الأنانية شيء مقيت لا يعرفه الحب الحقيقي ..... بل دائما يتمنى المحب الخير لمن أحب ... ولا ينكر عليه ما اختار لنفسه من طرق الحياة حتى ولو كان هذا الطريق مغايرا لطريقه ... وهادما لأحلامه وأمنياته ... هنا يجب عليك أن تضحي وتدع المحبوب يحيا في سعادة ويكفيك تجرع الألم والمعاناة ... وتحيا من بعده على ذكراهإليكم هذه القصيدة أتمنى أن تنال استحسانكم :
آسف حبيبتي
آسف حبيبتي .. مش هكون عقبة ف طريقك مش هكون
لا .. رغم حبي .. رغم ضعفي لما أسيبك والجنون
ورغم قلـبي اللـي انجرح جُوّايا في لحظة سكون
ورغم كلمة اتجمـعت فيـها المـعـاني والشجون
* * *
آسف خلاص .. لحظة فراقنا اتحددت
يعني خلاص .. أحزانّا تاني اتجددت
فجأة كده .. أحلامنا تـاني اتبددت
ضاع الأمل .. كلمة "وداع" اتأكدت
* * *
جايز أقابلك مرة في سكة ف طريق
جايز تقولي الشخص دا أحسن صديق
جايز أكون تايه في أحلامي .. غريق
جايز أكون باتمنى أكون ليكي الرفيق
* * *
مش عايز أكون .. حاجز يـعطل سكتك
مش عايز أكون..ذكرى تعكر ضحكتك
مش عايز أكون .. كدبة حياتك دنيتك
مش عايز أكون.. لحظة ندم في نظرتك
* * *
لبّي الندا .. وانسي الأمال والأمنيات
انسي اللي كان يوم مولده لحظة ما مات
أيوه كده .. انسي الآلام والذكريــــــــــات
أيوه كده .. عيشي الحياة زي البنات
* * *
