عرض جديد لـ El Shaddai الخلابة !!! تحسن ملحوظ

http://img.metro.co.uk/i/pix/2010/06...72_636x300.jpg

عرض Preview جديد للعبة الجميلة El Shaddai

كل شيء صار احسن من أخر مرة شفناها , الأنميشين صار اكثر سلاسة
تأثير الأسلحة و الحركات على الأعداء صار احسن , الحين تحس انك قاعد تضرب
او ضرباتك تأثر , قبل كأنك اطق الهواء , المؤثرات حلوة

سمعته الى يلعب يقول انه فيها أكتشاف بس شلون بكون مادري ؟ فيها بلاتفورم بعد
مبين من العرض , فيها كومبو , قريب من GOW

و على فكرة معنى اسم العبة هو " لله " بلغة اليهودية
وقصتها انه الـ " رب " يطرش انسان / محارب أدمي علشان يقضي على الملائكة الساقطة
" Fallen Angels " و أبليس " Lucfier " هو طيب و يساعدك في العبة :33:
وعنده موبايل بعد لووول

http://www.zerochan.net/src/zerochan.Lucifel.307801.jpg

>.< على القصة .. لاتعليق

لكن المنظر العام للعبة والجيم بلاي رهيبة .

مشكور
هالالعاب اللي فيها معتقدات ضاله وأمور بالدين ماأقرب صوبها
قصه وفكرة >>> غبيه

تمشي على خطى دانتي أنفيرنو الي الهاويه وتنظم الي قافلة الألعاب الساقطه والمنحرفه عقائديا ....

اللعبة من أول ما طلعت و أنا أشوفها Interesting , القصة مالها داعي , اكتشاف و بلاتفورم؟ , شيء جميل
شكرا سالمور على الفيديو

لعبة غبية ولا قصة مثل الناس و جيم بلاي

أخوي اللعبة حرام تتكلم عن رجل ما أدري اسمه ادريس أو يونس على اسم نبينا يتعاون مع إبليس فا أتمنى أنك تغلق الموضوع عشان ما تحمل سيئات غيرك وللمعلومية تم حظر الكلام عن اللعبة في تروقيمنق أتمنى إننكم تحذون حذوهم.
و أي سؤال أنا جاهز.
سلام

اظن يكفيني اسم اللعبة ومعناها عشان ما اقرب صوبها... ويستحسن انه يكون اخر موضوع وخبر عن هاللعبة!!

بسبب قصتها خسرت اللعبة العديد من المشترين ..
بالنسبة لي Must Not Buy !!

اللعبه ساقطه وضاله وارجو اغلاق الموضوع

اقتباس:

---

بسبب قصتها خسرت اللعبة العديد من المشترين ..
بالنسبة لي Must Not Buy !!

---

من جد

هي من اول ما طلعت وانا مهتم فيها جدا وحاطها في بالي ايي اشتريها

لكن من بعد ما عرفت قصتها وهي Must Not Buy

صح..انا معاكم..اللعبة ضالة و كفرية..لازم نسكر الموضوع و ما نتكلم عنها..

يلا...خلونا نفتح موضوع يديد عن God of War بدال هاللعبة..

انسان...
في فرق شاسع بين هاللعبة وجود اوف وار...

روح دور علي معني الاسم بالانترنت.. وخصوصا انها عبرية.. جود اوف وار بقدر ما الاسم سيي لكن لا يماثل اسم هاللعبة..
قصة هاللعبة تدخلك في امور غلط.. الملايكة خارجين عن طاعة رب العالمين والشيطان هو الجيد!!!! هل بتتقبل مثل هاللعبة او تقعد تقارنها بجود اوف وار اللي جوهر قصتها (الاساطير الاغريقية) .. صحيح في استخدام لالفاظ مثل الالهة وما شابه... لكن بالاخير هي لا تشبه هاللعبة..

شوف.. في بعض الالعاب تحصل فيها تعد علي الذات الالهية.. تحوير لفكرة العلاقة الموجودة بين رب العالمين وملايكته.. واللي هي طاعته وعبادته.. لما تييك العاب مثل هذي طبيعي تنفر منه.. لانها تمس ما نعرفه عن هالعلاقة..
جود اوف وار ما تشابهها.. ما فيها مساس بالذات الالهية... ولو حد بيقول عن سالفة انه كرايتوس ابن زيوس وقاعد يحارب كبير الالهة.. بلا بلا بلا.. ياخي اللي يعبد زيوس لا يلعبها :/

ولو عالامور الاباحية... ماهي اول لعبة ولا اخر لعبة.. الاباحية تقدر تحصلها باي مكان :/*

يعني لو عرفت ان El Shaddai بعد..تعتبر قصة من الاساطير الي مادري من وين..بتكون عادية و مقبولة؟
و لو الاسم ماكان "خصوصاً" عبري..كان بيتغير الوضع؟

GoW ابسط شي فيها..هو الشرك..و تعدد الالهات..اذا انت تشوف هالشي مقبول و عادي لمجرد كونها "اساطير"..فهذا شي راجع لك..
بس ما تقدر تقول ان مافيها "مساس" للاله!!
كونك استبسطت الاولى..مش معناه انك على صواب..

اهاا..خلاص..اذا الاباحية نحصلها بكل مكان..و صارت شي "عادي" بنظرك..خلاص..ليش ما نقعد نتكلم فيها هني؟
ليش ما نسوي عنها مواضيع بعد؟؟ شو الي يمنع؟؟

اذا بمشي على هالمنطق..بقولك خلاص عيل..El Shaddai مثل اول لعبة كفرية..يا كثر هالنوع من الالعاب بكل مكان..شو الي يمنع نسولف عنها؟
الانتشار مش تبرير..

الغرض من كلامي كله..

اذا بتمنعون شي..منعوه كل ابوه..
لا تمنعون كلام عن لعبة..و تسمحون بالثانية لمجرد انها "بنظركم" اقل حدة..او "عادية"..

يا توقفون عن الكل..يا تسمحون للكل..و الا دخلنا دائرة النفاق..
و هذا رايي..

اقتباس:

---

يلا...خلونا نفتح موضوع يديد عن God of War بدال هاللعبة..

---

@_@

اقتباس:

---

اذا بتمنعون شي..منعوه كل ابوه..
لا تمنعون كلام عن لعبة..و تسمحون بالثانية لمجرد انها "بنظركم" اقل حدة..او "عادية"..

يا توقفون عن الكل..يا تسمحون للكل..و الا دخلنا دائرة النفاق..
و هذا رايي..

---

ليش معصب ... الاخ مصمم اللعبه

ورايك يخصك بروحك
واتمنى ترتقي اباسلوبك

وتعال شنو نفاق ...انت من صجك تتكلم !!!

تكلم عدل واذا عندك شي ابتقنعنا فيه بدون عصبيه وتعصب