هل تساعدنا العادات الاجتماعية او مايعرف (بالعزايم )على المحافظه على الوزن المثالي

السلام عليكم ورحمة الله وبركاته اذا عزموك ناس ولا انت عازم ناس كيف تتصرف اليوم قدرت تملص يعني (تتهرب) من العشاء ولا الغداء بس الجايات اكثرنبغى ارائكم وتجاربكم ياشباب

الله يعين .. هذا أصعب شي .. اليوم عندي ملكة واحد من الشباب .. وأحاول أعتذر بأي طريقه ..

عمومـا نحاول قدر المستطاع إنه حتى لو رحنـا ما نآكل شي دسم.. نشرب مويه ولو في سلطة ناكل منهـا ونقوم ..

لو علي ، أكل عشان خاطر الي عازمني واليوم الثاني أحاول أحرقها ، عموما كلها يوم ماراح يأثر كثير

الحين يجيك الصيف والعروس والذبايح ما تقدر تتنفس من الدهون

العزيمة الا هي مرة بالاسبوعين او بالشهر فما اعتقد انه مشكله والاهم انك تقضي اوقات طيبه معا اصحابك واهلك

والله صحيــح ..

ودائمـا ما يجبروك .. وان جسمك في حالة ليـست بالسيئـة كما تتوقـع ..

لكـن انـا أعمـل هذة الطريقـة :

راضي من تصاحبـة بشيء خفيف ولو بسيـط ..
عزيمـة ومجبور تـأكل .. كل رز خفيف وحاول تتهـرب بـالأكثار من السلطة أو الفاكهـة وتضيع الوقت ما بينهـم ..
وكثرة السوالـف ..


أو انك تـأكـل كـ رضـاء و مكـافاءة لصبـرك ولانك عمـلت نظام غذائي متواصل لمدة شهـرين ..
فـ مـا يمنع أكل خفيف خارج النظام الغذائـي ..

وفي الحقيقة هذة أحدى المشاكـل الي قد تسبب في فشـل النظام الغذائـي ..

انا عندي الوالده الله يحفظها ويحفظ لكم والدينكم كل يوم امرعليها وشوف يامعلم انواع الكيك وانواع المكسرات وانواع التمور والى اخره واذا قلت ماني ماكل قالت حرام عليك بيصيبك انيميا كل واتمرن قلت والله ياميمتي (ادلعها )الي يدري يدري والي مايدري يقول كف عدس ...........

يا جماعة لاتحسسون نفسكم بهالمرض اللي اسمه هلوسة والله كنت احسب نفسي اكثر واحد مهلوس بسبب الاكل لاني نزلت 15 كيلو وخايف ارجعهم

لاكن اعزائي الكرام هل من المعقول بيكون كل يوم عزومة مستحيييييل واذا كان فيه معناتها احنا قاعدين في مطعم مو بعائلة يعني بدون ماتزعلو لاكن والله انا باليوم اطلع ع الميزان فوق 15 مرة من كثر اللحسة

وجربت اني اسبوع ما اطلع وطبعا مع التمارين والحمية حصلت نفسي نزلت كيلو مع اني بذاك الاسبوع خربتها اتوقع 3 مرات وكان التخريب عشااااااااااااااء يعني شوفو المصيبة ولاكن ما قست كذا ترتاح نفسيا اما والله اللي يخاف ويوسوس والله ماينزل نص كيلو وجربو وبتدعولي