تروح له
او الفالح شغلهم مضمون وماركات بس عيبهم اسعارهم نار غالية شوي
او تروح ساكو وعندهم اجهزة حلوة وتصير احلى وقت التخفيضات
وعندك العامودي للرياضة ونفس نظام الفالح

واعتقد البار المتعرج موب لازم ولو تخليه توفير اكثر وفيه في المواضيع المميزة تلقا مواضيع تفيدك (التمرين المنزلي اساسيات +.......) واشياء زي كذا

واتمنى الله يوفقك

عندك الحراج ..

وفيه محل اعرفه تقريبا في السوق الشرقي حق الجوآلات بالنسيم
على ماعتقد

بس امر عليه اليوم انشاء الله واخذ رقمه وارسله لك على الخاص ..

زاحف معليش بتعبك معي شوي ياليت توضح عنوان الفالح و العامودي وين بالضبط

وشكرا لك



طموحي

ايه الله يعافيك ويرضى عليك جيب رقمه اكون لك شاكر و ممنون ولو اني بكلف عليك

الفالح و العامودي موجودين على شارع الستين ( الاسم الجديد صلاح الدين )
العامودي اسعاره و اشياءه احسن لكن الفالح عنده بار متعرج ارخص.

Aqili

الله يعافيك ويعطيك حتى يرضيك افدتني كثير مشكووور ياكبتن

اخوي انا يمكن من خمس سنوات اشتريت بار ودانبلز بست مية ريال من الفالح والاوزان مجموعها 44 كيلو جرام اربع اوزان 5 كيلو واربع اوزان 3 كيلو واربع اوزان 2 كيلو واربع اوزان 1 كيلو والى الحين حالتهم كانها جديدة انصحك بالفالح مررررررة كويس والاتهم كمان حلوة
لكن مااعرف عن اسعارها بالوقت الحالي