اخيرن .. ابشركم سجلت بالنادي وانتظر نصايحكم

بسم الله الرحمن الرحيم

خخخ يمكن مليتو من كثر استفساراتي قبل وابشركم

خذيت بنصيحتكم وهي اني اسجل بالنادي مع العلم اني كنت سابقا انوي اني ازيد وزني خلال هالاشهر بعده ادخل بس الاكثر نصحوني اني ادخل مره وحده ازين
المهم اني الحمدلله اليوم سجلت ولمدة 3 اشهر

بس باقي عندي كم استفسار وابيكم تساعدوني بكل صغيره وكبيره تكفون
انا هدفي تحسسييين مضهررر جسسسسسسسمي هذا هدفي بالاول والاخير
ما اطمح الا الوصول لجسم ضخم اليدين والكتوف لا اطمح للعضل المفتول مع الصدر والبطن يعني زي اجسام بعض لعيبة كرة القدم تقريبا زي ماتسموه هنا الجسم الفرنسي يعني

عني :
الطول 170 سم الوزن 52 تقريبا العمر 20 سنه

اليوم كانت اول نقطة وقالي المدرب خلال هالخمس ايام هذي راح يكون تصخين للعضلات اليوم الاول صدر والثاني كذا الخ
فا تدربت اليوم على 4 اجهزة للحديد وحطلي اوزان خفيفه يعني 30lbs الي اضن تساوي 13 كيلو تقريبا ماعدا جهاز ما ادري وش اسمه لكن انه تسحب من فوق راسك ههههه عاد مادري وشو المهم زود الوزن
وعطاني على كل جهاز ست جلسات وكل جلسة 10 عدات

ومن ثم لعبة تمرين للبطن الي انسدح على ضهري وارفع جسمي 20 عدة بـ 4 جلسات

هذا لليوم بس

المهم انا ابي نصايحكم من حيث التغذيه اولا
لاني انا غذائي يعني مع الاهل وجبة غداء وعشا رئيسيه لابد منها وتكون مع الاهل والغدا يكون دائما رز ولحم او رز ودجاج او رز وسمك
اما العشاء فا يختلف من معكرونه الا بعض الماكولات
الفطور الصبح ماذا تنصحوني فيه ؟
ووش الفرق بين الحليب بودرة والحليب السائل بالفوائد يعني ؟ وايهم افضل ؟

وبالنسبة للتمارين انا ابي ارهق نفسي علىىى الاخر ابي اسرررررررع نتائج يعني :( < دايم عجل
بس ماعندي مشكلة لو اطلع يوميا متكسر يعني
مع العلم ان فترة تدريبي دائما مسائية بالليل لانشغالي اوقات النهار

و هل تنصحوني باستعمال حبوب الزنك من الصديليات ؟
وبعد ابي اسالكم عن الكارديو والسير هل راح يفيدني يعني ؟ او اتركهم ؟ وهل تنصحوني بايام الراحة يعني استعملهم عادي ؟
وابي جمييييييع نصايحكم عشان امشي بالطريق السليم
مع العلم ان بدايت تفكيري باللعبه هي كيف اتخلص من الجسم النحيل فعشان كذا قررت ادخل لاجل ازيد وزني بالمقام الاول ولرفع مستوى العضلات والقوة عندي

والله يعطيكم العافيه ونتظر منكم

ماشاء الله شي طيب وان شاء الله تستمر في الحديد ..

حالياً لاتمشي على نظام غذائي معين ولاتستخدم مكملات . . على الاقل لمدة شهر .
وبعدها بنرتب لك كل اللي تبيه ..

بس حاول في هذه الفترة الامتناع عن الدهون والتقليل من السكر واكل المشاوي والفواكة والخضروات ..

مشككوور ع المرور

بس الا الحين احتاج لاجوبه لهالاسئلة
تنصحوني بحبوب الزنك استعملها من هالحين
ووايهم افضل الحليب البودرة او السايل زي الصافي والمراعي وهيك ووش الفرق بينهم
وسؤال
هل من الممكن بعد الثلاث اشهر هذي الاحظ اختلاف بجسمي ؟

وبالنسبة للكارديو والسير تنصحوني استخدمهم عشان ارتاح من الدهون يصير عضل بس ؟ او كيف هي الفكرة

ومشكورين

اقتباس:

---

المشاركة الأصلية كتبت بواسطة بردان1

مشككوور ع المرور
العفو
بس الا الحين احتاج لاجوبه لهالاسئلة
تنصحوني بحبوب الزنك استعملها من هالحين لا لاتستخدم شي الحين
ووايهم افضل الحليب البودرة او السايل زي الصافي والمراعي وهيك ووش الفرق بينهم اكيد المراعي الفرش افضل ويستحسن قليل الدسم ..
وسؤال
هل من الممكن بعد الثلاث اشهر هذي الاحظ اختلاف بجسمي ؟ ستلاحظ الفرق من الشهر الأول بإذن الله

وبالنسبة للكارديو والسير تنصحوني استخدمهم عشان ارتاح من الدهون يصير عضل بس ؟ او كيف هي الفكرة

ومشكورين ماتحتاج كارديو لان وزنك نازل وايد وخلك على 10 دقايق قبل التمرين فقط ..

---

بالتوفيق يابطل

تسسلم يالغالي والله ماقصرت والله يعطيك العافيه


وانتظر نصائح الكباتن لي واي شي معلومات لاتبخلون علينا

موفقين الجميع