رد: مافي اي زيادة بالوزن T_T
السلام عليكم ورحمة الله وبركاته
وعليكم السلام ورحمة الله وبركاته
شباب انا صارلي 4 شهور العب بس بالمرة مافي اي زيادة وزن مع اني احاول انه اكل صح وعلى ماعتقد انه جسمي بالمرة مايخزن دهون لانه كل يوم اكل لي من مطعم فاست فود وكله اكل حلويات و كذا و وزني ما يزيد ابدا
الاكل وحده غير كافي يا بطل لازم نوم الليل ما يقل عن 6 ساعت ولا يزيد وتقسيم وجباتك الى 6 وجبات يوميه وتركيز بالتمرين
طولي 173 وزني 50 و ال6 packs ظاهرة عندي بوضوح شديد والحمدلله هاي العضلة الوحيدة اللي عندي لول
تقريبا وجباتي كل يوم تكون كذا تقريبا
1-بيضتين مع كاس حليب على السريع لانه اروح على المدرسة
2-سندويتش جبن او دجاج
3-نفس الشي
4-رز مع دجاج
5-قبل التمرين اكل لي موز مع حليب او تمر مع حليب
6-بعد التمرين اخذ لي شكلاته جلاكسي و بعدها اكل علبة تونة
اوك زود وجبتين خضار وفواكه
واحيانا اخر وجبة تكون من مطعم يابرجر يا شاورما او شي
بس بالمرررررررة وزني مايبي يزيد والله مليت
وجدولي اول يوم صدر +باي+بطن
ثاني يوم كتف+تراي
ثالث يوم رجل
رابع يوم ظهر
اوووك وين الترابيس ....!! دخلها مع الظهـــر ولا تنسى البطات مع الارجل وتمرن سواعد يوم ايه ويوم لا ....
و انا فيني مشكلة انه في اليوم اشرب اقل من 1 لتر ماي هل هذا هو اللي ما يزيد وزني؟و الحين انا في اجازة ف اسهر يعني انام من 4 الفجر لين 2 الظهر هذا بعد ياثر؟وحليب اشرب تقريبا 400 m.l يوميا بس
المويه مالها دخل بالزياده بس انت كذا ممكن تضر الكبد لا سمح الله .. اشرب مويه اقل شي 3 لتر في اليوم طبعا على فترات مو مره وحده ... والسهر مصيبه .. نمو عضلاتك تتم في الليل وانت نايم سبحان الله ... وكذلك حرق الدهون وتكسيرها ... والحليب ممتاز ولو تزوده للتر افضل وافضل ...
شباب ابي الحل والله طفرت T_T
هههههههههههه طفرت وتوك ما خذيت مكملات ...
شكرا يا وحوش ^_^
العفووو اخوي واي شي ثاني لا تتردد
تحياتي
رد: مافي اي زيادة بالوزن T_T
هلا اخوي احمد
اقتباس:
الاكل وحده غير كافي يا بطل لازم نوم الليل ما يقل عن 6 ساعت ولا يزيد وتقسيم وجباتك الى 6 وجبات يوميه وتركيز بالتمرين
يعني انام من اي ساعة؟الساعة 2 في الليل زين؟
اقتباس:
اوووك وين الترابيس ....!! دخلها مع الظهـــر ولا تنسى البطات مع الارجل وتمرن سواعد يوم ايه ويوم لا ....
ايوة هذول العبهم بس انا عالسريع كتبت الجدول لانه كنت سهران لين الفجر و مصدع لول
اقتباس:
عضلاتك تتم في الليل وانت نايم سبحان الله
كيف في الليل بس؟يعني لين شروق الشمس؟
تسلم والله يعطيك العافية
رد: مافي اي زيادة بالوزن T_T
اوك الساعه 2 -9 ممتاز جدا
وبخصوص نمو العضلات اهم شي نومت الليل ... سبحان الله عملية البناء تتم وانت نايم
وبالتوفيق يا وحش
رد: مافي اي زيادة بالوزن T_T
اوه اوك مشكور
بس الحين انا في اجازة و ممكن انام 10 ساعات هذا مضر؟يعني من 2 لين 12 هذا يضر؟
رد: مافي اي زيادة بالوزن T_T
واخوي احمد الحين اذا وزني زاد هل عضم يدي راح يعرض؟لانه عضمة يدي صغيرة كثير
هل اذا زاد وزني راح تعرض؟
او اذا شربت حليب اكثر راح تعرض؟
شكرا ويعطيكم العافية ان شالله
رد: مافي اي زيادة بالوزن T_T
اقتباس:
المشاركة الأصلية كتبت بواسطة 7aMmooD
واخوي احمد الحين اذا وزني زاد هل عضم يدي راح يعرض؟لانه عضمة يدي صغيرة كثير
هل اذا زاد وزني راح تعرض؟
او اذا شربت حليب اكثر راح تعرض؟
شكرا ويعطيكم العافية ان شالله
اوك راح تزيد معك مع زياده الوزن وركز على تمارين السواعد والهمر
رد: مافي اي زيادة بالوزن T_T
مشكور اخوي والله يوفقك وجميع المسلمين ان شالله
