عدة استفسارات للخبرااء في المنتدى من مببببتدئ من الصفر

بالبداية اعتذر عن كتابة الموضوع في المنتدى العام واسف للادارة المنتدى ماكنت ادري
وهذا كان موضوعي
--------------------

بسم الله الرحمن الرحيم

السلام عليكم ورحمة الله


اول شي اشكر القائمين على هالمنتدى بصراحه منتدى اكثر من رائع
واعجبني الاهتمام من القائمين عليه

صراحه ماني عارف من وين ابدا لكن ببدا من مواصفات جسمي يعني حتى تكونون بالصورة
اول شي انا عمري 20 سنه
طولي 170
وزني 51 :boggled::boggled: < مسبب لي قلق

فالبداية تقريبا من مايقارب السنة وانا عندي طموح او فكره واتمناه لو تتحقق وكنت اشوفه مستحيله صراحه بسبب ان جسمي نحييف وماني عريض ابد والمشكلة الاكبر اني اشوووف عضمي مره صغير يعني ذراعين اليدين نحاف ولا عضلات ولا شي
وطبعا هي اني اجعل جسمي جسم صحي بالبداية ورياضي معضل نووووعا ما < يعني مهو مثل جون سينا :09: بس يعني اذا مسكت العضله احس فيه شي متخبي هنا مهو عظم وجلد

طبعا بديت بالمحاولات منا ومنا بدون هدف يعني بس كذا وطبعا اتكلم عن زيادة وزني وكان قبل 47 وحاولة ازيده بس مهو بذيك المحاوله المحاوله يعني ورفعته لـ 51 بس بفترررره طويله يعني مررره وهالزيادة انا احس انه بالبطن وانا هذا الي خايف منه مابي اضغط على روحي بالاكل وبالاخير يصير وزني 80 والكرش هالطوول
ووانا الحمدلله من 3 سنوات تقريبا العب كووورة تقريبا اسبوعيا مره العب وتمر فترات ما العب بس كثير العب يعني ولياقتي زينه غالب الوقت
انا ماراح اطووول بالكلام واقولكم قصة حياتي :> بس كل الي اتمناه منكم تساعدوني بالطريقة يعني وعن التالي

اول شي كيف ازيد وزني بحيث يكون وزن صحي
ثاني شي سمك العظم هل من الممكن اني ارفع سماكته
وثالث شي ابغى عظلات مع كل هذا صدر وكتوف وضهر ويدين شلوون وكيف هي الطرق ومن وين ابدا
وهل من الممكن اني اجعل من جسمي النحيل جسم عريض نوعا ما ومعظل قليلا وصحي ؟ ام هالشي يجي من ربي لاشخاص !!

صراحه صراحه ادري ان موضوعي حوسه لاني متشتت ولا اعرف وش ابي بالضبط
بس ابي من اصحاب الخبرة يفيدوني يعني من وين ابدا وماهي البرامج الي اتبعها الرياضية + الغذائية والتمارين ماهي افضل التمارين الي ممكن اسويها حاليا وماهي المأكولات الي تفيدني كثير والمأكولات الي ماتفيدني


ملاحظات
انا ماودي اخذ من هالادوية او مادري وشن هالي تعرض لزيادة العظلات وزيادت الاوزان ومادري شلون احسها كلها كذب ومخاااااااطرها كثيره وكثير سمعت ان اخطارها واجد تصير
انا من لي 3 اشهر تقريبا بديت اسوي بوش اب بشكل متقطع ( يعني كل مادخلت الغرفة انبطحت ودليت يالله فوق تحت :09: ) بالبداية كنت ماسوي الا خمس ضغطات وخلاص احس يديني راحت بس الحين اصل الى خمس طعش مره والوضع سليم


واخيرا ادري طولت عليكم بس تحملوووني وان شاءالله ياااارب القى الفايدة منكم بس
اسف سؤال اخير
هل العظلااااااات تضر الشخص باااالمستقبل ؟ قد وسمعت ان العظلات مو زينه ليه لانها تضر الشخص لاكبر ويصير مادري وش فيه ولا يقدر يتحرك من الالام وهالكلام :>

انتظظرررر مساعدااااتكم ولكم الشكر الجزيييل :ee2:

اقتباس:

---

المشاركة الأصلية كتبت بواسطة بردان1

بالبداية اعتذر عن كتابة الموضوع في المنتدى العام واسف للادارة المنتدى ماكنت ادري
وهذا كان موضوعي
--------------------

بسم الله الرحمن الرحيم

السلام عليكم ورحمة الله
وعليكم السلام ورحمة الله وبركاته

اول شي اشكر القائمين على هالمنتدى بصراحه منتدى اكثر من رائع
واعجبني الاهتمام من القائمين عليه

صراحه ماني عارف من وين ابدا لكن ببدا من مواصفات جسمي يعني حتى تكونون بالصورة
اول شي انا عمري 20 سنه
طولي 170
وزني 51 :boggled::boggled: < مسبب لي قلق

فالبداية تقريبا من مايقارب السنة وانا عندي طموح او فكره واتمناه لو تتحقق وكنت اشوفه مستحيله صراحه بسبب ان جسمي نحييف وماني عريض ابد والمشكلة الاكبر اني اشوووف عضمي مره صغير يعني ذراعين اليدين نحاف ولا عضلات ولا شي
وطبعا هي اني اجعل جسمي جسم صحي بالبداية ورياضي معضل نووووعا ما < يعني مهو مثل جون سينا :09: بس يعني اذا مسكت العضله احس فيه شي متخبي هنا مهو عظم وجلد
اترك سينا الان وركز على زيادة وزنك والضخامه

طبعا بديت بالمحاولات منا ومنا بدون هدف يعني بس كذا وطبعا اتكلم عن زيادة وزني وكان قبل 47 وحاولة ازيده بس مهو بذيك المحاوله المحاوله يعني ورفعته لـ 51 بس بفترررره طويله يعني مررره وهالزيادة انا احس انه بالبطن وانا هذا الي خايف منه مابي اضغط على روحي بالاكل وبالاخير يصير وزني 80 والكرش هالطوول
ووانا الحمدلله من 3 سنوات تقريبا العب كووورة تقريبا اسبوعيا مره العب وتمر فترات ما العب بس كثير العب يعني ولياقتي زينه غالب الوقت
انا ماراح اطووول بالكلام واقولكم قصة حياتي :> بس كل الي اتمناه منكم تساعدوني بالطريقة يعني وعن التالي

اول شي كيف ازيد وزني بحيث يكون وزن صحي
الاكل الصحي والبعد عن الغازيات والفاست فود والدهون الضاره والمقالي
مثلا
بيض - دجاج - سمك - لحم قعود - الخضروات والفاكهه بانواعها - العسل - الحليب الطبيعي........الخ

ثاني شي سمك العظم هل من الممكن اني ارفع سماكته
طبيعيا لا
مع الوقت والتمرين حتعرض لان العظل حجمه زاد فيعطي مظهر اكبر للعضم
وثالث شي ابغى عظلات مع كل هذا صدر وكتوف وضهر ويدين شلوون وكيف هي الطرق ومن وين ابدا
وهل من الممكن اني اجعل من جسمي النحيل جسم عريض نوعا ما ومعظل قليلا وصحي ؟ ام هالشي يجي من ربي لاشخاص !!
نعم ولا
صحيح ان بعض الاشخاص جيناتهم تتقبل اللبعه بسرعه وجسمهم اساسا جيد وهذولي مناسبين اكثر للعبه
لكن بالمقابل هناك اناس اجسامهم نحيله لكن مع الزقت والاصرار يتغير جسمك للافضل بكثير, وعندي بالنادي امثله حيه

صراحه صراحه ادري ان موضوعي حوسه لاني متشتت ولا اعرف وش ابي بالضبط
بس ابي من اصحاب الخبرة يفيدوني يعني من وين ابدا وماهي البرامج الي اتبعها الرياضية + الغذائية والتمارين ماهي افضل التمارين الي ممكن اسويها حاليا وماهي المأكولات الي تفيدني كثير والمأكولات الي ماتفيدني
من الماكولات الغير مفيده
البروست - الشيبس - المقالي بانواعها - الغازيات - مشروبات الطاقه - ...........

ملاحظات
انا ماودي اخذ من هالادوية او مادري وشن هالي تعرض لزيادة العظلات وزيادت الاوزان ومادري شلون احسها كلها كذب ومخاااااااطرها كثيره وكثير سمعت ان اخطارها واجد تصير
انت ماخذ فكره غلط عن المكملات(موب ادويه)
اولا هذي مثلها مثل الاكل يعني لو تاخذ فيها لين بكره وانت ماتاكل بشكل جيد ماراح تشوف نتيجه ترضيك اساس كل شي نظامك الغذائي.
كذب ومخاطر واجد ؟
لا...اقرا عنها واعرف ماهيتها

انا من لي 3 اشهر تقريبا بديت اسوي بوش اب بشكل متقطع ( يعني كل مادخلت الغرفة انبطحت ودليت يالله فوق تحت :09: ) بالبداية كنت ماسوي الا خمس ضغطات وخلاص احس يديني راحت بس الحين اصل الى خمس طعش مره والوضع سليم


واخيرا ادري طولت عليكم بس تحملوووني وان شاءالله ياااارب القى الفايدة منكم بس
اسف سؤال اخير
هل العظلااااااات تضر الشخص باااالمستقبل ؟ قد وسمعت ان العظلات مو زينه ليه لانها تضر الشخص لاكبر ويصير مادري وش فيه ولا يقدر يتحرك من الالام وهالكلام :>
ههههههه
لا
انتظظرررر مساعدااااتكم ولكم الشكر الجزيييل :ee2:

---

بما انك مبتدء سجل بنادي زين واعرف من المدرب طرق اداء التمارين وغيرها..

وبالنسبه للاكل قسمه ل6 وجبات متوسطه




بالتوفيق

مشككووور يالغلا على ردك
هههههه

ست وجبات اعوذ بالله

وجبه يوميا اكل وويالله اكله
على العموم بنحاول ونشوف النتايج خلال شهر

بس هل تنصحني اسجل بنادي من الان
ولا اصبر لما ازييد وزني فوق الستين واسجل
والله اني استحي ادخل نادي انا بهالجسم توالهم اضحك وهم ماشاءالله ضخامه وطول وعرض

فما رايك واحتاج اراء الاعضاء الاخرين تكفون واذا احد عنده جداول ممتازه لاصناف الاكل

ومشكورين جميعا

يا رجال هاللي تقول عنهم طول و عرض..يوم من الأيام كانو مثلك..فلا تستحي...سجل في نادي يكون فيه مدربين كويسين.

سالفة الست وجبات..مبدأها أنك كل ثلاث ساعات تاكل وجبة..مرة تاكل وجبة كبيرة و مرة تاكل وجبة صغيرة...ولازم تعرف الفرق بين الصغيرة و الكبيرة

مثال سريع...فطورك يكون ساندوشتين تونه(وجبة كبيرة)..بعدها بثلاث ساعات..موزة مع كاس حليب (وجبة صغيرة)..بعدها بثلاث ساعات..وجبة الغداء رز و دجاج(وجبة كبيرة)..بعدها بثلاث ساعات صحن سلطة صفير مع شريحة توست و زبدة فول سوداني...(وجبة صغيرة)

يبيلك تجلس على هالحال لين ما يزيد وزنك و يترتب..بعدها ترتب نظامك الغذائي من جديد..و توزنة بشكل أدق

مشكوور طيب اسجل من النادي وقت ما ابدا بالبرنامج الغذائي وعلى طول اخش تمارين لياقيه واشيل ثقل خفيفه ولا اصبر اسبوع اسبوعين لما اترتب واتعود على الغذاء

وهل لازم يكون الجدول مرتب وامشي عليه بالضبط يوميا اقصد بالتوقيت
او عادي كل مادخلت المطبخ كليت الي قدامي خياره جزره رز خبزه

وابي رايكم بهالجدول ينفع ولا ماينفع يعني
الصبح الساعه 7 قبل الجامعه خبزتين بر بالفول السوداني والعسل ( مادري البر احسن او الابيض عادي ؟ ) + كوب حليب بالنسكافيه ( طبعا النسكافيه عشان تساعدني على تفتيحة العين بالجامعه مادري ينفع او لا ؟ ) + بيضه وحده مسلوقه

الساعه 12 بين المحاظرات فطيرتين سفن دايز بالشوكلت + عصير ربيع

الساعه 3 وقت رجوعي من الجامعه مكسرات لوز مع كوب شاهي مع خياره وجزره بعدهن
الساعه 4 وجبة الغداء الاعتياديه رز مع لحم او دجاج + ايدام كوسه او بطاطا + كوب لبن كامل الدسم

الساعه 5 ونص تفاحه

الساعه 7 قهوه وتمر :) < لازم ذولي خخخ

من الساعه 9 الى ماقبل العشا اشوف لي شي اكله يعني زبادي خيار زيتون او زي كذا اي شي يعني

والساعه 11 العشاء مكرونه او شي من هالقبيل

الساعه 12
وبعدها كوب حليب
ونوووم

هل هالجدول ينفعن او لا
خخخ تروني مادري بس كذا من عندي دليت اكتب هالمأكولات ولا ادري هي تفيد ولا ماتفيد بس احس اني هي الي اقوى عليها وهي صحيه يعني شوي ؟
فعطوني رايكم واقتراحاتكم بالنسبة للجدول وش اضيف عليه ووش اعدل ؟