لوسمحتو كباتن تفضلو ووجهوني

السلام عليكم

ماعليكم امر كباتن ابي رايكم في هذا الجدول ولو كان في تعديل تنصحوني فيه

السبت :صدر
الاحد: ظهر
الاثنين : سواعد ..باي ،،تراي
الثلاثاء : راحه
الاربعه: ارجل ومعده
الخميس اكتاف ومثلثات ومعده
الجمعه:راحه
هل هذا جدول ممتاز للضخامه ؟

العضلات الكبيره خمس تمارين 10 8 8 6 شنو رايكم ؟؟؟
العضلات الصغيره مادري هل اربع تمارين او ثلاث تمارين ؟؟ وهل تكرار 10 8 8 6 او 10 8 6؟
هل استطيع اخذ حقنه هرمون في يوم الراحه ولا يجب ان تكون حقن المنشطات في ايام التمرين ؟
العب معده قبل التمارين ولا بعد التمارين وياليت مع ذكر السبب
طولي 173 وزني 70 الهدف ضخامه

وعليكم السلام
اخوي قبل كل شي انت داخل كورس ولا لا !! ويا ريت تذكر الاشياء الي ماخذها والمكملات علشان تكون الافاده لك واضحه

هلا ذا روك الغالي يشرفني انك اول من يرد على الموضوع

اي نعم داخل كورس دكا وسيبونيت ومسوي جدول لكن في يوم الثلاثاء عندي حقنه وجدول التمارين يوم الثلاثاء يوم راحه ومكملاتي بروتين ويت قينر وامينو مكملاتي كلها ممتازه ومساعده للضخامه انا بسال عن جدولي وتكراراته وهل استطيع اخذ الهرمون يوم راحه وعن المعده قبل التمارين او بعد التمارين

هلا بك يالغالي
اوك بخصوص تمرين البطن الافضل دائما بعد الكارديو مثلا خلصت تمرين الحديد ادخل كارديو خفيف بعدها بطن علشان تكون عضلات بطنك مسخنها وجاهزه للتمرين ...
وبالنسبه للحقن عادي جدا لو تاخذها بيوم الراحه
وجدولك ممتاز بس العضلات الكبيره خليها 6 تمارين وبالنسبه للتكرارات انت شكل فيها لا تمشي على روتين واحد
ولا تنسى التغير في الجدول من فتره وفتره

تسلم روك يالغالي لو لقيت صعوبه في 6 تمارين للعضلات الكبيره هل اقدر اخليهم خمس تمارين وشنو افضل تكرار لهم 10 8 8 6 ؟

والعضلات الصغيره كم تمرين اربع او ثلاث ؟ وشنو التكرار المناسب للعضلات الصغيره 10 8 8 6 ؟ او 10 8 6 ؟

لاني دايما اخاف العب بتمارين وتكرارات ماتضخم العضله ووتعب العضله وماتكبر

اقتباس:

---

المشاركة الأصلية كتبت بواسطة سوبرا949

تسلم روك يالغالي لو لقيت صعوبه في 6 تمارين للعضلات الكبيره هل اقدر اخليهم خمس تمارين وشنو افضل تكرار لهم 10 8 8 6 ؟

والعضلات الصغيره كم تمرين اربع او ثلاث ؟ وشنو التكرار المناسب للعضلات الصغيره 10 8 8 6 ؟ او 10 8 6 ؟

لاني دايما اخاف العب بتمارين وتكرارات ماتضخم العضله ووتعب العضله وماتكبر

---

اذا واجهت صعوبه في 6 تمارين لا تكثر جلسات خليها 3 كافيه ومثلا 12 10 8 كذا تمام واذا بتلعب 5 تمارين خليها 4 جلسات 12 10 8 8
والعضلات الصغيره نفس الكلام 4 تمارين في 3 جلسات 12 10 8 او 3 تمارين في 4 جلسات 12 10 8 6
وبالتوفيق يا وحش

عسى ربي يوفقك يارب ذا روك ريحة قلبي بجواباتك الوافيه وانا انشالله بلعب للعضلات الكبيره خمس تمارين 10 8 8 6
والعضلات الصغيره اربع تمارين تمرينين 10 8 8 6 وتمرينين 10 8 6
هذا افضل ذا روك ؟

الله يحفظك وجزاك الله خير ..
العضلات لكبيره اوك 5 تمارين لكن خليها 12 10 8 8
والصغيره ما فهمت تمرينين 4 جلسات وتمرينين 3 جلسات !!
خليها اربع تمارين بـ 4 جلسات واسبوع 3 جلسات واسبوع 4 جلسات وهكذا