استفسار عن طريقة استخدام المكملات .. وكم استفسار اخر

بسم الله الرحمن الرحيم

السلام عليكم كبااتن
كيف حال الجميع

ان شاءالله تقريبا اشتريت واي بروتين اوبتمم وانا عندي تقريبا فوق نص العلبة او نصه ايليت فيوجن 7 من ديماتز

فا مادري وش رايكم كييف طريقة الاستخدام استخدم واحد منهم واذا خلص اروح للثاني او استتخدمهم سوا انا فكرت اخذ الواي بعد التمرين مع ماء والايليت فيوجن بالصبح والليل مع حليب !! وش رايكم هل هي الطريقة المناسبة !؟

ثانيا ابي رايكم ياكباتن بالجدول هذا
انا كنت الشهر الاول العب اليوم الاول صدر الثاني ضهر الثالث اكتاف الرابع ذراعين كاملين الخامس ارجل
الحين هالشهر المدرب غيرلي الجدول قال ناخذ اليوم الاول صدر ووباي الثاني ضهر الثالث اكتاف وتراي الرابع ارجل
فا وش رايكم هل هو متناسق

امم وبعد مايخلص الايليت فيوجن 7 تنصحوني اشتري واحد غيره او اعتمد على الواي فقط ؟ انا معجبني الايليت فيوجن ان فيه 6 قرام دهون عشان كذا قلت يزيد وزني لو اخذه هو والواي سوا
وحبيت اسالكم عن افضل طعم للواي بروتين وفيه احد منكم جرررب الموز بالفراوله ؟ اذا فيه كيييف طعمه زين ولا ماينفع ؟

والايليت فيوجن والواي كلهم قريت ان فيهم نسب من الاحماض الامينية فا وش رايكم اكتفي بهم ولا اخذ احماض امينيه ؟
وفيه مكمل اخر تنصحوني فيه

وحبيت اسال عن اكله وسبق لي سالت بس مالقيت بالضبط الجواب
ابي اكله قبل التمرين تعطيييني بوووور
وفيه من قالي البطاطا بس حبيت اسال عن طريقة تحضيره لو بغيت اخذ بطاطا ؟
ووش فيه غير البطاطس يعطيني بوور قبل التمرين


والله يعطيكم العافية جميييعا
بياناتي
عمري 21 تقريبا
الوزن من 54 الى 55
الطول 170
الفترة لي شهر العب


انتظر نصائحكم واراءكم يعطيكم العافية جميعا

بالنسبة للواي بروتين قبل الفطور وبعد التمرين
افضل نكهة من وجهة نظري الفانيلا لاني انا مجربها مع حليب قليل الدسم
وايضا جربت الموز بالفراوله مع الحليب يعني نسبة الطعم جيده
بالنسبة للوجبة بطاطا مسلوقه من دون اي اضافات قبل التمرين بساعة
الجدول جيد والتنويع مطلوب
عليك بالتغذية والتمرين الجيد حتى تظهر النتائج
موفق اخوي.

يعطيك العافية اخوووي
بس كيف البطاطا مسلوقه من دون اي شي

يعني اقشره واحطه بماء وعلى النار ؟

بس كذا ؟

اقتباس:

---

المشاركة الأصلية كتبت بواسطة بردان1

يعطيك العافية اخوووي
بس كيف البطاطا مسلوقه من دون اي شي

يعني اقشره واحطه بماء وعلى النار ؟

بس كذا ؟

---

لا تقشره ولا شي حطه بماء وعلى النار 30 دقيقه وبعدين قشره وبالعافيه على قلبك

يسسسلمك رربي اخي
لكن ابي طريقة استخدام المكملات واستفساراتي الي فوق الله لايهينكم شباب :$

ياليت احد يشوفها

يا اخوووان وين اهل الخيرر

تكفون صارلي وقت انتظر مساعدتكم ؟

ماقصروا الاخوان معاك

الطريقة:
اول ماتصحى : سكوب اليت فيوجن مع حليب
بعد التمرين: سكوب واي بروتين مع ماء فقط
قبل النوم: سكوب اليت فيوجن مع حليب

٧٠ جم بروتين من المكملات كافية مقارنة بوزنك والباقي تاخذه من وجباتك

بالنسبة للواي بروتين اوتميموم، افضل نكهة له الفراولة وعن تجربة

ونصيحة انك تكثر من الكارب لان محتاج زيادة وزن

موفق

ماقصرو والله بس فيه استفسارات ثانيه بالموضوع


يعطيكم العافية