تكفون ابي نصيحتكم ياكباتن (اول مشاركه لي في المنتدى)

http://www.montada.com/images/icons/icon4.png تكفون ابي نصيحتكم ياكباتن (اول مشاركه لي في المنتدى)

اهلين يا أحلى قروب

ممكن طلب حبايب قلبي .

انا ليه في الرياضه فتره طويله لكن بديت اشتغل على نفسي صح قبل سنتين كان وزني ايامها 130 ك وطولي 173 اشتغلت دايت وتخسيس الين وصل 95 وكان الحمدالله جسمي للي يشوفه يقول انه وزني 85 لان الحمدالله من فوق ماعندي بروز كثير في البطن لكن مشكلتي في الافخاذ والارداف وزني هيه الي اخذه اغلب الوزن .

طبعن قطعت النادي فتره ورجعت انا الان وزني 103ك وعمري 30 ماشي على دايت فاكهه وخضار مطبوخه ودجاج في الفرن وفي الليل فاكهه (سبت -اثنين -اربعاء -جمعه) وكورن فليكس براون مع حليب منزوع الدسم وارز ابيض مسلوق مع ايدام وشوربة شوفان مع حليب منزوع الدسم (احد- الثلاثاء-الخميس)

اروح النادي سبت احد الثلاثاء الاربعاء الخميس يومين راحه

ابدى على الاجهزه سير هروله 20 د بعدها اما اوربت تراك او دراجه 20 د بعدها تمارين سويديه .

المشكله انه وزني متعبني ودي انزل بسرعه لكن احس جسمي تعود على الرجيم والتمارين ومايستجيب بسهوله في النزول

قريت لبعض الكباتن الله يعطيهم العافيه عن استخدام حوارق الدهون وصراحه ادو شرح كافي عنها وخاصه موضوع للكبتن (تيتو جده) الله يمسي عليه بالخير عن الليبو 6 وكونت فكره طيبه عنها وعن بعض الاشياء الثانيه

الان الي ابغاه واطلبه منكم حبايب قلبي تدوني توجيهاتكم ونصايحكم الغاليه عشاني ناوي ابدى حديد وتنشيف وتفصيل لجسمي مع العلم انه ليه فتره طويلللله وجسمي يراوح بين 95 الى 103 مره يطلع ومره ينزل ابعى اكسر ذا الوزن واوصل للوزن المثالي (ماني طماع كثير ودي يوصل الى 85 او 80 )

يعني من الاخر ابغى اسوى شيء

تكفون تكفون تكفون .

محبكم ماجد .