إستفسار عن طريقة استخدام هرمون النمو في التخسيس

السلام عليكم ...

هذي اول مشاركة لي في هذا المنتدى الطيب ... و انشالله ما تكون الاخيره بإذن الله .

الاستفسار : شريت كورسين جروث صيني 10 يونت و انا بصراحه ناوي انزل وزني و بنفس الوقت احاول ازيد من الكتلة العضلية طبعا عارف انه صعب انه الواحد انه يخسس و يضخم بنفس الوقت بس انا بحاول .

المطلوب : شنو المفروض ادخل مع الجروث يعني تنصحوني ادخل معاه ونسترول و تسترون ؟

و اتمنى منكم الافاده يعني كم مره احقن الجروث باليوم و متى احقنه و اذا بدخل معاه الونسترول و التسترون شنو المفروض استخدم يعني اي تسترون و كم الكمية و على كم اسبوع.

و ما هي المنظفات المطلوبه مع طريقة اخذها .

طبعا راح اكون ماشي على نظام غذائي صارم يعني بروتين عالي الكارب قليل و السكر و الفات شبه معدوم .

طبعا الكورس لازم يكون معاه مكملات مثل بروتين 0% كارب و فات و سكر , و امينو 2222 و ملتي فيتامين ... هل في شغلات بعد ادخلها مثلا حارق دهون .

علما سبق لي و جربت الليبو 6 بلاك و ما سوالي شي و استخدمت الكلين بترول + حقن ال كرانتين و كانت نتايجهم مرضيه .

الطول 186 الوزن 116 الفات 23.75%
( حسبت الفات من هالموقع http://www.bmi-calculator.net )

ادري بتقولين لي وزنك زايد و لازم تخسس قبل لا تاخذ كورس هرموني بس يا جماعه انا صارلي سنين العب و اقطع لعب و هالمره ناوي التزم و انشالله ما راح اقطع و بالنسبه للوزن الطول و العظم و العضل له وزنه بعد يعني كل اللي شافوني ما عطوني وزن فوق ال 90 مو مبين علي كلش

و اسف ادري انه استفساراتي وايد بس حاب اني استفيد من خبراتكم

و شاكر لكم مقدما

وعليكم السلام ..

انت تدري ان بنقولك وزنك زايد هههههههههه

عموماً اللي بيبدأ كورس لازم بالاول يبدأ بنظام غذائي مناسب لمدة شهر على الاقل وبعدها يدخل هرمون اما انك بتدخل هرمون مع نظام غذائي مايصلح لان لازم اول تدخل نظام غذائي عشان اتعرف كم بينزلك وكم بعد شهر من النظام بتكون نسبة الفات ..

نصيحتي لك الهرمون ماراح ينفعك نهائياً بهذه الفترة ليس بسبب الوزن الزائد بل بسبب نسبة الدهون المرتفعة وحتى لو دخلت قروث خالي بدون تستا واستمريت عليه لمدة 3 اشهر متواصلة ومع نظام غذائي بعد ماراح يعطيك اللي انت تبيه ويمكن تستفيد اشوي بس مب مثل الفايدة اللي بتلقاها ونسبة الدهون 16% مثلاً ..

حالياً ..

ادخل نظام غذائي صارم وبدون دهون لاضارة ولانافعه لمدة شهر مع حارق دهون وشوف بعد شهر كم بتوصل النسبة ..

وبعدها انا حاضر ارتب لك احلى كورس بشرط يكون عمرك فوق 23 ...

اخوي انا ابي اسالك وجاوبني انت اتقول من مده كنت تتمرن وتقول ماالتزمت وهالمره راح تلتزم عشان ماخذ قروث مااعتقد انه القروث يبي يخليك تلتزم بالنادي وبعدين ناس وايد اعرفهم ماخذين قروث ماتغير معاهم نتيجه حولتهم من شخص الى شخص اخر تغير بسيط اهو يحس ماحسوا فيه الناس انه تغير جسمه فا انا انصحك نصيحه اخ انك تشوف نفسك لمده 3 شهور في تمرين منتظم واكل بدون فات وحارق دهون كويس وكارديو بعد التمرين راح تلقى نفسك من حاله الى حاله اخرى ونفس مده كورس القروث الي انت بتاخذها راح تتغير وتلقى جسمك متضبط ونتايج حلوه كورس القروث اخذه للدهون الصعبه مو للدهون السهله عشان اتشوف السكس باك مع عرض الاكتاف وادري انه هذا هدفك وانا مستعد اعطيك نظام غذائي وحارق دهون كويس

اقتباس:

---

المشاركة الأصلية كتبت بواسطة .hamad.

وعليكم السلام ..

انت تدري ان بنقولك وزنك زايد هههههههههه

اي ادري ^_^

عموماً اللي بيبدأ كورس لازم بالاول يبدأ بنظام غذائي مناسب لمدة شهر على الاقل وبعدها يدخل هرمون اما انك بتدخل هرمون مع نظام غذائي مايصلح لان لازم اول تدخل نظام غذائي عشان اتعرف كم بينزلك وكم بعد شهر من النظام بتكون نسبة الفات ..

و هذا اللي بيصير انشالله ... بس انا قاعد احاول اني اجهز كل شي للكورس من الحين لانه بصراحه حرام اخذ قروث و ما استفيد منه فحبيت استفسر عن كل شي و اجهز العده من الحين ^_^

نصيحتي لك الهرمون ماراح ينفعك نهائياً بهذه الفترة ليس بسبب الوزن الزائد بل بسبب نسبة الدهون المرتفعة وحتى لو دخلت قروث خالي بدون تستا واستمريت عليه لمدة 3 اشهر متواصلة ومع نظام غذائي بعد ماراح يعطيك اللي انت تبيه ويمكن تستفيد اشوي بس مب مثل الفايدة اللي بتلقاها ونسبة الدهون 16% مثلاً ..

اتفق معاك بأن النتايج ماراح تكون بالشكل المطلوب مع نسبة الفات العالية .. بالنسبة للقروث حضرتك قلت انه حتى لو اخذه خالي من غير تسترون صح ؟ طيب انا اللي اعرفه انه القروث لوحده ما راح يسوي شي او بالاصح ما راح يغير تغيير كبير و اذكر اني قريت دراسه شامله عن الهرمونات اللي تساعد في حرق الدهون و ذكر فيها ان افضل النتائج تكون باخذ القروث مع التسترون . هل معلومتي صحيحه واله خاطئة ؟؟

حالياً ..

ادخل نظام غذائي صارم وبدون دهون لاضارة ولانافعه لمدة شهر مع حارق دهون وشوف بعد شهر كم بتوصل النسبة ..

علشان اكون صريح معاك حتة لو استمر لشهرين او 3 اشهر جسمي يتغير للافضل بس في اماكن ما تتعدل لو شنو اسوي و ماني عارف السبب

وبعدها انا حاضر ارتب لك احلى كورس بشرط يكون عمرك فوق 23 ...

---

بيض الله وجهك يا الغالي و هذا العشم فيكم والله و بالنسبة للعمر لا تحاتي شايب ^_^

حاضرين اخوي واي استفسار انا موجود ..

اقتباس:

---

المشاركة الأصلية كتبت بواسطة alrashidi

اخوي انا ابي اسالك وجاوبني انت اتقول من مده كنت تتمرن وتقول ماالتزمت وهالمره راح تلتزم عشان ماخذ قروث مااعتقد انه القروث يبي يخليك تلتزم بالنادي وبعدين ناس وايد اعرفهم ماخذين قروث ماتغير معاهم نتيجه حولتهم من شخص الى شخص اخر تغير بسيط اهو يحس ماحسوا فيه الناس انه تغير جسمه فا انا انصحك نصيحه اخ انك تشوف نفسك لمده 3 شهور في تمرين منتظم واكل بدون فات وحارق دهون كويس وكارديو بعد التمرين راح تلقى نفسك من حاله الى حاله اخرى ونفس مده كورس القروث الي انت بتاخذها راح تتغير وتلقى جسمك متضبط ونتايج حلوه كورس القروث اخذه للدهون الصعبه مو للدهون السهله عشان اتشوف السكس باك مع عرض الاكتاف وادري انه هذا هدفك وانا مستعد اعطيك نظام غذائي وحارق دهون كويس

---

انا اسف اخوي لاني ما وضحت لكم سبب عدم الالتزام و المده اللي استمريت فيها ..

بالنسبة للمدة يعني دائما ما تقل عن 8 شهور يعني اقل فتره لعبتها 8 شهور

سبب عدم الالتزام اما يكون بسبب الدراسه ... حاليا ما راح تكون سبب يخليني اقطع .

او بسبب الاصابة ... طبعا هالشي مو اب ايدي

في معلومة بعد ما قلتها لكم انا كنت رياضي من صغري و مارست اكثر من لعبه و مثلت المنتخب اكثر من مره بس الاصابة خلتني ابتعد عن الرياضه و انتوا عارفين شنو يصير بالواحد لما يبتعد عن الرياضه ابتعاد كلي .

وزني ما كان يتعدى ال 78 كيلو مقارنة بطولي فجسمي كان ضعيف .

بعد انقطاعي عن الرياضه بدى وزني يزيد بشكل كبير فقررت اني ادش نادي و فعلا بلشت و استمريت فتره طويله جدا بس للاسف كنت صغير و ايامها ما كان في احد يرشدك او يعلمك على اللعب الصح فكنت ادش اخبص و اطلع و الجسم شكله حدث و لا حرج عضله اكبر من عضله يعني الجسم من الاخر فلم ^_^

حاليا صارلي اكثر من 3 سنين وزني ما ينزل عن ال 105 سبحان الله كانه يعاند لو مهما سويت مافي فايده حتى اتبعت اكثر من طريقه من بينهم ( الهتس ) الوزن ثابت

اللي اعاني منه حاليا ترهل في الصدر و الكرش قاعد يكبر بس لين ...

بالنسبة لهدفي والله ما ابي سكس باك راضي اب 4 ^_^ و الاكتاف عريضه و الحمدلله ( شكلي باللبس حلو يعني العيوب اللي بالجسم ما تبين )

و يعطيك العافيه على مرورك و وقتك يا الغالي