أسطورة الدجاج المشوي ... مفيد أم قنبلة موقوتة !! ( نقاش )

مرحبا شباب ...

اليوم الموضوع كما هوا العاده يخص جميع لاعبي كمال الأجسام واخص بالذكر الي يهتمو في شكل الصدر باذات
( حقولكم ليه الأن ) ....

طبعا كثير والكثير جدا لما يكون في النادي او يسأل المدرب او واحد خبير في اللعبه يقولو اش هوا
افضل اكل الواحد ياكلو مليان بروتين ؟؟؟؟؟؟

طبعا حيقولك أكثر من مصدر زي التونا والبيض إلــــــــخ.... لكن الجواب الي موضوعنا عليه هوا
(( صدور الدجاج )) !

حتكلم على الموضوع بشكل علمي وبعد حقولكم تجربه لصديق كل يوم كان يدوام معايا في النادي .

الدجاج المطبوخ :

يعتبر من أشهر مأكولات لاعبي بناء الأجسام ، لسهولة طبخه و مذاقه الذيذ وسعره المناسب للجميع ، فهو مصدر رائع للبروتين ، قليل الدهون ، غني بالفيتامينات وخصوصاً ب-B.

إن أكثر منطقه يتركز فيها البرتوين في الدجاجه هيا منطقه ( الصدر ) .
فا الواحد ممنا يروح لأقرب محل دجاج شوايه ويطلب منو سواء على الفحم او شويه .
صحيح كله بروتين ويديك طاقه ولا احلى لكن فين المشكله يا شباب هيا :

الحقيقة أنو الدجاجة الأن تحقن بمادة
الاسترويدس (نوع من الهرمونات) و هذه المادة تعجل من عملية النمو وتخليها أسرع ( مكسب تجاري ياسلام سلم )

و تستخدم هذه الطريقة لكي يكون هناك توازن في أعداد الدجاج التي يستهلكها المجتمع مع الأعداد التي في طريقها للنمو لكي تكون كمية الدجاج المباع متزنة مع المخزون ( يعني ما يتورط ويخلص عليه الدجاج على بال ما تجيلو دفعات متأخرة او يستنا الدجاجة الين ما تصبح جاهزة للدبح). فا الدجاج بتحقن بالمادة هادي عادة في منطقه الصدر بشكل اساسي عشان كلها لحم , ومنطقه الجناح ..

طيب لو جا احد يقولي طيب اش دخل الدجاج في شكل الصدر يا ماجد ؟؟؟؟

الجواب / كلنا لما نلعب حديد نهتم انو الصدر يكون ناشف ومشدود ومنحوت نحت بشكل مره حلو , فا لما نكثر من أكل صدور الدجاج الي اصلا تكون منفوخه من جراء الهرومون المذكور اعلاه فا بتتنفخ الصدر حق لاعبين الحديد بشكل عكسي وتتملى فات . أو انو تضخم بشكل غريب وبشع . أو انو الي يكون اصلا عندو فات والصدر عندو مترهل وكل يوم بلعب دك لاين وعقله وبش اب ويلعب كل العاب الصدر ويقولك : والله الصدر عندي فيلو مشكله برضوا مو راضي يتزبط والفات فيه غريب ّ!! من هنا الموضوع حقي ينطلق وهوا الصدور حق الدجاج المهرمن تعمل رد فعل عكسي مع لاعب كمال الأجسام الي بحاول يزبط منقطه الصدر عندو .

التجربه الحية لصاحبي :
صاحبي في النادي بشوفو يجي كل يوم ماشاءالله لمده 8 شهور وكل يوم يضيف مع جدول التمارين حقو أنواع تمارين لحرق الصدر وشده .. والشهاده لله ما يقصر . ووقت ما يجي اليوم حق تمارين الصدر ماشاءالله عليك بركان حي يتحول . فا المسأله غريبه صارت يا جماعه !!!
فا لوحظ انو الصدر عندو مترهل بعكس الأجزاء الباقيه في الجسم عندو .. فا بعد دراسات وبحوثات معاه أتضح انو
ياكل في اليوم 3 حبات دجاج شوايةه .


الخلاصة /
ايام زمان كان في عندنا محلات تنقي الدجاجه من القفص وعلى المغسله ويدبحها ويحطها في ذيك المكينه الي تلف تلف تلف وتطلع الدجاجه طازه وجاهزه للطبخ فا كان طازه الموضوع ومافيلو خوف والله والطعم كان أحلى . الأن مافي الكلام دا فا المزارع والشركات الكبيره صارت تتلاعب في الدجاج لربح أكبر مكسب مادي . ماتلاحظو لما ندخل السوبرماركت نلاقي دجاج صغير ودجاج كبير والوزن مختلف وايضا السعر مختلف ؟ كله تلاعب في الدجاجه نفسها وكميه الهرمونات الي تاخدها .

فا نصيحتي الشخصيه لكم : كلو دجاج ليه لأ لكن لا نكثر منو فقط لا غير .. ومصادر البروتين ماشاءالله تبارك الله
لا تعد ولا تحصى والكل على علم فيها ..



تحياتي للجميع .. وربنا يحمي الكل

ياصديقي اكلنا كله مهرمن جت على الدجاج
عموما اللي ضر صديقك انه يشتري الدجاج من المطعم
ودجاج الشواية او المكينه يكون مليان زيوت هذا غير ان الدجاج اللي يكون بالمطاعم
تاريخ صلاحيته قريب ينتهي
يعني ابعد مايكون عنن الطازج
علشان كذا اخف الضررين انه يشتري الدجاج ني ويسويه في البيت

انا مقتنع بكلامك 50% من ناحية ان صدور الدجاج تأثر ع صدر لاعب كمال الاجسام بالذات ,, مو كلها عضلات تمتص البروتين !!
ومقتنع 100% بأنه للأسف صار اكلنا مشبوه وغير صحي 100% بسبب الجشع اللي عمى بصيرة التجار ..

ولو نجي مثلا للتونا ,, ترى هيا كمان مشبوهة وما تعرف هل هي مستخرجة من سمك التونا او سمك آخر !!
وحاليا اليابان معدومة بالاشعاعات النووية ووصلت لين اميركا ,, يعني من فين لنا سمك مضمون ؟؟!!

البيض نفس الشيء
المكملات نفس الشيء فيها كلام كتير جدا
لذا ,, بسم الله اوله وآخره والحرص وشرب ماء لا يقل عن 4 لترات يوميا لكي يساعد الجسم على عملية التماثل الغذائي واخراج اي مواد ضارة للجسم

الله يديك العافية ياوحش ع الموضوع اللي يجيب وسوسة هههههههه

اقتباس:

---

المشاركة الأصلية كتبت بواسطة toto jeddah

انا مقتنع بكلامك 50% من ناحية ان صدور الدجاج تأثر ع صدر لاعب كمال الاجسام بالذات ,, مو كلها عضلات تمتص البروتين !!
ومقتنع 100% بأنه للأسف صار اكلنا مشبوه وغير صحي 100% بسبب الجشع اللي عمى بصيرة التجار ..

ولو نجي مثلا للتونا ,, ترى هيا كمان مشبوهة وما تعرف هل هي مستخرجة من سمك التونا او سمك آخر !!
وحاليا اليابان معدومة بالاشعاعات النووية ووصلت لين اميركا ,, يعني من فين لنا سمك مضمون ؟؟!!

البيض نفس الشيء
المكملات نفس الشيء فيها كلام كتير جدا
لذا ,, بسم الله اوله وآخره والحرص وشرب ماء لا يقل عن 4 لترات يوميا لكي يساعد الجسم على عملية التماثل الغذائي واخراج اي مواد ضارة للجسم

الله يديك العافية ياوحش ع الموضوع اللي يجيب وسوسة هههههههه

---

والله كلام بسيط وجميل يا تركي
الله يعطيك العافية

من ناحية التغير فهو في اغلب اكلنا الله المستعان .

لكن بتكلم عن الدجاج
للاسف كلامك صحيح تماما بخصوص حقن الدجاج بالهرمونات بل ويحقنوه بهرمون الاستروجينوهو الهرمون الانثوي
هذا حيأثر على الرجل وحتى المراه لكن الرجل اكثر لانه يقلل من الرغبه ويضعف البدن شوي كذلك

لكن اذا كان الشخص لابد يوميا ياكل دجاج فلياخذ الاحجام الصغيره دون ال900 غرام لانها اقرب ماتكون للطبيعيه ولااضمن كونها غير محقونه للامانه.

ايضا موضوع البيض
البيض االان عندي في الثلاجه تشوفه تقول كرة بيسبول من كبر حجمه فالله المستعان حتى طعمه غريب كانه بلاستيك




يعطيك العافيه

الله يعطيك العافية على الموضوع وماقصرت
وانا سمعت من اكثر من شخص يقولون الدجاج الالف غرام افضل من ابو600 غرام واسمع كلام كثير لكن سمي بالله وكل .

موضوع جميل ولله .. حلو ان الواحد يستفيد وياخذ معلومات وخبرهـ حتى لو مايمارس الرياضه ;p

سبحان الله من عرفت نفسي ماحب الصدور’’ عطني الرجل والفخذ والباقي لك / وبالنسبه للمادهـ اللى يحقنون فيها سامع فيها من فتره طويله x
بس رايحه عن بالي وناسيها جزاك الله خير~ وبإذن الله في موازين اعمالك إن شاء الله الشباب يستفيدون من العلومات .. !

السلام عليكم ورحمة الله وبركاته ياوحوش

شكرا ياكابتن على طرح هذا الموضوع للنقاش

وبعدين كلام الكابتن ذا كاست سليم 100% من ناحية اختيار الدجاج الاصغر حجماً وانا عن نفسي ماأجيب الا حجم 800 او 700 وبالنسبة للصدور اخذ اصغر صدور موجودة بدون عظم وجلد ومن ناحية انهامأخذت هرمونات لا والله انها ماخذه بس مو زي ام 1200 يعني على خفيف ولا 1200 تقول اشوي وتنزل تعرض مقانص هههههه

شوف اخوي

مرة تكلمت مع واحد ولد عمه شغال بمزرعة دجاج باليمن


ويقول طال عمرك ان الدجاج ينحجز بعد ما يصير عمره اسبوع ويمنع عنه الاكل

ويتغذى فقط على محلول ماء مع بودرة طول اليوم لمدة 21 يوم



بعد ما تخلص الــ21 يوم نطلعها للغذاء العادي (العلف ) ويتم حجزها 20 يوم وتنزل للذبح

ولو غلطنا ونزلنا الدجاجة قبل ما تخلص مدة الحجز الثانية يصير باي شخص ياكلها نفس اللي يصير فيها ينتفخ الين ما يروح كنه شيول


خلها على ربك وازيدك من الشعر بين البودرة اللي يخلطونها مع المويه يتم صناعتها بأخس دولة بالعالم

اقتباس:

---

المشاركة الأصلية كتبت بواسطة THE CAST

من ناحية التغير فهو في اغلب اكلنا الله المستعان .

لكن بتكلم عن الدجاج
للاسف كلامك صحيح تماما بخصوص حقن الدجاج بالهرمونات بل ويحقنوه بهرمون الاستروجينوهو الهرمون الانثوي
هذا حيأثر على الرجل وحتى المراه لكن الرجل اكثر لانه يقلل من الرغبه ويضعف البدن شوي كذلك

لكن اذا كان الشخص لابد يوميا ياكل دجاج فلياخذ الاحجام الصغيره دون ال900 غرام لانها اقرب ماتكون للطبيعيه ولااضمن كونها غير محقونه للامانه.

ايضا موضوع البيض
البيض االان عندي في الثلاجه تشوفه تقول كرة بيسبول من كبر حجمه فالله المستعان حتى طعمه غريب كانه بلاستيك




يعطيك العافيه

---

عندك دواجن فقيه انا ما اشتري الا منهم

^^^
جميع شركات الدواجن ينطبق عليها ماقيل في الموضوع


البعض عنده مزرعه صغيره فيها دواجن ويربيها طبيعيا وهذا شي جميل ..

للأسف أغلب المأكولات حالياً غير صحية ,,,,,,,,,>>>>,,,,,,,,,, الله يحمينا ويحمي جميع المسلمين

اول شي مشكور جدا على مواضيعك الي في الصميم يا كابتن ماجد666 الله يعطيك العافيه وطريقه طرحك وشرحك لها

ثاني شي كلام الأعضاء صحيح والكابتن the cast افادنا كمان

ثالث شي انا عن نفسي كنت اخد دجاج وخاصه البيك لكن حصلي موقف سد نفسي منو للأبد وماصرت اخد لا دجاج ولا حتى اي شي يطير.


موفقين

صراحة موضوع رائع و تستاهل عليه الشكر
وايضا يجب على لاعبين كمال الاجسام عموما انهنم ينوعوا في المصار البروتينية سواء أكانت حيوانية أو نباتية
واكرري شكري ثانية

الله يعطيك العافيه

اجل خلاص نصير نباتين إذا السالفه كذا :)

الله المستعان بس