الفرق بين المكملات الغذائيه المضروبه والاصليه؟

السلام عليكم ورحمه الله وبركاته
كثر في المنتدى الهرج والكلام عن المنتجات المضروبه والفاشله المقلده وحبيت انقل لكم تجربتي شخصيا مع باعه المنتدى وخصوصا ذا روك والهاشمي لاني اتعامل معهم من سنه تقريبا
يقول البعض ليش منتجاتهم رخيصه اكيد انها محليه الحل هو ان البعض مايناظر الا لمنتدى البدي بلدينق ويقارنها بهم ولو قارنتها بمواقع اخرى لوجدتها نفس الاسعاراللي هنا مع الشحن
جي ان سي منتجاتهم مرتفعه السعر فهذه اصليه = هذا كلام فاشل فاسعارهم ارخص في الخارج واللي ما يصدق يشوف فرعهم في البحرين انا شخصيا شريت منهم كرياتين 500 ج الاحمر جي ان سي يكفي وزياده ب 130 والله على مااقول شهيد وهنا ب160 واعتقد 150 جرام وحبوب كبسولات 160 حقت شهر فقط يعني لاعبين علينا يعني نصف اللي شريته واغلى
واحد من اخوياي في النادي وهو عضو هنا في المنتدى شرى من البدي بلدينق واي ابتم شوكليت فحبينا نقارنها مع منتج البحرين والمنتج المحلي قصدي اللي بالمنتدى فلم نجد اي فرق لدرجه ان العلبه نفسها الاله اللي تزين العلب نفس الشروخ وبنفس المكان اللي بالعلب بالذات الخط الاسفل اللي يقسم العلبه ونفس حركه طباعه التاريخ موحده على الورقه ولمن تنزل الورقه تلقى تاريخ اخر على نفس العلبه
شخصيا انا شريت من البحرين من رويال ماجستي واسعارهم ارخص من بعض منتجات الاخوان اللي بالمنتدى السريوس ماس 12 باوند 18 دينار يعني 180 الاوبتي مان 180 حبه 135 ريال الامينو2222 ب100 ريال طبعا هي معروفه في البحرين لااحد يتفلسف لانها موسهله وترعى بطولات في البحرين يعني زي جي ان سي وقويه اكيد بتحافظ على سمعتها


انا استفدت من الاخوان اللي بالمنتدى وزاد وزني مع مكملاتهم واللي ما يصدق يشوف لي مواضيع قديمه في افضل منتج حقق نتايج بالرغم والله العظيم ماتربطني بهم اي علاقه لكن لمن اشوف واحد يقول يجيني سهال ولا اصدع حبيت اقول لك الناس مو زي بعض بعض الناس يجيه اسهال من سن توب
واللي يقهر اكثر ان يجي واح\د يتفلسف على طول ومسوي فاهم ويقول المنتج مضروب ومغشوش وكله على شان مصالح شخصيه اثبت كلامك على شان الناس تصدقك الدعوه ماهي سلق بيض

ارجو من الاخوان المشرفين عدم اقفال او نقل الموضوع لان حنا ملينا من كثر الهرج ونبي نكون على بينه ونقفل الموضوع مره واحده

بارك الله فيك اخوي القرشي،،،

موضوعك جا في وقته لانه بالفعل كثر الكلام في الموضوع ان لم يكن في المنتدى فخارج المنتدى ،،،

تحياتي

يعطيك العافيه اخوي مسفر وشاكر لنقل تجربتك الرائعه معي شخصيا ومع اخي ذا روك

بصراحه انت واحد بالميه من الاعضاء الي تشكر واحسن مافيك انك متفهم الي قاعد يدور بالمنتدى من محاولات تخريب سمعة البائع لمصالح شخصيه و من دون ذكر اسماء

صحيح بالبحرين الاسعار ارخص من عندنا لان هناك سوق مفتوح

ع العموم الله يوفقك ان شاءالله ويسهل دربك.

اقتباس:

---

المشاركة الأصلية كتبت بواسطة khzzar

بارك الله فيك اخوي القرشي،،،

موضوعك جا في وقته لانه بالفعل كثر الكلام في الموضوع ان لم يكن في المنتدى فخارج المنتدى ،،،

تحياتي

---

تسلم يالغالي لكن من وجهه نظري انه لا يوجد منتج مضروب وخصوصا من الاخوان اللي هنا وانا اول واحد باقف ضدهم لو اكتشفت انه به تلاعب لا سمح الله لكن ماشفنا الا كل طيب وصدق من طرفهم

اقتباس:

---

المشاركة الأصلية كتبت بواسطة الهاشمي2

يعطيك العافيه اخوي مسفر وشاكر لنقل تجربتك الرائعه معي شخصيا ومع اخي ذا روك

بصراحه انت واحد بالميه من الاعضاء الي تشكر واحسن مافيك انك متفهم الي قاعد يدور بالمنتدى من محاولات تخريب سمعة البائع لمصالح شخصيه و من دون ذكر اسماء

صحيح بالبحرين الاسعار ارخص من عندنا لان هناك سوق مفتوح

ع العموم الله يوفقك ان شاءالله ويسهل دربك.

---

من لا يشكر الناس لا يشكر الله
لك الف شكر على حسن تعاملك وعلى اسلوبك في التعامل الصادق وعلى البضاعه الطيبه يكفي لي قرابه السنه وانا اتعانل معاك انت شخصيىا والدليل مااحد يذكرك الا بالخير في مواضيعك
على العموم الله يرزقك على قد نياتك

الله يحي اصلك اخوي القرشي وبوسه على الرااس
ووالله يجعله بميزان حسناتك
والمنتدى كله ظالمين اخوي ذا رووك والهاشمي !!!
وتحيه خاصه للكبتن احمد

وعليكم السلام ورحمة الله وبركاته
الله يجزاك خير اخوي مسفر على ما قدمته من شرح وافي جعله ان شاء الله بميزان حسناتك
وشرف لنا والله اننا تعاملنا مع شخص مثلك
والسالفه واضحه ومعروفه وباينه من اول وانا مريح راسي ومعطي كل شخص على جووه كل شوي طالع لنا واحد واي برووتين جاني مغص = مضروب على طول !!
والمصيبه الاعظم يا ريت من الاعضاء العاديين بس لكن عاد وش نقول غير حسبنا الله ونعم الوكيل وربي ما راح يخلي احد ..
وسؤال واحد بس انت وش الي حادك تاخذ مننا !! ياخي خلاص روح جي ان سي وخذ منه الواي بروتين بـ 1000 حنا وش علينا !!لا ولا يجيك واحد يقولي كم السرياس اقوله بـ220 يقولي اووف وراك غالي انا محصله بـ 140 هههههههههههه هذا وش ترد عليه بالله ...!!
والبعض يقولي اغراضك تجيبها من جبل علي ولا من وين !! اقوله تراني اصنعها في المطبخ مع الوالده الله يحفظها !!!! الحمد لله والشكر على نعمة العقل فعلا شر البليه ما يضحك ......
وما ابي اطيل في الكلام لان السالفه من بدايتها واضحه وكلها لعبه فقط لا اكثر
والحمد لله على كل حال والارزاق بيد الله ... وحسبي الله على الظالمين

وتحيه لك اخوي مسفر وكثر الله من امثالك
تحياتي للجميع

يعطيك العافيه اخوي القرشي على الموضوع الرائع ويستاهل والله التثبيت لكن ........

والله يقويك اخوي الكبتن احمد ويحفظك وعادي يا رجال دائما الي يسوي خير لازم يكون له اعداء كثر
وخل عنك الي يتفلسف ويقول الشحن البحري يقعد سنه وممكن سنتين بعد لا ولا الي يقول عارف الشغله من الالف للياء وهو ما يدري وش المكمل بس مع الخيل يت شقرا
موفقين يا شباب وعساكم على القوه دوووووم

السلام عليكم
انا اخواني من اشد المعجبين بهذا المنتدى ومن كثرت دخولي اليه اكتشفت
ان بعض الاعضاء بالفعل هم اكثر من اخوان ولعل ابرز مثال على سبيل المثال لا الحصر ذا روك
والله العظيم يا اخي لو كنت في بلد مجاور لي لكانت كل تعاملاتي معه لانه يا اخي نعم الرجال
وكلمة الحق تقال
وفق الله ووفقني معكم لما فيه خير

السلام عليكم ورحمة الله وبركاته
اضم صوتي لكل الأخوة اللي سبقوني بشكر الموردين الموثوقين في المنتدى على رأسهم ذا روك والهاشمي ولا يهونون البقية
انا صرلي 6 شهور على المكملات من المنتدى ولله الحمد ما اشتكيت من شي ويكفيني حسن تعامل الموردين والنصيحة وانا اذكر اخوي احمد ذا روك لما قلت له ابي علبة كرياتين قالي بلاش ما ينفعلك الحين مع انه مصلحته يبيعني ولكن نصحني بصدق وامانه
انا اشوف المشكلة يجيك واحد ياخذ علبة بروتين شهر ولاشهرين وما يشوف نتائج يقول منتج مضروب وهذا كلام غير صحيح ابدا يعني ناس لها سنين تتدرب وتلعب حديد حتى شافوا نتائج الحين احنا بنشوف نتائج بشهر ولا شهرين
اضف الى ذلك ان ادارة المنتدى تراقب المواضيع وشكوى العضاء من اي شئ يخص بيع منتجات مضروبة او غير صالحه

وبالنهاية الرزق على الله

تسلم اخوي عالمعلومات والي راح تساعد السعوديين بحيث انهم ما ينغشون بحيث انهم يقدروا يشتروا المنتجات بسعر ارخص من بلد ثاني الي هو بلدي البحرين :09:

او بشرائه من الاعضاء المميزين بالقسم ^^

اتمنى لكم التوفيق

اقتباس:

---

المشاركة الأصلية كتبت بواسطة THh Rock

وعليكم السلام ورحمة الله وبركاته
الله يجزاك خير اخوي مسفر على ما قدمته من شرح وافي جعله ان شاء الله بميزان حسناتك
وشرف لنا والله اننا تعاملنا مع شخص مثلك
والسالفه واضحه ومعروفه وباينه من اول وانا مريح راسي ومعطي كل شخص على جووه كل شوي طالع لنا واحد واي برووتين جاني مغص = مضروب على طول !!
والمصيبه الاعظم يا ريت من الاعضاء العاديين بس لكن عاد وش نقول غير حسبنا الله ونعم الوكيل وربي ما راح يخلي احد ..
وسؤال واحد بس انت وش الي حادك تاخذ مننا !! ياخي خلاص روح جي ان سي وخذ منه الواي بروتين بـ 1000 حنا وش علينا !!لا ولا يجيك واحد يقولي كم السرياس اقوله بـ220 يقولي اووف وراك غالي انا محصله بـ 140 هههههههههههه هذا وش ترد عليه بالله ...!!
والبعض يقولي اغراضك تجيبها من جبل علي ولا من وين !! اقوله تراني اصنعها في المطبخ مع الوالده الله يحفظها !!!! الحمد لله والشكر على نعمة العقل فعلا شر البليه ما يضحك ......
وما ابي اطيل في الكلام لان السالفه من بدايتها واضحه وكلها لعبه فقط لا اكثر
والحمد لله على كل حال والارزاق بيد الله ... وحسبي الله على الظالمين

وتحيه لك اخوي مسفر وكثر الله من امثالك
تحياتي للجميع

---

يا رجال واثقين فيك وان شاء الله بشتري منك وهذي اول مرة لي وان شاء الله موب اخر مرة وما عليك من************************

اقتباس:

---

المشاركة الأصلية كتبت بواسطة KARIM19

السلام عليكم
انا اخواني من اشد المعجبين بهذا المنتدى ومن كثرت دخولي اليه اكتشفت
ان بعض الاعضاء بالفعل هم اكثر من اخوان ولعل ابرز مثال على سبيل المثال لا الحصر ذا روك
والله العظيم يا اخي لو كنت في بلد مجاور لي لكانت كل تعاملاتي معه لانه يا اخي نعم الرجال
وكلمة الحق تقال
وفق الله ووفقني معكم لما فيه خير

---

وعليكم السلام
الله يجزاك خير اخوي كريم ولي الشرف والله بالتعرف على رجال مثلك

اقتباس:

---

المشاركة الأصلية كتبت بواسطة abu kinan

السلام عليكم ورحمة الله وبركاته
اضم صوتي لكل الأخوة اللي سبقوني بشكر الموردين الموثوقين في المنتدى على رأسهم ذا روك والهاشمي ولا يهونون البقية
انا صرلي 6 شهور على المكملات من المنتدى ولله الحمد ما اشتكيت من شي ويكفيني حسن تعامل الموردين والنصيحة وانا اذكر اخوي احمد ذا روك لما قلت له ابي علبة كرياتين قالي بلاش ما ينفعلك الحين مع انه مصلحته يبيعني ولكن نصحني بصدق وامانه
انا اشوف المشكلة يجيك واحد ياخذ علبة بروتين شهر ولاشهرين وما يشوف نتائج يقول منتج مضروب وهذا كلام غير صحيح ابدا يعني ناس لها سنين تتدرب وتلعب حديد حتى شافوا نتائج الحين احنا بنشوف نتائج بشهر ولا شهرين
اضف الى ذلك ان ادارة المنتدى تراقب المواضيع وشكوى العضاء من اي شئ يخص بيع منتجات مضروبة او غير صالحه

وبالنهاية الرزق على الله

---

وعليكم السلام ورحمة الله وبركاته
الله يجزاك خير اخوي ابو كنان ويوفقك ربي وشاكر لك على شهادتك الي اتشرف فيها والله
وكثير من الناس يحسب انه المهم فقط يبيع بيع بيع بيع طيب وش ذنب الرجال لا ضاعت كلاه او صارله شي من جرعه زائده ..!! وقتها صراحه تستاهل دعوه غير مرضيه !!! ويشهد علي ربي اني ابيع للشخص واحط نفسي مكانه !!! وفي ناس كثيـــــــــــر يجوني باسامي بروتينات او كورس غير مناسب لهم ابدا وانا اقعد واعطيه الوقت وانظم له الكورس المناسب له ..!! لكن ما نقول غير الحمد لله والواحد يسوي خير لقاء وجه الله تعالى والاجر على الله

وماقصرت ابو كنان كفيت ووفيت يا بعدهم
تحياتي

[QUOTE=Broken Sword;7043439]يا رجال واثقين فيك وان شاء الله بشتري منك وهذي اول مرة لي وان شاء الله موب اخر مرة وما عليك من******************[/QUOTE]

ههههههههههههههههههههههههههههههههههههههههههههه
يا رجال وسع صدرك هي لعبه واضحه وفي اكثر من شخص مسجل بعضويات مختلفه .......
وابو راشد جزاه الله خير ماقصر بالشرح الله يطولنا بعمره ان شاء الله