عرض للطباعة
سلام عليكم اخواني ابي نصييحههههه تكفوون
انا وزني واييد تقريبا 126كم
وطوالي 179
ابي نصيحه اخذ قروث ولا في حل ثاني مثل القروث
وناس وايد قالولي اخذ قروث لانه ينزل ويبني اسرع وصراحه انا تعبت من وزني عمري 26 وليلحين متييييييين
وانا ان شاء الله داش نادي اليوم وانا معزم على هل خطوه
انا ادري طولت عليكم بس نصيحه منكم ولكم الشكر
وعليكم السلام ورحمة الله وبركاته
يا هلا فيك اخوي
شكثر صارلك تلعب اخوي .. جربت رجيم من قبل شنو سويت ؟
قولنا علشان نفيدك
بس اسمحلي اللي يقولك اخذ قروث ما يبي يفيدك تدري ليش ؟ .. القروث راح يحرق مو ماراح يحرق اوكي
بس شنو راح يبقى غير الترهل والجلد الزايد ..
وتعال بعدين عمليات الشد والحوسه كلها :( شلك بعوار الراس
صدقني بتقول ليتني متين وماصرت جذي
انت اول شي امش على
* نظام غذائي بدون مكملات ولا شي
* عدل وجباتك واهم شي تغير عاداتك بالاكل
* واهتم بالرياضه والنادي وخلها شي اساسي بيومك
بهالثلاث شغلات اذا سويتهم بس
بتشوف وزنك ينزل وانت تضحك
ولا تقول ابي وزني ينزل بسرعه دير بالك .. هذي غلطه .. واحد من ربعي نزل وزنه بسرعه بشهر ( حرم نفسه من الاكل .. عايش على وجبتين )
وليلحين يعاني يقول اكبر غلطه اني نزلت وزني بسرعه
وبعد ما ينزل شوي شوي هني تفكر تبدي بحوارق دهون ومكملات غذائية
بس مو من اول شي قروث .. انت العب وماعليك
ورياضه كمال الاجسام تحرق سعرات بكمية حلوة .. خاصه ان بعد فترة راح تزيد اوزانك بشكل حلوو .. فراح تحرق اكثر وتبذل مجهود اكثر
اتمنى انك ما تتضايق من كلامي .. لكن والله ابي لك الخير انا والله العظيم
واذا تبي اراء ثانية انطر الاخوان بالمنتدى ماراح يقصرون وياك وبيفيدونك
بس اذكر معلوماتك كامله
اقتباس:
المشاركة الأصلية كتبت بواسطة نخشرة
مشكور اخوي على هل الكلام الطيب
انا كنت اسوي رجيم مع دكاتره والحمدالله نزلت بس صارلي ضروف شويه ونفسيه كانت موشي رديت الي ضعفتهم دبل
والصراحه انا ما احب اروح النادي لانه عندنا للاسف بعض المدربين اهتمامه وهدفه الي عندهم اجسام ويقولك اذا تبيني اكون مجابلك ادفع واخذ الي اقولك عنهم
وصراحه انا بحاول اشوف نادي زين واجابل هل مره عدل لانه صج ابي انزل وزني ومسويل برنامج حق النادي
اقتباس:
المشاركة الأصلية كتبت بواسطة blacksilverafdo
يا هلا والله افا عليك حاضر ومن عيوني
دكتور الرجيم ما اقولك مو زين .. لا والله زين لان يقولك انت شنو تاكل؟ ..
ويرتب لك جدول من اكلك نفسه بس يقلل الكميات ويحدد وقتها
غير هذا انك تدري ان بعد اسبوعين بتروحله وبتقيس جدامه
فيكون نفس حافز
.
.
انت سو اللي يريحك بالجدول الغذائي تبي مع دكتور .. او تبي تدور بالمنتدى
ترى كل خير موجود هني بالمنتدى دور على اللي يناسبك
عندك قسم المواضيع المتميزة فيه كل شي
يعني ما شاء الله فيه كلام يمكن ماتسمعه بالنادي او من احد
مو مقصرين .. كل ما فضيت شوفلك موضوع
ووسع ثقافتك الرياضيه
:)
وبخصوص النادي والمدربين .. بدال النادي عندك نوادي ، والمدرب مدربين وايد غيرهم
وانت اول فترة ترى ما تحتاج مدرب انت محتاج تتحرك بس
مشي
قاري
شوية سويدي
وتعديل وجبات
لا مشيت عليهم تمام هني تبدي تلعب حديد شوي شوي
ولا تخلي النفسيه تاثر عليك وتخرب شغلك ..
قول بينك وبين نفسك انا ابي اضعف وخل النفسيه بصوب
انت ابدأ بالدرب وماعليك
ولا بقيت اي خدمه احنا كلنا موجودين
:)
شوف هالموضوع
طبعا الشكر يوصل لصاىحب الموضوع ويعطيه العافية
http://www.montada.com/showthread.php?t=674195
ماشاء الله الشباب كفو ووفو ..
بس اخوي هدي هدي انت بتخش نادي اليوم !!؟
وشلون يعني كنت ماشي مع دكتور تخسيس ومنت مسجل بنادي؟
وبعدين بتسجل اليوم ومعزم جي اتش؟
ياخوي انتبه !! انت زي اللي يقول اليوم أول يوم أسوق سيارة وناوي اطبق الطبلون !! وبشوف بيصيرلي شي والا لا؟؟
ترى في مليون خطوه قبل فقدان الامل والتحول للجي اتش... ما تسوى عليك صراحه هالمغامرة
نصيحة أخو
وماشاء الله الشباب كفو ووفو وضحولك اساليب كثير بالمنتدى.
وبعدين ترى وزنك ماهو زايد لدرجة اليأس اخوي؟
لي زميل كان وزنه أكثر منك وطوله اقل منك
استخدم الحوارق ومشى على دايت وشد على نفسه وكانت عزيمته جدا قوية واهم شي الاصرار والعزيمة ترى لازم تتعب!!
وما شاء الله عليه نققققص نص وزنه في سنتين !! يعني تخيل كانه نزل آدمي ثاني من جسمه!!
اخوي احب اضيفلك معلومة مهمه جدا...
ترى الوزن اللي تخسرة بسرعه راح ترجعه بسرعه!!
نفس الشي بالنسبه للشباب اللي يبنون... اللي راح ينتفخ عضل بسرعه!! راح يخسره بسرعه في الاغلب في حال تهاون في التمرين.
انزل بشويش وحافض على التدرج في انخفاض الوزن
اتمنالك التوفيق
مشكور اخوي ما قصر والله كلامك على عين الصواب وان شاء الله راح انزل من الوزن وارد اقولكم شنو الي يبني العضله D:اقتباس:
المشاركة الأصلية كتبت بواسطة نخشرة
والله ياخوي انا لما كنت مع دكتور كنت داش نادي والحين ناوي ادش مره ثانيه ومشكور على كلامك الطيباقتباس:
المشاركة الأصلية كتبت بواسطة Wael Abdullah
والله ما ادري ياخوي انا بعمري ماسمعت شخص ياخذ هرمون وهو حتى مابلش تمرين
الي يتمرن نراجعله كثير شغلات حتى يبدأ ياخذ هرمون وانت بدون تمرين
انا برأيي المتواضع ادخل حديد وركز على الكارديو والتغذيه دايت طبعا مع كمية بروتين وخذلك حارق دهون بعد فتره
بعد سنه , سنه ونصف حسب تدريبك وفلسفة مدربك ادخل كورسات هرمون (بس كورسات منظمه مش اي كلام)
وعلى فكره كورسات الهرمون لأعطاء العضله منظر اجمل , يعني الطبيعي انت بدون هرمون رح تقدر تنزل وزنك خلال هل سنه ونصف
موفق عزيزي