محبط بسبب الترهلات :(

السلام عليكم

في البدايه راح اشرحلكم وضعي :-
انا كان وزني 86 قبل سنتين تقريبا وكنت اضعف شوي شوي على فترات طبعا بالريجيم بدون حديد
فكانت النتيجه ترهلات مع نسبة دهون بعدين سويتلي موضوع قبل اشهر بخصوص الترهلات وانقاص الوزن
وساعدوني اعضاء المنتدى الطيب والحمدلله حصلت نتايج حلوه نقصت وزني لكن الترهلاااااات...

كان جدولي كارديو 10 دقايق ثم ادخل بالحديد وكنت اشيل وزن خفيف الى متوسط بتكرارات عاليه 15 تكرار
ومن بعد الحديد 20 دقيقه كارديو بنظام التريميدل ....والمعده كنت العبها مرتين بالاسبوع
والاكل ماكان فيه جدول معين بس كنت اكثر بروتين والكربوهيدرات قبل التمرين وممتنع عن الدهون

الحمدلله حصلت نتايج حلوه بس مازالت الترهلات موجوده يعني جسمي كله ضعف خاصة منطقة اليد
صارت ضعيفه وباقي اجزاء الجسم بعد بس مازال هناك دهون وترهلات بالبطن والصدر يعني الجسم مومتناسق عدل
ونتيجة لهل نتيجه اصبت بإحباط وانقطعت عن النادي فتره شهرين وزدتلي جم كيلو بس مووايد الحمدلله

الطول :- 171.5
الوزن :- 70
نسبة الدهون مااعرفها بالضبط بس تقريبا 19 او 20

حاليا انا برجع بس مادري شسوي اخاف ارجع للنظام القديم والجسم يضعف اكثر
انا حاليا ابي اخسر 4 كيلوات ومن ثم احافظ على الوزن يعني 66 او 65 ممتاز بالنسبه لي
والمدرب نصحني اشيل حديد بأوزان متوسطه الي شبه عاليه يعني موعاليه جدا جدا وبتكرارات 12-10- 10
والمكملات انا شريتلي ISO Cool بس ما اعرف شاخذ بعد ؟؟
ابي اي مكمل يساعدني على حرق الدهون بمنطقتي الصدر والبطن وشد الترهلات

يا جماعه ارجوكم ساعدوني مليت من هل ترهلات والله مابي اساس عضلي ولا ابي عضلات ولا شي
بس ابي الترهل يروح ويصير البطن والصدر طبيعين مثل اي شخص عادي ساعدوني :((
وضعت صوره لي بالمرفقات لتوضيح الصوره لكم
وبالتوفيق ان شاءالله لأعضاء المنتدى الطيب ودمتم بخير وصحه

ياشيخ قول الحمدلله انت امرك هين .. انا لو تشوف لي اول موضوع في المنتدى وتشوف صورة جسمي تعرف وش يعني ترهلات ..
الجلد عندي جاي على طبقات تقول تلييس عمارة ههههههههههههههه .. ومع ذلك ما يأست ونزلت نسبة دهوني من 24 الى 19 في خلال 3 شهور تقريبا بنظام صارم والترهلات مازالت موجودة ولكن حاسس بالفرق ناحية الجوانب والبطن .. والشباب مابيقصرو معاك حتى لو اخذو وقت في الرد بيعطوك الكلام الاكيد اللي مرح تندم عليه .. الله يوفقهم يارب ..

استمر يابطل ع الكارديو وع نظامك الغذائي ولكن حاول تغذي جسمك بالالياف والفيتمينات وخصوصا فيتامين e و a
والعب سباحة وخدلك شمس ومع الايام رح يتشد الجلد رويدا رويدا

وخلي في بالك انك انتا اهملت نفسك فترة من الزمن ,, ومستحيل يرجع شيء ببلاش ,, لازم هناك ضريبة
وانتا حاليا تدفع الضريبة ,, ترهل الجلد يبغاله وقت ومثااااابرة

اقتباس:

---

المشاركة الأصلية كتبت بواسطة طيار خاص

ياشيخ قول الحمدلله انت امرك هين .. انا لو تشوف لي اول موضوع في المنتدى وتشوف صورة جسمي تعرف وش يعني ترهلات ..
الجلد عندي جاي على طبقات تقول تلييس عمارة ههههههههههههههه .. ومع ذلك ما يأست ونزلت نسبة دهوني من 24 الى 19 في خلال 3 شهور تقريبا بنظام صارم والترهلات مازالت موجودة ولكن حاسس بالفرق ناحية الجوانب والبطن .. والشباب مابيقصرو معاك حتى لو اخذو وقت في الرد بيعطوك الكلام الاكيد اللي مرح تندم عليه .. الله يوفقهم يارب ..

---

الحمدلله على كل حال ويشرفني مرورك واستمر وان شاءالله تنال مرادك
وبنفس الوقت وانا اكتب الموضوع كنت اعرف انه في حالات اصعب من حالتي ويمكن تقول انه امري هين بس المشكله ياخوي انه الجسم كله صار ضعيف
ماعدا البطن والصدر مثل ما قتلك مافيه تناسق والحمدلله والشكر والف شكر على كل حال وبالتوفيق ان شاءالله

اقتباس:

---

المشاركة الأصلية كتبت بواسطة toto jeddah

استمر يابطل ع الكارديو وع نظامك الغذائي ولكن حاول تغذي جسمك بالالياف والفيتمينات وخصوصا فيتامين e و a
والعب سباحة وخدلك شمس ومع الايام رح يتشد الجلد رويدا رويدا

وخلي في بالك انك انتا اهملت نفسك فترة من الزمن ,, ومستحيل يرجع شيء ببلاش ,, لازم هناك ضريبة
وانتا حاليا تدفع الضريبة ,, ترهل الجلد يبغاله وقت ومثااااابرة

---

يعطيك العافيه مراقبنا على الرد بس ياريت لو توضحلي اكثر ؟؟
اوكي حاليا استمر على نفس النظام الغذائي والكارديو بس الحديد ازيد الوزن شوي واقلل التكرار مثل ما قال المدرب ؟؟
والمكملات اخذ غير الـ ISO COOL ؟؟
وحاليا انا بستهدف البطن والصدر بشكل اكبر ابي اتفادى الي صارلي مابي الجسم يضعف والترهل يظل موجود فشنو اسوي بالضبط ؟؟
وآسف على كثرة الاسئله :)

نعم زيد الوزن ولكن التكرارات لا تقل عن 10

المكمل تبعك ممتاز وخصوصا انه يحتوي ع 0 من الدهون والسكريات

المشي اليومي لمدة لا تقل عن 45 د رح يشد الجزء السفلي كثيرا وكذلك السباحة الشبه يومي

وللمعلومية ,, كل ما تكسب 1 ك عضل رح تخسر كمية جيدة من الدهون
موفق

يعطيك العافيه يالغالي ماتقصر

السلام عليكم
عندي استفسار اخر بغيت اسأل اقدر استخدم الليبو حق اول شهر ؟؟
لانه من قطعت فترة الشهرين الوزن صعد شوي فمن الصور يعني تنصحوني بالليبو ؟؟

يا ولد الحلال الترهلات اللي عندك شيء بسيط جدا واظب على الكارديو و خفف من الدهون و العب بطن و جوانب و ركز على الجري و نط الحبل
تحياتي

اقتباس:

---

المشاركة الأصلية كتبت بواسطة معتصم أحمد يوسف

يا ولد الحلال الترهلات اللي عندك شيء بسيط جدا واظب على الكارديو و خفف من الدهون و العب بطن و جوانب و ركز على الجري و نط الحبل
تحياتي

---

هههههه يعطيك العافيه اخوي معتصم ...... واكثر من واحد قالي هل كلام يعني لهدرجه انا قاعد ابالغ :p

السلام عليكم
عندي استفسار ياريت تفيدوني بالمده الي احتاجها لشد ترهلاتي الي بالصوره فوق
على حسب جدولي الي مكتوب يعني ياريت لو تعطوني مده بشكل عام
انا ادري انه الترهلات تحتاج وقت طويل وماكو مده تنقاس عليها لانه اهوا على حسب الجسم وطبيعته ومجهود الشخص
بس انا احتمال كبير اسافر سفره طويله بعد 3 اشهر فياريت لوتقولون يعني بهل مده اقدر اشد هل ترهلات..؟؟
يعني اصير مثلا مثل هل لاعب ..؟؟
اتوقع الصوره شي بسيط جدا وانا ما اقصد نفسه بالضبط بس اقصد انه اشد قدر كبير جدا يعني اصير مقارب لهل صوره
ياترى فترة 3 اشهر كافيه ..؟؟

زي ماقال مراقبنا العزيز توتوجده
واستمر في المشوار ولاتوقف وحافظ على التغذيه والتمارين وخصوصا تمارين البطن والجوانب وشد على نفسك وان شاءالله تسير احسن من اللي في الصوره.

اقتباس:

---

المشاركة الأصلية كتبت بواسطة ميعرو

زي ماقال مراقبنا العزيز توتوجده
واستمر في المشوار ولاتوقف وحافظ على التغذيه والتمارين وخصوصا تمارين البطن والجوانب وشد على نفسك وان شاءالله تسير احسن من اللي في الصوره.

---

يعطيك العافيه وماتقصر
الصراحه رفعت معنوياتي وعطيتني امل وان شاءالله راح اشد حيلي كثر ما اقدر بهل فتره وشاكرلك جدا :)

السلام عليكم
عندي استفسار خطر ابالي وانا اقرا المواضيع
انا حاليا مثل ما قلت قاعد العب حديد بأوزان متوسطه وتكرارات 12-12-12 وانا مثل ماقلت ابي الجسم الي مثل الصوره (فتنس)
فهل احتاج الحديد حاليا ولا لا..؟؟ لانه قريت بأكثر من موضوع انه الحديد مومطلوب بهل مرحله ؟؟
خاصة اني ماراح استمر بالحديد فقط بهل مرحله بعدين بس راح احافظ على جسمي بالمشي وتمارين البطن
يعني لمن اقطع الحديد راح تنتج ترهلات ولا شي ؟؟ فشنو نصيحتكم ...؟؟

^^^^^^^^^^^^^^^^^^^