رد: بخصوص زياده الوزن
السلام عليكم ورحمه الله وبركاته
بديت العب كمال اجسام اعتقد بتاريخ 22/10
واليوم التاريخ 12 / 11
يعني تقريبا شهر ونص من دشيت النادي
كان وزني اول مادشيت 52
والهدف كان ضخامه
حاليا وزني 55
--------
طبعا وزنت بملابسي وكنت مستانس بالوزن
لكن يوم شلت الملابس وزني 53
وجربت مكملات / الميغا ماس والميغا امينو
وحاليا
سوبر ماس قينر
ملتي فيتامين
ميغا امينو 10000
وزيت السمك
والـ Zma
والسوبر بامب 250
وجلوتامين كبسول L-gluitamen
توني شريتهم من ثلاث ايام
لكن اعتقد انهم كثير .. فـ شلون اقدر انسق بينهم . ياريت من احد الاخوان يقولي شلون انسق بينهم
وبخصوص الوجبات اكل 4 وجبات باليوم بالقليل .. بس وجبات دسمه ووجبات سريعه ومن هالكلام
واذا عندكم اضافه لي اشياء محتاجها او طريقه تمارين جديده لي ياريت تعطوني خبر :)
------
هذا رد كتبته باحد مواضيعي لكن بعد ماصارت التعديلات وقريت القوانين اكتشفت ان ممنوع ارفع موضوع قديم ، فـ حبيت اكتب موضوع جديد
فـ يا اخوان ماهي المشكله
ليش ماني قادر ازيد ذيك الزياده ؟
عمري 20
وزني الحالي 53
مدخن
اروح الجيم الساعه 11 الظهر واقعد الساعه 8 -9
نومي بالقليل 11 ساعه
الاوزان اللي العبها قويه والعب بتركيز عالي واستمرار وبدون انقطاع وصاحب عزيمه وهدف
لكن مو قاعد اشوف اي تطور
هل العيب مني او طريقتي ..
هل احتاج اني اروح لدكتور تغذيه يشوف حالتي ؟
السموحه على كثره الاسأله يا اخوان بس والله شي يضيق الخلق ويتعب النفسيه
خمسه من ربعي دشو معاي بنفس الوقت كلهم فررررق الا انا
وانا عارف ان كل وضعيه جسم تختلف عن الثاني ،
ياريت الافاده :)
