شيء غريب بجسمي << استسفار لاهل الخبرة

السلام عليكم

اكثر الناس يقولون ان مع الوقت العضل يتحول شحم و الاغلب بفترات الانقطاع الطويل << و لكن اعتبره خرافة

و لكن صار معاي شيء غريب و و لا مرة سمعت احد اذكره جدامي !!!!!! < و اهو نقطة الاستفسار

قبل شهر تقريباً وزنت و طلع وزني 73.2 و طولي 169 و نسبة الدهون 19 ماشاء الله

و لكن امس لما وزنت الحمدلله وزني 75.2 و طولي 170 <<ماشاء الله << و نسبة الدهون 18 !!!!!!!!

السؤال : اشلون نزلت نسبة الدهون و وزني زايد و اكلي مو ناشف و مكملاتي غينر و ضخامة و مو عضل صافي

لكن لما سالت الكبتن قال جسمك قام يحرق الدهون و يحولها لعضل فهل هذا صحيح

و في شيء < حاب اقوله للاخوان اللي يقولون الحديد يوقف الطول الحديد ما يوقف الطول و انا زاد طولي و ما وقف و لله الحمد

بانتظار ردودكم << بالتوفيق للجميع

وعليكم السلام اخوي الطول يعتمد على العمر !!!
وبالنسبه للمقايس يا اما القراءه كانت غلط او عملية الايض زادت عندك وما في شي اسمه يحول دهون الى عضل !!
ويفرق ايضا اذا قست وزنك ونسبة الفات اول ما تصىحى او بعد التمارين
وبالنسبه للانقطاعات الطويله العضل يتحول الى شحوم هذي فكره سليمه 100% لكن مو تحول بمعنى الكلمه بل تقل النسب و الاعب لما يمارس كمال الاجسام كم وجبه ياكل ..!! تقريبا 7 وجبات فلما يترك اللعبه فتره طويله اكيد راح يكون محافظ على وجباته !! فبالتالي نسبة العضل تقل ويزيد الفات ...
موفق يا بطل

وعليكم السلام

بالنسبه للقياسات ربما خطا في وظعية جسمك انذاك اوفي المره الاخيره لاتنسى دور الايض.......
وفكلا الحالتين الوضع لصالحك

والعظل لايمكن يتحول لشحم ولا العكس ايضا.حتى فترات الانقطاع اذا كنت محافظ على نسب تغذيتك بشكل موزون
(طبعا مونفس وقت التمرين حيختلف الوضع شي بسيط حسب النشاط) راح تحافظ على الكتله وانا لي فترات وقاطع بسبب ظروف


بالتوفيق

فاتح الموضوع من دقائق ومانتبهت للرد..
عموما للفائده

اقتباس:

---

المشاركة الأصلية كتبت بواسطة THE CAST

فاتح الموضوع من دقائق ومانتبهت للرد..
عموما للفائده

---

خخخخخخخخخ العكس ابو منصور اسلوبك كان جميل بالشرح و الاختصارات المفيده
لكن سبحان الله نفس كلامي بالضبط ونفس الفاصله ههههههه
موفقين يا شباب تحياتي

ماقصرو الكباتن بالرد عليك ومافي كلام بعد كلامهم
بس حبيت اضيف شغله بخصوص استغرابك لزيادت الوزن مع نقصان نسبة الدهون
هناك اكثر من سبب
ربما تكون شربت سوائل كثيره قبل ان توزن واقصد ربما تكون الزياده سوائل
او يكون ليس نفس الميزان لأنه ميزان عن ميزان يختلف بالقياسات
او ربما تكون لابس ملابس كثيره تختلف عن الملابس بالمره الاوله
او ربما تكون وزنت في اخر اليوم وليس اول اليوم

تحياتي لك

بالنسبة للميزان << انا وزنت بثلاث موازينو و بوقات مختلفة مرة قبل التمرين و مرة بعد التمرين و مرة الساعة 11 الصبح و كلهم نفس النتايج

الكبتن يقول انت قاعد تحرق شحم و تكتسب عضل و جسمك قاعد يتحدد < و صج انا الاحظ على نفسي هالايام ماشاء الله

اعتقد اني اختلف مع كلامكم مع احترامي لكم و لارائكم بس لاني مجرب و مو معقولة كل هالموازين غلط

اقتباس:

---

المشاركة الأصلية كتبت بواسطة SportsMan

ماقصرو الكباتن بالرد عليك ومافي كلام بعد كلامهم
بس حبيت اضيف شغله بخصوص استغرابك لزيادت الوزن مع نقصان نسبة الدهون
هناك اكثر من سبب
ربما تكون شربت سوائل كثيره قبل ان توزن واقصد ربما تكون الزياده سوائل
او يكون ليس نفس الميزان لأنه ميزان عن ميزان يختلف بالقياسات
او ربما تكون لابس ملابس كثيره تختلف عن الملابس بالمره الاوله
او ربما تكون وزنت في اخر اليوم وليس اول اليوم

تحياتي لك

---

تسلم ع الرد << انا بالمرة الاولى لابس صيفي و كان بعد التمرين و لبسي خفيف و كانت الساعة 8 او 9 و المرة الثانية كانت قبل التمرين و الساعة كانت 5 او 6 و مرة الساعة 11 الصبح و كل مرة لبس يختلف
اما سوائل ما كنت مكثر و للحين اذكر بالتمام اني ما كنت شارب ماي وايد و لا سوائل << و انا وزنت باول اليوم و اخر اليوم و منتصف اليوم اشرايك << و بثلاث موازين مختلفة و نفس النتايج

تحياتي لك