استفسار بخصوص تغيير البروتينات

السلام عليكم كيفكم يا وحوووش

انا انقطعت عنكم لمدة 3 اشهر تقريبا بعد ما اخذت نصايحكم رحت اطبقها على ارض الواقع ولكن كنت متابع المنتدى بصمت :09:

المهم انا صار لي 3 اشهر في النادي وكنت اخذ مكملات على نصايحكم اللي هيا واي بروتين وامينو 4800 واستمريت عليه شهر والشهرين اللي كانو بعدو اضفت للواي بروكمبلكس العادي مع الامينو 4800

الحمدلله فيه تحسن كبير وواضح لكن البني ادم بطبعو طمااع وانا هنا اليوم على شان اسئالكم واستفيد وان شاء الله الكل يستفيد

الحين انا نفسي اجرب بروتينات ثانية ومكملات جديدة بس تكون بدون فات عالي لأني ما ابغاا دهون في الجسم ما صدقت اقدر انزلهم

المهم طولي 174 والوزن 65 :ee2:

فيه ناس نصحتني في الدب الروسي زيرو فات وناس حذروني منو وناس نصحتني في كرياتين وانا محتاار وابغا نصيحتكم لأني ما اثق في غيركم

وسلامتكم

اقتباس:

---

المشاركة الأصلية كتبت بواسطة ال مرضي

السلام عليكم كيفكم يا وحوووش
وعليكم السلام


الحين انا نفسي اجرب بروتينات ثانية ومكملات جديدة بس تكون بدون فات عالي لأني ما ابغاا دهون في الجسم ما صدقت اقدر انزلهم
مكملاتك السابقه مناسبه من حيث كونها شبه معدومة الفات
لكن اذا تحب تغير ماعندك مشكله

المهم طولي 174 والوزن 65 :ee2:

فيه ناس نصحتني في الدب الروسي زيرو فات وناس حذروني منو وناس نصحتني في كرياتين وانا محتاار وابغا نصيحتكم لأني ما اثق في غيركم
الدب الروسي غير مضر دعك من افتكاسات النوادي
منهم من قال هرمون و..الخ كلها جعجعات من الكيس

تقدر تستعمله لكنه غير اقتصادي صحيح انه زيروفات لكنه كثير الكارب ...وبدور فالكارب الزائد يخزن فات
وسلامتكم

---

البروتين
مايفيوجن مناسب لك ويمكن تلقاه عند عضو فقسم البيع ماادري نفذ او لا او الايزو100

اضف له كرياتين مونهدرات من شركة دايماتز او اوبتمم

ومايبقى عليك سوا تهتم بتغذيتك لانها الاساس لكل كورس


بالتوفيق

ما قصرت اخوي حشوف اذا فيه عندو او احاول ادور عليه بس الي باقي طريقة
ووقت اخذ المكملات

ماي فيوجن
سكوب الصبح مع حليب قليل الدسم بعد الفطور بساعتين عالاقل + بعد التمرين مع ماء فقط + قبل النوم مع الحليب
ورايي لو تاخذلك كازيين لقبل النوم فقط لاجل توفر الماي فيوجن لانه على مااذكر فسعره مرتفع شوي

الكرياتين
اول خمس ايام
ملعقة شاي على الريق + قبل التمرين + بعده مباشره + قبل النوم
سادس يوم ومابعد
قبل + بعد التمرين
وتستمر على هالمنوال لمدة شهر كامل ثم توقف شهر


بالتوفيق

طيب اخر سؤال ايش الافضل ماي فيوجن او ايزو 100

لان الواي بروتين حسيت انو زود الفات عندي بس والله مو متاكد منو او من البروكمبلكس العادي

والشي الثاني الحين البروتين الزايد واللي ما ينحرق في التمرين بيتحول لدهون على حسب ما سمعت
اذا كان الكلام هذا صحيح كيف اقدر اعرف انو لسا فيه نسبة ما انحرقت وكيف اقدر اتخلص من الزوايد هذي سوال غريب بس خذوني على قد عقلي ههههه

اقتباس:

---

المشاركة الأصلية كتبت بواسطة ال مرضي

طيب اخر سؤال ايش الافضل ماي فيوجن او ايزو 100
مافي احد افضل من الثاني كلهم ممتازين
وتقدر تجرب ايا منهم

لان الواي بروتين حسيت انو زود الفات عندي بس والله مو متاكد منو او من البروكمبلكس العادي
لا الواي ولا البروكمبلكس يزيدوك دهون ..ثنينهم يستعملان في التنشيف ايضا

والشي الثاني الحين البروتين الزايد واللي ما ينحرق في التمرين بيتحول لدهون على حسب ما سمعت
يطرحه الجسم عن طريق البول

اذا كان الكلام هذا صحيح كيف اقدر اعرف انو لسا فيه نسبة ما انحرقت وكيف اقدر اتخلص من الزوايد هذي سوال غريب بس خذوني على قد عقلي ههههه
والبروتين ماينحرق في التمرين..جسمك يستعمله لترميم الانسجه الممزقه
نتيجة التمرين المجهد وكثير من الوظاائف ................
اثناء التمرين يستهلك(يحرق على قولك) جسمك الكاربوهيدارات ثم الدهون

---

...................

يعطيك العافية اخوي THE CAST على الردود وتحملك لأسئلتي وان شاء الله راح ناخذ بنصيحتك وربنا يسهل

بس على فكرة انا قست وزني وحصلت الوزن زاد عندي من 64 الى 69 وقلة نسبة الدهون من 13% الى 11% والحمدلله بس مدري ليش حسيت انو فيه فات ولا حاله نفسية مدري

المهم ما اطول عليكم ومشكورينن وادعوا لنا بالصبر في اللعبة الحلوة والمتعبة في نفس الوقت ههههههههههه

الله يعافيك



موفق ان شاء الله