تجربتي وتمريني ومكملاتي وكل ماتعلمته من البــدايه(صوري)

السلام عليكم ورحمة الله وبركاته
والله يا اخوان ماني عارف من وين ابتدي
لكن البدايه هي اني اشكر كل القائمين على هالمنتدى على كل شي استفدته من نصائحكم وخبراتكم
وحاب اني احاول افيد اخواني مثل مافادوني الكباتن
حبيت اعرض نتايجي كامله عشان لحد يغلط في غلطاتي وان شاءلله ان الكل يستفيد
بالبدايه دخلت النادي وزني 62 كيلو الطول 174 كنت ضعيف جدا وماكان فيني ولا نص كيلو عضل لاني كسول والرياضه علاقتي فيها صفر كان كنت باختصار شحم على عضم
اشتركت بالنادي وابتديت اتثقف من هالمنتدى الطيب
والحمدلله في فتره 6 شهور تغيرت 180 درجه
وزني صعد الى 73 ونسبة الدهون اول مادخلت كانت 16%
والان 15% والحمدلله التحسن مستمر
وبالبدايه احب اذكر نظامي الغذائي
الي هو 5 وجبات او 6 3 رئيسيه و2 سناك وهكذا
طبعا فتره الامتحانات تصر وجبتين باليوم الى 3 :cray:
اكل اي شي لكن الوجبات الدسمه احاول الابتعاد عنها بعد النادي
والحين ابي اعطيكم الريفيو عن جميع مكملاتي
بسم الله

Iso mass extrem gainer
:ponder:
http://www.bodybuilding.com/store/un...130_black.jpeg

هذا اول بروتين استعملته مع ميقا امينو 10000 من نفس الشركه
بصراحه النتايج كانت حلوه وزني ارتفع 5 او 6 كيلو لكن اعتقد مو بسبب البروتين لكن كما يقال هو ال noobs gain:33:
ملاحظه: الطعم يجيب (المـــرض )
كان هذا اول كورس
الكورس الثاني
http://www.bodybuilding.com/store/op...130_black.jpeg
+
http://www.bodybuilding.com/store/un...130_black.jpeg
+
http://www.bodybuilding.com/store/mt...130_black.jpeg

البروتين:
استخدمت من سيرياس ماس علبه وحده زادني 2 كيلو
لكن خيب ضني لاني لاحضت زياده بالفات مكان الباي واسفل البطن
خلصت العلبه وكانت بطعم الشكولاته وكان الطعم جيد جدا

الامينو :
استخدمت منه علبه ايضا طريقة الاستخدام كانت حبتين مع كل وجبه
وهذا الي ازعجني فيه لاني انساه لكن كنتايج كانت حلوه وتركيز الاحماض قوي جدا بهالامينو
وكان 400 حبه و200 سيرفنق :bigeyes: (توفيير)
وهالامينو يختلف عن اخوه uni liver ان يوني ليفر فيه فاتح شهيه هذا الفرق على ماعتقد

النانو فابور :
بصراحه منتج فاشل بمعنى الكلمه من ناحية البور لكن اقوى منتج استخدمته من ناحية الاستشفاء
يعني تطلع من النادى وانت مو تعبان ابدا لكن البور كان 0 والطعم فروت وكان جيد

الكورس الثالث :

http://www.bodybuilding.com/store/un...130_black.jpeg

+
http://www.bodybuilding.com/store/us...130_black.jpeg

+
http://www.bodybuilding.com/store/univ/aminotech.jpg

+
http://www.bodybuilding.com/store/un...130_black.jpeg

وزني هني كان تقريبا 69 او 68
البروتين كان جيد مازادني الا كيلو تقريبا طعمه كوكيز وكان مقبول احيانا واحيانا لاتعليق :boggled:

الامينو طبعا الشكل الجديد و بصراحه انا لا اعتمد عليه بشكل قوي وانطر نتايجه لكن كنت واثق بهالامينو لمدح الكباتن له ونسبة الاحماض الممتازه وكملت منه علبتين

الجاك 3 دي ممتااز وشعور حلوو بالبور وتغيير جيد بالاوزان وسعر مناسب وكل شي فيه مناسب :)

الانيمال ستاك بالحقيقه ماحسيت انه فادني بشي وعموما انا عمري 21 سنه والي يعرفته انه هالمنتج مجدي مع من هم فوق ال 25 سنه

بعدها ابتعدت عن القينر واتجهت الى

http://www.bodybuilding.com/store/op...130_black.jpeg

+
http://www.bodybuilding.com/store/op...130_black.jpeg
+
http://www.bodybuilding.com/store/univ/aminotech.jpg

البروتين :
بصراحه البرويتين هذا ممتاز خفيف عالمعده طعم حلوو سعر ومكونات وسيرفنق كل شي فيه ممتاز
لكني اعتبره هذا اغبى بروتين اشتريته واستمرين فيه مع الاسف علبتين كبار والوزن ماصعد ولا نص كيلو مضهر الجسم تحسن لكن انا جسمي محتاج قينر وكان فيني وسواس من الكرش :boggled:
بعد ماخلصت العلبتين رجعت للقنر ورجع التحسن اكثر :biggthump

الاوبتي مان :
هذا صديق الدرب من اول علبه للحين ماوقفت منه خلصت علبه ونص ومجهز وحده ناطره :silly:
راضي عنه بشكل مو طبيعي واعتبره الاول في عالم الفيتامينات

بعدها رجعت للقينر
واستعملت

http://www.bodybuilding.com/store/op...130_black.jpeg

+
http://www.bodybuilding.com/store/vp...130_black.jpeg

+
http://www.bodybuilding.com/store/dy...130_black.jpeg


طبعا في هالفتره انا وصلت 71 كيلو وكنت واقف على هذا الوزن مده طويله
وحالة التاييس مو طبيعيه ..المهــم
البروتين اعطيه جيد جدا رفعني كيلو وتغيرت شوي ملامح بجسمي باي +معده :ee2:
للاسف مالقيت الكيس اخذت العلبه والعلبه غير اقتصاديه ابدا :blackeye:

النو شوت قان جبااااااار بور قوي مكونات خياليه احسه افضل بور استخدمته
لكن الطعم كان سيء وهو الفروت بنش لكن كعموما المنتج ممتاز

الامينو ماني راضي عنه ابدا واحسه ضعيف وماتقبلته مادري شالسبب :33:

حاليا انا استخدم
http://www.bodybuilding.com/store/cs...130_black.jpeg
+
http://www.bodybuilding.com/store/op...130_black.jpeg
+
الاوبتي مان

طبعا ماقدر احكم على السايتو لاني توني مبلش فيه هذا 4 يوم ولكن الطعم جيد

الامينو انيرجي استخدمه بوست وورك اوت (بعد التمرين)
طبعا اشتريته للتغيير من الحبوب فقط وبعده ماوي عالامنيو انابوليك 10000
طعم الامينووو جباار خياالي ودك تخلصه بيوم واحد :silly:
وبصراحه احس انه عملي ريكفري حلو وداية استعماله مع بروكملكس قينر احسه كان كورس حلو

في منتج ماذكرته لاني ماذكر باي كورس دخله
اذا حسييت ان جسمك خلاص مو راضي يصعد بالوزن
وان حست انك ودك تطلع لان النتايج صارت شبه معودمه
مالك غير هالمنتج
الكرياتين مونوهيدرات هذا هو افضل منتج شفت نتايجه باسرع وقت
وكانت 2 كيلو باسبوع وكم يوم
وبصراحه شي جميييل :)

هذي كانت مكملاتي الي استخدمتها وعندي ملاحظات اتمى تستفيدون منها
1- فترة الضخامه استعمل القينر ولاتقول ابي عضل صافي وهالخرابيط
العضل صافي مصطلح استخدم حق الكورسات الهرمونيه
وانت حط في بالك
زيادة السعرات الحراريه= زيادة العضل (غير هالحل ماكو لاتفكر ) ولاتخاف من الكرشه وتذكر وراك كورس تنشيف يعني طايره طايره باختصار (ضخم صح ونشف صح)
2- ركز اذا بغيت تشتري بروتينك على الطعم
لاتنسى وماتسال عن الطعم لانه راح يستمر معاك عالاقل اسبوعين ف اختار الطعم المناسب ولا تنسى وتتعب نفسيتك :)
3-نوع كثر ماتقدر في كل شي نوع في المكملات وفي الوجبات وفي كل شي لين تشوف الشي الاصلح لك

4- ااتوقع هالنقطه تستحق تكون الاولى .. باختصار تاكد من المصدر الي تشتري منه

ومن ناحية التمرين

الجدول حاول تغيره كل فتره من شهرين الى 3
الين ماتلقى الجدول الي يتماشى مع جسمك
عن نفسي جربت اول جدول والي اهو التقليدي
صدر +باي
بيطان+ تراي
اكتاف ومثلثات+ارجل
هذا كملت عليه 3 شهور حتى اصبحت النتايج طفيفه
بعدها غيرت الى جدول بوراشد
الي هو عضله واحده باليوم
وبصراحه اول شهر كان جيد بعدين ماقمت احس انه ينفعلي ابدااا

وغيرت ودخلت في هالجدول
صدر +تراي
بيطان +باي
اكتاف مثلثات
ارجل
وهذا انا مستمر عليه واحسه راكب على جسمي 100% :wink2:
انت دور لين ما تحس ان جسمك تقبل الجدول

وبخصوص التمرين
نصيحه لاتهتم بالتركيز وتنسى الوزن
ولاتهتم بالوزن وتنسى التركيز
اعطيكم مثال عن نفسي
كنت اهتم بالتركيز خاصه بتمرين البايسبس
كنت اشيل 10 باوند تبادل في اول جلسه ولثانيه 15 والثالثه 15
ملييت وقلت اجرب ابدي ب 15 لقيت نفسي اشيل اول جوله 15 والثانيه 20 والثالثه 25
بكل تركييز واوريحيه
وتغير شكل الباي عندي بشكل خيياالي
وسبب عدم تغييره بالفتره الاولى اني ماكنت استخدم الاوزان
اتمنى وصل المعلومه الوزن والتركيز مهمين ولاتهتم بواحد وتترك واحد

هذي صورتي بعد اول شهر تمرين الوزن كان اممم تقريبا من 65 الى 67
وهني التغيير كان قوي يعني لو قبل مادش شايفيني كنت اضعف:bigeyes:

طبعا والله انا ماني مغتر بجسميي ولاني مستكبر فيه بس ياليت كل واحد يقول

ماشاء الله














قبل
http://srv.bahrainforums.com/up/img/...3611ee5fd6.jpg


وهذي بعد

اذكر الله



http://srv.bahrainforums.com/up/img/...2580213672.jpg

اتمنى اكون وفقت واتمنى اي احد استفاد يدعيلي من وراي
والله يوفقكم وطبعا هذا عمل 6 شهور والعزيمه للحين قويه وان شالله القادم جدام
واتمنى من الكباتن ابداء ملاحظاتهم ان كان في شي وهل التغيير واضح وتشوفون اني ماشي صح
الله يوفقكم ومشكورين

وعليكم السلام ورحمة الله وبركاته
ما شاء الله اخوي فهد تقدم رائع وممتاز واهنيك صراحه على اصرارك وحبك للعبه ........
وشي مبشر وممتاز في فتره وجيزه ..... فقط يبيلك تركز على الترابيس
وما شاء الله عليك واستمر يابطل
بالتوفيق لك

يعطييك العافيه ذا روك شكرا على تشجيعك وملاحظتك
وانت من الناس الي استفدت منهم وان شالله راح اركز عالترايسبس

اقتباس:

---

المشاركة الأصلية كتبت بواسطة fahad84

يعطييك العافيه ذا روك شكرا على تشجيعك وملاحظتك
وانت من الناس الي استفدت منهم وان شالله راح اركز عالترايسبس

---

الله يعافيك يا بطل ويسلمك
والى الامام واوعدك لو استمريت على نظامك ان شاء الله باذن الله سنتين بالكثير ونشوفك على المســـــــرح .....
ولا تنسى تزود جرعات البروتين كلما زاد وزنك ......
واهنيك مره اخرى على النقاط الاكثر من رائعه
استـــــمر يا وحش

ماشاء الله تبارك الله تقدم ممتاز وحش ماشاء الله عليك

لكن حطمتني في شغله لمن قلت إن الإستاك ما نفع معاك ولا ينفع مع من هم أقل من 25

كنت ناوي أدخله في كورسي القادم للضخامه عمري زي عمرك ... لو أحد بس يتأكدلنا من دي المعلومه


وواصل يا بطل

السلام عليكم

مشاءالله تقدم ممتاز يبدو انك بحثت هنا وهناك حتى وجدت ماهو مناسب لك وهذا جيد
المراحل التي مررت بها من مكملات لم تستفد منها الى مكملات وجدت بها الفائده دليل على قوة ارادتك لم تستسلم
فل يعلم الجميع ان بالمواصلة والاستمرار لن تخسر شيئ بل سوف تستفيد بالتاكيد
وانت دليل على ذالك
واصل اخي واتمنى لك التوفيق

تحياتي لك

بسم الله ماشاءالله
هنا يكون الفرق
حب اللعبه يعني النتايجه القويه

وماشاءالله عليك اصرارك وحسن استشارتك للكباتن مثل كابتن احمد

يدل على رغبتك بالنتايج وهذه واضحه
شد حيلك والله لتصل لدرجه ماكنت تتوقعها

ماشاء الله يابطل اصرار وعزيمة ورجال ..

لا توقف كل يوم تعلم شي جديد ..

اهنيك اول شي على هالتقدم الرائع ..

ثانيا البطن العلوي ممتاز ولكن السفلي شكلك مهمله او طبقة الدهون مغطيه عليه..

ولكن بصراحه تقدم حلو واسأل الله لك التوفيق ..ركز على تمرين التفتيح بالنسبة للصدرعشان يعرض جسمك صح

ما شاء الله تبارك الله ..

اهنيك .. و اشجع اي شخص ينقل تجربته بصراحة و يفيد فيها الاخرين ..
عندي كم نقطة بسيطة .. الاولى جسمك الظاهر ايكتو بالتالي فعلاً غير الجينر صعب يجيب معاك نتيجة ..
الثانية بالنسبة للامينو .. عن نفسي جربت شيء شفت ناس كثير يعملوه .. و راضي عن نتائجه ! .. الغي الامينو من كورساتك و استخدم BCAA كتجربة ..
و اخر نقطة .. نسبة دهونك على ضمانتي أقل من 15% .. و الاجهزة الي بالنوادي احياناً تكون غير دقيقة .. الا لو عندك الارداف مثلاً فيها دهون لكن من خلال الصور
نسبة دهونك اعتقد بحدود الـ12% .. ممكن اقل حتى .. الان عندك اساس مثالي ما شاء الله .. و زيادة حجم فكل عضلة راح يوصلك لمراحل بعيدة ..

بالتوفيق ..

اقتباس:

---

المشاركة الأصلية كتبت بواسطة THh Rock

الله يعافيك يا بطل ويسلمك
والى الامام واوعدك لو استمريت على نظامك ان شاء الله باذن الله سنتين بالكثير ونشوفك على المســـــــرح .....
ولا تنسى تزود جرعات البروتين كلما زاد وزنك ......
واهنيك مره اخرى على النقاط الاكثر من رائعه
استـــــمر يا وحش

---

اوه اوه قويه والله المسرح ههههههههه
الله يسهل ان شاءلله وكل واحد يحقق الي في باله يارب
مشكور كابتن
تحياتي

اقتباس:

---

المشاركة الأصلية كتبت بواسطة asoomy

ماشاء الله تبارك الله تقدم ممتاز وحش ماشاء الله عليك

لكن حطمتني في شغله لمن قلت إن الإستاك ما نفع معاك ولا ينفع مع من هم أقل من 25

كنت ناوي أدخله في كورسي القادم للضخامه عمري زي عمرك ... لو أحد بس يتأكدلنا من دي المعلومه


وواصل يا بطل

---

مشكوور اخوي على مشاركتك واتمنى لك التوفيق يارب
بخصوص المنتج بصراحه الشركي توصي بعلبتين وانا استخدمت علبه واحده لكن ماقتنعت اني اكمل
وشفت ان فلوسه اييب فيهم بروتين افضل :)
حياك الله

اقتباس:

---

المشاركة الأصلية كتبت بواسطة SportsMan

السلام عليكم

مشاءالله تقدم ممتاز يبدو انك بحثت هنا وهناك حتى وجدت ماهو مناسب لك وهذا جيد
المراحل التي مررت بها من مكملات لم تستفد منها الى مكملات وجدت بها الفائده دليل على قوة ارادتك لم تستسلم
فل يعلم الجميع ان بالمواصلة والاستمرار لن تخسر شيئ بل سوف تستفيد بالتاكيد
وانت دليل على ذالك
واصل اخي واتمنى لك التوفيق

تحياتي لك

---

ياهلا والله اخوي سبورت مان
عاد انت المرجع بكل شي جديد بالبروتينات :)
مشكوور على كلامك والله احرجتني واتمنى لك التوفيق يارب

اقتباس:

---

المشاركة الأصلية كتبت بواسطة نديم الذكريات

بسم الله ماشاءالله
هنا يكون الفرق
حب اللعبه يعني النتايجه القويه

وماشاءالله عليك اصرارك وحسن استشارتك للكباتن مثل كابتن احمد

يدل على رغبتك بالنتايج وهذه واضحه
شد حيلك والله لتصل لدرجه ماكنت تتوقعها

---

ياهلا فيك اخوي مشكور على اطرائك ومشاركتك
اخجلتنا والله
الله يوفقك ويحقق طموحك ان شاءلله

اقتباس:

---

المشاركة الأصلية كتبت بواسطة متمرس حديد

ماشاء الله يابطل اصرار وعزيمة ورجال ..

لا توقف كل يوم تعلم شي جديد ..

اهنيك اول شي على هالتقدم الرائع ..

ثانيا البطن العلوي ممتاز ولكن السفلي شكلك مهمله او طبقة الدهون مغطيه عليه..

ولكن بصراحه تقدم حلو واسأل الله لك التوفيق ..ركز على تمرين التفتيح بالنسبة للصدرعشان يعرض جسمك صح

---

اهليين متمررس مشكور وماقصرت على تعليقك
وبخصوص السفليه انا مركز فيها وتمريني فيها قوي لكن صعب انها تطلع وتتشرح بنظامي حاليا
راح اركز على هالشي بالدايت وهذا ان شاءلله بوقت ثاني مو الحين
تسلم يالغالي
قواك الله

اقتباس:

---

المشاركة الأصلية كتبت بواسطة SDal

ما شاء الله تبارك الله ..

اهنيك .. و اشجع اي شخص ينقل تجربته بصراحة و يفيد فيها الاخرين ..
عندي كم نقطة بسيطة .. الاولى جسمك الظاهر ايكتو بالتالي فعلاً غير الجينر صعب يجيب معاك نتيجة ..
الثانية بالنسبة للامينو .. عن نفسي جربت شيء شفت ناس كثير يعملوه .. و راضي عن نتائجه ! .. الغي الامينو من كورساتك و استخدم BCAA كتجربة ..
و اخر نقطة .. نسبة دهونك على ضمانتي أقل من 15% .. و الاجهزة الي بالنوادي احياناً تكون غير دقيقة .. الا لو عندك الارداف مثلاً فيها دهون لكن من خلال الصور
نسبة دهونك اعتقد بحدود الـ12% .. ممكن اقل حتى .. الان عندك اساس مثالي ما شاء الله .. و زيادة حجم فكل عضلة راح يوصلك لمراحل بعيدة ..

بالتوفيق ..

---

ياهلا والله مشكوور وماقصرت
وتسلم على ملاحظاتك وبصراحه انا مفكر بموضوع الbcaa لكن مرات احس الامينو حبوب اشمل لاحتوائه على النوعين
لكن راح اجربه ان شاءلله لاني افكر فيه من زمان :)
وبخصوص نسبة الدهون والله استخدمت كذا جهاز ماعتقد غلط كلهم واتمنى فعلا تكون 12 %
لاني ناوي بالصيف اوصلها لي 5 باذن الله حتى لو يكلفني اخسر عضل
بصراحه بخاطري اشوف عروق البطن كاامله بخاطري اشوف كل الشرايين هههههه
مشكور حبيبي ويعطيك الف عافيه
قواك الله