هل حوارق الدهون فوائدها في لعبة كمال الأجسام فقط؟

السلام عليكم ورحمة الله وبركاااته

كيف الحال لجميع الوحووش اللي هنااا

انا أزاول كرة القدم وشريت لي حزام حق شد البطن لأن عندي مشكلة دهون في البطن شكلها يرفع الضغط وأقرأ في

مواضيع الشباااب اللي هنا عن حوارق الدهوون وصرااحة ودي أستخدمها بس هل فيها ضرر وإذا مافيها ضرر وش افضل

حارق دهون لمنطقة البطن

شاكراً ومقدراً لكم..

وعليكم السلام ورحمة الله وبركاته

كم عمرك وطولك ووزنك , ونسبة الدهون ؟

وزني 72 وطولي 179 والعمر 30 سنه ونسبة الفات هو 22%

الان اتضح االامر

من ناحية الضرر
اكيد لها تاثيرات اثناء فترة الاستعمال مثل الارق وزيادة ضربات القلب او دوخه او غثيان او كثرة التعرق.....والكثير لم يصادف ايا من هذه االاعراض

هل كلها خاصه بلاعب كمال االاجسام فقط ؟
لا..تقدر تستعمل بعضها مثل الليبو بلاك او اوكسي اليت ...

للمعلوميه
حوارق الدهون مجرد مساعد لك لا اكثر يعني الاهم لك هو الدايت ثم الدايت فحارق دهون بدون اتباع دايت كانك ماسويت شي
اقترح عليك تنقص وزنك او نسبة الدهون بمعنى ادق الى 15-% بعدها فكر بالحارق لانه انت الان 22% وسهل عليك انك تنقصها بالدايت والرياضه اليوميه.
لانه كل ماقلت نسبة الدهون كل ماتزيد صعوبة خفضها

ما قصر THE CAST ..
اسمح لي اضيف بعض الملاحظات كذلك :

اقتباس:

---

انا أزاول كرة القدم وشريت لي حزام حق شد البطن لأن عندي مشكلة دهون في البطن شكلها يرفع الضغط وأقرأ في

---

لو ما استعملته نصيحة أخوية رجعه و لا تضيع فلوسك .. الحزام و كريمات حرق الدهون ..
الحزام عبارة عن شيء مزعج و مقرف و عديم الفائدة .. و كريمات حرق الدهون عبارة عن حرق فلوس ..

كرة القدم ممتازة لحرق الدهون .. و مزاولتك لها اضافة كبيرة لك لأنك المفروض تتمتع بنفس و قدرة تحمل معقولة ..
و هالشيء بيساعدك جداً ..

اقتباس:

---

وش افضل حارق دهون لمنطقة البطن

---

بالنسبة للدهون .. فما في شيء "موجه" لجزء معين .. ما في شيء مثلاً تقول احرق دهون البطن او الارداف او الصدر ..
انت مع دايت سليم (( أولاً )) و ممارسة الرياضة (( ثانياً )) جسمك راح يتخلص من الدهون جميعها .. و جينات جسمك راح تحدد فقدان الدهون راح يتم من اي جزء اولاً ..
في اشخاص يحرقوا دهون المؤخرة اولاً ثم الصدر ثم البطن .. غيرهم العكس .. و الناس تختلف ..

هناك قاعدة عامة ممكن تحدد لك ترتيب خسارة جسمك للدهون .. انت لو جسمك كان نحيف .. و زاد وزنك .. حاول تذكر اول جزء بدأ فيه تجميع الدهون .. راح يكون هذا
اخر جزء جسمك يفقد منه دهون .. و العكس .. مثلاً لو البطن اخر شيء امتلأ بالدهون .. راح يكون اول شيء يحرقها .. و العكس صحيح ...


انصحك بالبداية تعدل نظام اكلك .. و استعمل شيء مثل الـCLA و لو بتقدر تبدل الحزام فيها بتكون محظوظ ..
و بعدها لما تحس جسمك وقف ممكن تدعم نفسك بحارق دهون ..


بالتوفيق ..

^^^

كلامك سليم 100%