آمر مهم الدكتور يقولي بنسوي لك عمليه لإزله منطقه السر !! ارجوكم ابي رايكم يارب اشفني

السلام عليكم ورحمه الله وبركاته

ياشباب تكفون الله يرضاء عليكم وربي اني اعاني من مشكله كبيره ارجوووكم وربي اني متأثر نفسياَ تكفوووون انصحوني وجهوني واذا فيه احد حصل له مشكله نفس مشكلتي ياليت يفيدني الله يجزاه خير
ياشباب قبل سنه كنت احس بألم بسيط في منطقه (( السر )) في البطن ولكني كنت اتمرن ولاعطيتها اهتمام احياناً اشم رائحه كريه من منطقه السر واحياناً احس بوجود شي لزج لكنه شي بسيط واحياناً يجي شهر شهرين ماحس بشيء لكن الآن ومن شهر تقريباً بديت احس بألم بسيط في منطقه (( السر )) مع خروج دم بسيط اثناء التمرين وخرروج ماده لزجه من منطقه السر المهم الأسبوع هذا صرت ماقدر اتمرن لأني احس بألم اثناء تمرين يضايقني فأوقـفـت التمارين ورحت لأقرب دكتور طبعاً انا في امريكا الان الزبده شرحت للدكتور المشكله وعطاني حبوب وماده انظف فيها منطقه السر وعطاني موعد مع اخصائي باطنيه وبالمصاطفه طلع هذا الدكتور عربي طبعاً قبل شوي طلعت من عند الاخصائي وان ابكي تدروون وش قالي !! قالي جرب الحبوب والمنظف لمده عشر ايام !! واذا ماسوى نتيجه احتمال نسوي لك عمليه نزيل لك منطقه السر ونفتح لك منطقه سر ثانيه !!! وربي قالها كذا وبكل بروود انا شوي وابكي دكتور عربي ويشرح لي بالعربي ويقووولي هالكلام !!! ستفسرت يمين يسار قال مافيه حل غير العمليه اذا مافاده الحبوب يقوولي اصبر 10 ايام واذا ماراح الألمم لآزم عمليه نزيل لك منطق السر !!
طبعاً انا اعيش ضغط نفسي رهيب تخيلووا شكل بطني في سر مشوه !!!
يارب لا ماني مصدق كيف بمرن بطني كيف بتقبل جسمي !!
ياشباب تكفووون وش رايكم وش اسوي خصوصاً اني ماحس بألم قوووي في سري لكني اشم رائحه كريه ويخرج بعض الاحيان دم قليل !! تتوقعوون الدكتور ماهو فاهم ولا انا اعيش بحلم !! وربي ماني مصدق تكفووون فيه احد مر بالمرحله هذي قد صارله شي نفس الي صار لي تكفووون افيدوني وربي اعيش حاله نفسيه سيئه !! انا اقدر امشي وتحرك اقدر انط العب واكل اقدر امارس حياتي بشكل طبيعي لآ لآ ماني مسسوي العمليه لكني خايف يزود الآلم بعد فتره بس بنسبه للحين لآ لآ مستحيل اسويها ابي رايكم تكفوون هل دكتور مو فاهم هل منطقه السر خطيره هل اغير الدكتور ابي رآيكم ارجوكم !!

يارب يارب اشفني يارب يارب ابعدني عن العمليات واشفني عاجلاً غير اجل وعاف الأخوان جميعهم من كل الأمراض تكفوون ادعوا لي ان العلاج يجيب نتيجه وياي ولا حتآج لعمليه ..

الله يكون بعونك ..

صراحة اول مرة اسمع عن عملية ازالة السر !!!

واحتمال يكون عندك التهاب وبيزول مع المضادات والادوية ان شاء الله وانت حالياً استمر على العلاج ووقف تمرين وراجع دكتور ثاني وقوله وش قالك الدكتور العربي واساله ليش بيزيلون السر ..

شي غريب فعلاً

الله يشافيك ياخوي

الله يشفيك يا رب يمكن يكون فتق حاول واستشر في كل مكان

مشكورين يآ خوآن الله يعين بسس المشكله ماحس بألم قوووي ولله الحمد عشان نقوول اسوي العمليه !!

الله يعافيكم اخوي حمد ووالشينوبي

الله يشفيك يا رب اخوي ليش ما سالت الدكتور من شو انته تعاني بالزبط

اقتباس:

---

المشاركة الأصلية كتبت بواسطة sulaiman 89

مشكورين يآ خوآن الله يعين بسس المشكله ماحس بألم قوووي ولله الحمد عشان نقوول اسوي العمليه !!

الله يعافيكم اخوي حمد ووالشينوبي

---

اخوي دام الالم خفيف احتمال يكون التهام وبيروح مع المطهر والمضادات الحيوية وانا اتوقع التهاب لان الريحه اللي قلت عنها ماتطلع الا في حالة الالتهاب ..

تطمن واكثر من الاستغفار .

ولاتنسى راجع دكتور ثاني .

لاحول ولا قوة الا بالله

مثل ماقال اخوي حمد انتظر وشوف مع المهديات ولا تنسى تدعوا الله فإنه سميع مجيب

اسأل الله رب العرش العظيم ان يشفيك

اسئل الله العظيم ان يشفيك

اخوي لا تستعجل وتسوي العمليه نصيحه مني ونصيحه من اخ له خبره بمرض حاشه الا وهو الفتق وكانو قايليلي عمليه وخرابيط ودشيت بأزمه نفسيه لي يومك وانا ادعي ربي ما يعيد علي هالايام

وراجعت اسشارين واخضائين بحالتي وقالولي ماله داعي نهائيا العمليه فالزبده لا تسوي العمليه الا عقب ما تتأكد من اكثر من دكتورين انك بحاجه للعمليه

اخي الكريم انا اخبر هذه الحاله مع خروج صديد ودم وريحه كريهه هذا كيس شعر يسمونه عندنا في السعودية بس اول مرة اسمع يجي بالسره
انا جاني في افل الظهر وفعلا حله مضاد حيوي وتطهير فترة لو ما راح عملية تجريف للمنطقه المصابة

زي ما تفضلوا الأخوة راجع اكثر من طبيب وماخاب من استشار وانا اخوك والله يعافيك ولا تشيل همها انشاء الله بسيطه
بس عندي سؤالين / هل تحس بخمول او كسل او كثرة نوم خلال فترة الافرازات ( الدم والصديد ) ؟؟؟
هل تعتبر شخص مشعر ( يعني لديك شعر كثيف بالجسم )
اذا كانت الاجابة نعم فقد اجتمعت كل اعراض كيس الشعر لديك
وترا هذا مجرد اسم يعني لا يوجد شعر داخل هذا الكيس او الجريب انما الذي يتسبب به هو بصيلة شعر ملتهبه على الجلد تنمو بعطس الاتجاه

الله يشفيك ويشفي جميع امه محمد(ص)

اقتباس:

---

المشاركة الأصلية كتبت بواسطة goo baby

الله يشفيك ويشفي جميع امه محمد(ص)

---

الافضل كتابة صلى الله عليه وسلم بدون إختصار
الله يطولي بعمرك في طاعته

الله يعطيكم العافيه مشكوورين وارجوكم دعوآتكم لاتنسوني

اقتباس:

---

المشاركة الأصلية كتبت بواسطة abu kinan

اخي الكريم انا اخبر هذه الحاله مع خروج صديد ودم وريحه كريهه هذا كيس شعر يسمونه عندنا في السعودية بس اول مرة اسمع يجي بالسره
انا جاني في افل الظهر وفعلا حله مضاد حيوي وتطهير فترة لو ما راح عملية تجريف للمنطقه المصابة

زي ما تفضلوا الأخوة راجع اكثر من طبيب وماخاب من استشار وانا اخوك والله يعافيك ولا تشيل همها انشاء الله بسيطه
بس عندي سؤالين / هل تحس بخمول او كسل او كثرة نوم خلال فترة الافرازات ( الدم والصديد ) ؟؟؟
هل تعتبر شخص مشعر ( يعني لديك شعر كثيف بالجسم )
اذا كانت الاجابة نعم فقد اجتمعت كل اعراض كيس الشعر لديك
وترا هذا مجرد اسم يعني لا يوجد شعر داخل هذا الكيس او الجريب انما الذي يتسبب به هو بصيلة شعر ملتهبه على الجلد تنمو بعطس الاتجاه

---

بالظبط آخــوي هذ الكلام الي قالي الدكتور عنه قالي عندكـ التهاب في شعر السره ؟ وقالي ستخدم العلاج لمده عشر ايام اذا مافاد نبي نسوي لك عمليه لإزله السره !! اه بسسس اقسم بأيات الله ماتوقعت تووصل لدرجه
ابي اسئلك وش تقصد بعمليه تجريف !!! ترآك خوفتني !! بنسبه للأاعرض الي ذكرتها اي احس فيها احس فيني نوووم كثير مع اني اكون توني صاحي واحس بخمول تخيل لي 5 ساعات صاحي وابي انآم الحين وهذاني بكتب الرساله لك ونآم احس بخموول وطفش وتعب !!

وش رايك تنصحني اسوي العمليه ولا لا اذا مافاد العلآج الي عطاني ايه الدكتور مع العلم بأني
ماحس بألم قووو يعني امارس حياتي بشكل طبيعي بسس المشكله الريحه احياناَ واحياناَ الم بسيط ياليت تفيدني بحكم انك تعرضت لحاله مشابه وهل كنت تشعر بملل يعني انا الآن عندي ا ختبار بكره وانا مالي 6 ساعات صاحي ابي انآم مره ثانيه !! ياليت ترد يالغالي وشكراً لك

يا خوي راجع عدة دكاتره يمكن الدكتور غلطان

أول مره أسمع بعملية إزالة السر ووضع سر آخر !

في الغالب إنها زي ماقال أخونا أبو كنان كيس شعر وبإذن الله راح يزول مع التطهير والمضادات الحيويه ,
لكن انتبه تسوي العمليه على أساس كلام طبيب واحد !

> راجع على الأقل طبيب واحد آخر غير هذا .. وشف النتائج ,
وماتشوف إلا الخير إن شاء الله .