بخصوص بداية التمارين ( مبتدئ )

السلام عليكم

معلومات عني قبل ادخل بالموضوع
الطول 164
الوزن 56
العمر 27

ابسأل الحين انا مبعد عن الدهون
وناوي يكون عندي عضل متوسط الحجم + تقاسيم
فترة التدريب تكون العصر
الجدول
اسخن بمشي لمدة 5 دقائق
بعدين امسك دمبل وزنها 8 كيلو <<< شكلي متهور من البدايه
وبعدها بوش اب وبعدين تمارين المعده واعمل فراشه واكرر التمارين

المهم الفتره تكون بالغالب نصف ساعه واحس حيلي طايح << هذا اللي يقهرني
وأثناء التمارين اذاني تنسد بحيث اسمع نفسي بشكل مزعج تستمر هالحاله معي بعد التمارين لمدة 5 دقائق ؟؟؟؟

الحين هل الجدول هاذا ينفع او ياليت اللي عنده جدول احسن يطرحه

بالنسبه للمكملات احترت فيها ماعرفت وش اللي يناسبني ؟؟
وش تنصحوني فيه

واحد يرد تكفون!!
ابي ابني جسمي بشكل غير مبالغ فيه وش المكملات اللي تخليني اواصل التمرين لأكثر من ساعة
واللي يضايقني اثناء التدريب اذاني تقـفـل وش السبب ؟؟
التمارين تكون بعد فترة الغداء بـساعتين ونصف
الغداء رز مسلوق مع صدور دجاج هل هاذه الوجبه كافيه لأداء التمارين او لابد من اقتناء المكملات

اخوي رويال
يجون الاخوان ان شاءالله ويردون عليك بمعلومات مفيده
اهتم بالتغذيه والاحماء قبل التمارين
ومن ثم الجدول اللي يضعونه لك الاخوان ان شاءالله
ومع الصبر والنوم الصحي راح تحصل على جسمك اللي تتمناهـ
بالنسبة للتغذيه قسم وجباتك الى خمس او ست وجبات لنتايج افضل

ممكن نسبة دهونك + نظامك الغذائ الحالي

اقتباس:

---

اخوي رويال
يجون الاخوان ان شاءالله ويردون عليك بمعلومات مفيده
اهتم بالتغذيه والاحماء قبل التمارين
ومن ثم الجدول اللي يضعونه لك الاخوان ان شاءالله
ومع الصبر والنوم الصحي راح تحصل على جسمك اللي تتمناهـ
بالنسبة للتغذيه قسم وجباتك الى خمس او ست وجبات لنتايج افضل

---

تسلم والله على المداخله انا اللي محتاجه هو الجدول لأني اتعب بسرعه

اقتباس:

---

ممكن نسبة دهونك + نظامك الغذائ الحالي

---

انا اشوف ان ماعندي دهون والله ماعرف كم
الوجبات
الفطور كورن فليكس SpecialK + حليب رشاقة
الغداء رز مسلوق مع صدور دجاج + بطاط + بهارات
العشاء 5 بياض البيض + جبنة قريش + زيت زيتون + خبز توست اسمر
ومرات اخربها الفطور كودو والعشاء شورما
طبقت النظام هاذا قبل يومين ونزلت 2 كيلو !! وانا ابي ازيد وزني عضل وش الحل

وينكم يا اخوان

اخوي روح قسم المواضيع المميزه تحصل كل الي تبي

اقتباس:

---

المشاركة الأصلية كتبت بواسطة فيصل444

اخوي روح قسم المواضيع المميزه تحصل كل الي تبي

---

هلا فيك
هاذا جسمك اللي بالتوقيع ؟؟
اتمنى يصير جسمي مثلك
هل آكل وجبات فيها دهون قبل التمرين
او يكون الاكل المتبع دايت
ارجو الافادة ولكم جزيل الشكر

بالنسبه للجدول مابي احد يعطيني جدول اوك
والمشكلة اللي تحصل اثناء التمارين ولا ابي اعرفها
محتاج افادة للوجبه اللي تكون قبل التمارين
وشكرا