استفسار عن جدول تمارين العضلات

السلام عليكم ياشباب
كيف الحال ان شاء الله بخير
الوزن87 الطول 167 العمر 20
صار لي اتمرن سنه و8 شهور

انا الله يسلمكم صار لي 7 شهور او 8 العب نظام العضله باليوم وفادني النظام وعطاني ضخامه واحس ان الجسم شبع من هالجدول
كلمت الكبتن عندنا في النادي قال لازم تلعب عضلتين بالاسبوع عشان جسمك يرد يضخم لانه شبع من عضله
بس قلل التمارين يعني قبل اسوي 6 او 5 للعضله الكبيره واربع للصغيره
الحين اسوي اربع للعضله الكبيره وثلاث للصغيره
والجدول عطاني اياه كالتالي
اكتاف + افخاذ
ظهر + تراي
صدر + باي

بس انا غيرت ولعبت كالتالي
اكتاف افخاذ
ظهر باي
صدر تراي
قلت لان الباي يشتغل يوم الظهر وارجع اشغله ثاني يوم ونفس الشي للتراي بيشتغل مرتين ورا بعض
مادري اذا تفكيري صحيح ولا غلط وماله دخل

بس الي صار ان اوزاني نزلت حيل يعني لعبت الظهر طبيعي وبقوه بس الباي تعبت حيل واوزان قلت حتى ماقدر ارفع نفسي
والتراي نفس الشي خلصت الصدر وبالتراي الاوزان قلت وتعبت
فهل ارجع لنظام العضله
او اواصل على هالنظام
او امشي على جدول الكبتن
ارجو انكم تفيدوني
والله يبيض وجيهكم

وعليكم السلام
شي طبيعي انك تشعر بثقل التمارين بما انك تعودت على عضله واحده طول ال8 شهور
لكن مع الوقت ترجع تتحسن الامور ان شاء الله
اما بخصوص التراي والباي مع الصدر او الظهر تلك الطريقتين تمشي
اما بخصوص الجدول انصحك انك تترك الارجل يوم لحالها والاكتاف كذالك

الله يعطيك العافيه وان شاء الله بمشي على الجدول لاخر الشهر وبشوف
وبالنسبه للارجل هو سواها لي ثلاث تمارين فقط والاكتاف خمسه

طيب المثلثات مالها نصيب
انا اقترح انك تخلي الارجل لحالها
والاكتاف مع المثلثات خمسه للاكتاف واثنين او ثلاثه للمثلثات
يعني بدال ثلاث ايام يكون جدولك اربع ايام ويوم راحه وتكرر

المدرب قال لين اخر الشهر لاتتمرن مثلثات لان عندي المثلثات حجمها طاغي على الكتف مادري شالمقصد من ان مايبي يمرني مثلثات
يعني بيكبر الكتف مثلا؟
والله يجزاك الخير

إخواني شنو هي تمرين المثلثات و شنو فايدتها و ياليت إذا في صورة توضيحية؟

الترابز
العضله الي بين رقبتك وفوق الاكتاف تكون

طيب كيف طريقة تمرينها؟

الترابس


http://www2.0zz0.com/2011/01/18/06/350085138.jpg
http://www4.0zz0.com/2011/01/18/06/255794949.jpg


http://www2.0zz0.com/2011/01/18/06/782966478.jpg
http://www2.0zz0.com/2011/01/18/06/669341326.jpg


http://www4.0zz0.com/2011/01/18/06/668134454.jpg
http://www2.0zz0.com/2011/01/18/06/264648632.jpg

و اي سؤال حاظر

بما ان موضوعي هذا ماصار له فتره مافي داعي اكتب موضوع ثاني وبكتب هنا
المدرب الله يقول ان نظام العضله للمحترفين فقط والمبتدئين والفئه الوسط لازم يتمرنون عضلتين باليوم ويكون مرتين اسبوعيا عشان يضخم عضلياا
الصراحه انا بديت احس ان المدرب زاد هياطه وشكلي بمشي على نظام العضله
بس ابي تعليقاتكم على هالكلام

وسؤالي الثاني
انا عمري 20 ينفع اخذ انيمال ستاك او ام ستاك

تحياتي لكم

ألف شكر أخوي Vortec

العفو اخوي وحياك الله

والله ياخوي التغير والتنويع مطلوب لكسر الروتين وعشان الجسم والعضلات ماتتعود على شي وتخمل لازم تغير عشان تستجيب

واتمنى باقي الكباتن يفيدونك
وبالنسبه للستاك بعد ماعندي خلفيه والاعضاء يفيدونك ان شاء الله