استفسار بخصوص الضخامة

السلام عليكم ورحمة الله وبركاته
انا داخل برنامج ضخامة .
هل استمر على نفس البرنامج ام لا؟
الطول 162
الوزن 71
نسبة الدهون 26%
المكملات واي بروتين (بعد التمرين) + بروكمليكس (الصبح) + كازيين (قبل النوم )

ولكم الشكر الجزيل

وعليكم السلام
حاليا ما يصلح انك تدخل ضخامة لانه نسبة الدهون عندك مرتفعه. فانصحك انك تنشف ومن بعدها تدخل بالضخامة

بالتوفيق

بعد التحية
ايش افضل طريقة تنشيف ؟
هل يختلف اسلوب التمرين في التنشيف عن الضخامة
هل اغير المكملات ام استمر عليها

اقتباس:

---

بعد التحية
ايش افضل طريقة تنشيف ؟

---

تنشيف انك تركز بين الكارديو (مثل المشي و السيكل) معا الحديد... مثلا اول ما تدخل الصاله تسخن ومن بعدها تبدا بالحديد لمدة 40 دقيقة وبعده ياتي دور الكارديو لمدة 20 الى 30 دقيقة

وثاني شي تحسب السعراتك اليومية او معدل الحرق عندك مثلا وزنك انته 71 فنضربه في 29 فالناتج بيكون معدل الحرق عندك وهي تقريبا 2100 سعرة باليوم ومن هني تبدا يا تنقص او تزيد وهذا يعتمد على حسب هدفك ضخامة او تنشيف

اقتباس:

---

هل يختلف اسلوب التمرين في التنشيف عن الضخامة

---

الاختلاف بسيط مثل الاوزان وزيادة التركيز على الحديد ولكنه الاختلاف الاكبر هو السعرات اليومية (كمية الاكل اللي تاكلها)

اقتباس:

---

هل اغير المكملات ام استمر عليها

---

مكملاتك ممتازة واستمر عليهم
بعد التعديل

اقتباس:

---

المكملات واي بروتين (بعد التمرين واثناء التمرين) + بروكمليكس (الصبح وباقي فترات اليوم) + كازيين (قبل النوم )

---

لك الشكر والتقدير لكن ما هو الاختلاف في الاوزان ؟

اقتباس:

---

المشاركة الأصلية كتبت بواسطة ابو فارس2010

لك الشكر والتقدير لكن ما هو الاختلاف في الاوزان ؟

---

اقصد فيها تحملك لرفع الاوزان لانه في تنشيف قوتك بتقل والضخامة قوتك بتزيد.

ماقصر معاك الكابتن
اخوي التنشيف او الضخامه تعتمد على الغذاء ونوع التمرين
التنشيف تكون الاوزان خفيفه الى متوسطه والتكرارات كثيره مع التركيز اثناء اللعب
الضخامه العكس اوزان ثقيله تكرارات قليله ايضا مع التركيز
بالنسبة للغذاء مثل ماذكر لك الكابتن تعتمد على السعرات الحراريه
لو كانت سعراتك الحراريه اليوميه 2100 مثل ماقال لك الكابتن
اقل من هالرقم ينزل وزنك فوق الرقم يزيد وزنك مساوي للرقم يثبت وزنك

ما شاء الله الشباب ما قصروا يعطيهم العافية