خليـــج أمبريــــلا

السلام عليكم ورحمة الله وبركاته

هذه القصه كتبتها لما جلست آخر مره على كرسي التعذيب

وتلبية لطلب اخواتي وخواتي الغاليين فتحت له موضوع خاص

ان شاء الله تعجبكم يارب

القصه من تأليف

Yami Vergil

رسومات الشخصيات

Arashi


الشخصيات

(الشخصيات باللون البني من وحي خيالنا)

عائلة بو ريفو

http://i1080.photobucket.com/albums/...o15/burevo.jpg http://i1080.photobucket.com/albums/...o15/hikari.jpg

----------------الأب بوريفو (28 سنه/ نجّار) ------------ و---------الأم Hikariء (26 سنه )


الأبناء


http://i1080.photobucket.com/albums/...15/ninrevo.jpg http://i1080.photobucket.com/albums/...15/akihiko.jpg

-----------Nin Revoء (13 سنه) ------------ و--------- Akihkoء(12 سنه )

عائلة بوديلي

http://i1080.photobucket.com/albums/...o15/budely.jpg http://i1080.photobucket.com/albums/...ro15/ro3ba.jpg

-------الأب بوديلي (27 سنه/ طوّاش) ------------ و---------الأم رعبهء (24 سنه )

الأبناء


http://i1080.photobucket.com/albums/...iro15/dely.jpg http://i1080.photobucket.com/albums/...ro15/misty.jpg


-------------Delyء (11 سنه) ------------ و--------- Misty Hestoryء(9 سنين )


عائلة بوجيمر

http://i1080.photobucket.com/albums/...15/bug4mer.jpg http://i1080.photobucket.com/albums/...issrebecca.jpg

-------الأب بوجيمر (29 سنه/ قلّاف) ------------ و--------الأم-Miss Rebeccaء (25 سنه )

الأبناء : التوأم

http://i1080.photobucket.com/albums/...ro15/g4mer.jpg http://i1080.photobucket.com/albums/...o15/arashi.jpg

-----------G4merء (10 سنوات) ------------ و--------- Arashiء(10 سنوات )


عائلة White Knight -بومحمد-


http://i1080.photobucket.com/albums/...bumohammed.jpg http://i1080.photobucket.com/albums/...15/kaltham.jpg

-------الأب White Knight ء (26 سنه/ غوّاص) ------------ و---------الأم كلثمء (25 سنه )

الأبناء

http://i1080.photobucket.com/albums/...5/mohammed.jpg http://i1080.photobucket.com/albums/...iro15/king.jpg

----------------محمدء (10 سنوات) ------------ و--------- king.deء(8 سنين )


http://i1080.photobucket.com/albums/...iro15/yami.jpg

--Yami vergilء (5 سنين)


عائلة Kasih -بوعبدالرحمن-


http://i1080.photobucket.com/albums/...bdulrahman.jpg http://i1080.photobucket.com/albums/...o15/3ishba.jpg

-------الأب Kasih ء (27 سنه/ غوّاص) ------------ و---------الأم عشبهء (22 سنه )


الأبناء

http://i1080.photobucket.com/albums/...hiro15/abd.jpg http://i1080.photobucket.com/albums/...o15/itachi.jpg

------------Ab..dء (6 سنين) ------------ و--------- Itachi Loverء(9 سنين )


عائلة Fantasy Legend -بوعلي-

http://i1080.photobucket.com/albums/...ro15/buali.jpg http://i1080.photobucket.com/albums/...o15/gmasha.jpg

---الأب Fantasy Legend ء (26 سنه/ غوّاص) ------------ و---------الأم قماشهء (23 سنه )


الأبناء

http://i1080.photobucket.com/albums/...hiro15/ali.jpg http://i1080.photobucket.com/albums/...ro15/min7a.jpg

-----------عليء (5 سنين) ------------ و--------- منحة الرحمنء(8 سنين )


بالاشتراك مع

الأخوه

http://i1080.photobucket.com/albums/...5/sibeecha.jpg http://i1080.photobucket.com/albums/...ro15/jom3a.jpg

---------------------------------سبيجه (15 سنه) ------------ و--------- جمعه (17 سنه )

--------------------------------


صديق جمعه

http://i1080.photobucket.com/albums/...o15/motla6.jpg

مطلق (17 سنه)

---------------------

صديقات سبيجه

http://i1080.photobucket.com/albums/...o15/ameena.jpg http://i1080.photobucket.com/albums/...o15/widyan.jpg

-----------------------------أمينه (10 سنوات)------- و----------- وديان (12 سنه)

http://www.youtube.com/watch?v=aRT1ybPLgFM

قبل اكتشاف البترول في الخليج .. كانت حرفة الغوص والتجارة باللؤلؤ تشكل مصدر عيش معظم سكان البحر. ففي هذه القصة سوف نعود الى الوراء ونعيش تجربة اجدادنا في زمن كانت الحياة فيه بسيطة والناس قلوبهم صافيه ومحبه على الرغم من قساوتها ... كدحوا وكافحوا وخاطروا بحياتهم من اجل العيش وتوفير قوتهم وقوت عيالهم.

تدور احداث قصتنا في احدى سواحل خليج امبريلا العربي في قرية امبريلا الساحلية

في صباح يوم جميل

http://www.youtube.com/watch?v=2bgmJIAwzvI

Hikari: يا يما قووم روح جابل رزقك مع اخوك في البحر... يالله يا وليدي النوخذه بيعصب عليك :ds015:

Akihiko : مممم ممم .. ان شاء الله يما :jap052:... ويقلب نفسه للجهه الثانيه

Hikari : يالله يا يما مب حاله كل يوم ساعه تخليني اوقّظ فيك .. بارك الله فيك غسل ويهك وتعال تفطر :jap040:

Akihiko يغسل وجهه ويذهب الى الليوان لتناول الفطور

Nin Revo : آكيو تبي باجيلا ؟ انا خلصت البيض :ds006:

Akihiko : ماااا احب الباجيلا ليش تخلص البييض ؟؟ :ds012:

Hikari : *صه انت وياه.. رياييل كبار ووتهاوشون على الاكل ؟؟ :jap008:

*يعني اسكت

Akihiko & Nin revo : يماااااااااااااا :jap035:

Akihiko : زين زين جيب الباجيلا :ds014:

ويُسمع صوت طرق الباب

Hikari : منو جاينا الحين ؟؟ وتقترب من الباب ... نعم ؟؟ :jap006:

Itachi lover : انا Itachi يا خاله .. جبت لكم نخي :jap031:

Hikari تفتح لها الباب ويسلمون على بعض

Hikari :هلا فديتج شلونج يا قلبي ؟؟ عسى اشوفج عروس يارب ..:ds008:

Itachi lover : بخير يا خاله .. اماي تلسم عليج يا خاله :ds017:

Hikari : ايه فديتها ام عبدالرحمن الله يسلمها :jap042:... وتاخذ صحن الباجيلا من امام Akihiko..خذيه يا يما حق امج تحبه :ds015:

Itachi lover : ... !! شكرا يا خاله :ds009:

Akihiko وفي حلجه خبز: ممم يما يما ماخلصت اكلي :ds016:

Hikari : هاوو !! ماشبعت ؟؟:ds021: يالله اشوف روحوا البحر خلصوني .. ويه! :ds020:

Nin Revo: يالله بسك زط ... اليوم بصيد سْمِجَه هالكبر:jap038: ويأشر بيده

Akihiko: ههههههههه بنشوف :jap017:

في احدى ضواحي القرية بالقرب من البحر

http://www.youtube.com/watch?v=eOh-e09J8Sw

Arashi بالبخنق تلعب مع الشباب كوره وهم حفّي << يعني حافيين بدون نعالات

arashi تسجل جووول

arashi تجري حول الملعب: جووووووووووووووووووووول :ds008:

Dely : لا لا لا صدفع صدفع :ds004:

G4mer: لالا مب صدفه شفيكم على أختيا؟ كل ماجابت جول طلعتوا عليه الف قصه ؟؟ :jap028:

Miss.Rebecca : ارووووووش ؟؟ :jap033:

G4mer : اووه امنا تناديج :jap026:

Arashi: زين تكفى البس بخنقي وروح معاها وغافلها وتعال :jap031:

G4mer: على كيفج؟؟ قلنا توأم ماقلنا نستغل هالشي ونقص على أمنا :ds014:

Miss.Rebbeca : اروووش ويعه.. عبالج مابميزكم ؟؟ :jap014: انتوا للأسف عياليا .. كم مره قلت لج لاتلعبين مع الصبّيان تبين ينادونج البنات صبيّوه ؟؟ :jap006:

Arashi : يما يعني شنو تبيني العب ؟؟ جيز ؟؟ عرايس ؟؟ ملل ابي العب مع اخويا وربعه كوره :jap012:

Dely : يالله اشوف روحي العبي مع البنات :jap028:

Miss.Rebecca : وانت ماتروح تتعلم الغوص ولا الصيد يا دلّوي ؟؟ :ds020: يالله يا جمور رجّع اختك البيت انا بروح حق خالتكم عشْبه من زمان ماشفتها :ds004:

G4mer : ان شاء الله يما تآمرين امر :jap004:.. ويلتفت على الشباب...لعبوا لعبوا مع خالتي عشبه السوالف بتطول :jap038:

Dely : هذاع نصب ...واختك ؟؟ :jap039:

G4mer : خلها خلها محد بيدري :ds011:

Dely :هالمرع ماراح اتساهل وياج يا اروش... مب عقب تروحين تبجين عند امج ؟ :ds013:

Arashi : ولا انا ههههاع بنشوف منو الي بيبجي عند أمه .. انا اجواليا اكثر من اجوالك :ds005:

*ملاحظه عائلة اراشي وجيمر تدلع الكلمات وتزيدها بيا .. مثل عيونيا .. ريوليا

*وعائلة ديلي تضيف على بعض حروف العله في نهاية الكلمة حرف العين

في وسط البحر في سفينة البوم

http://www.youtube.com/watch?v=0DeDb6gJLa0

Kasih : اووووووووووه يا ماااااااااال اووووووووووه يا ماااااااال
اعمّة الخير لا تسعييييين بالفِرقة... بيني وبييييييين الأهل لابد من الفِرقة... اول شبابيييييي بليت بعَمَه قِشرة...ردنييييي لهلي لاتقطني في حفره ... وانا وربعي نبيييي من البحر صرفه
اوووووووووه يامااااااااااال

وتصفيق * تشك تشك تشك تشك تششششششك

White knight : اصييل يا نوخذتنا ونهّامنا Kasih البحاار ... عسى الله يردني لزوجتي وعيالي والله ولهان على yami بنيتي وولدي king.de و محمد :jap019:

Fantasy : يالله انا غايص .. تآمرون على شي ؟؟ :jap004:

Kasih: اهم شي ترد لنا حي يا بوعلي ... واذا مب اليوم الله بيكتبها برزق اكبر باجر ان شاء الله :ds015:

Fantasy: على خير ان شاء الله .:ds011:. وهووب يفز في الماء

White Knight بيده سكين يفتح المحّارات: ماتحس يا بوعبدالرحمن ان حركة الريح تغيرت ؟؟ :ds021:

Kasih يرفع رأسه وينظر للسماء: ايه والله صدقت يا بومحمد .. عسى ماتكون ريح شر ومصيبه :jap046:

Fantasy يخرج من الماء مذعور:الحقوووووووااااااااا بودرياااااااااااه بودرررررررياه :ds016:

White Knight : شتقول يا بوعلي انت ينّيت ؟؟ :ds012:

ويخرج وحش طويل الشعر كثيف اللحيه من تحت البحر

بودرياه: أيا جليل الحياه ياللي ماتستحي.. شحقه تدخل بيتييييييييي ؟؟ :jap039:

Fantasy : والله السموحه منك يا الشيخ انا احسبه كهف مهجور وكنت ادور رزقي :jap045:

بودرياه: دور رزقك بعيد عن بيتي ...ذلفوا عن بحرييي ...:jap054:

ويرمي بالسفينه بكل قوته الى الشاطئ

في الشاطئ يندهش الجميع بمظهر السفينة وهي تقذف من بعيد نحوهم الى الشاطئ

يجري *القلاّف بوجيمر نحو السفينة ويصعد اليها ليتفقد حال الغواصين

*القلاف هو الذي يصنع السفن ويقوم باصلاحها

بوجيمر: ياجماعه .. عسى ماشر ؟ :jap050:

Fantasy: هذا بودرياه .. منو غيره ؟؟ احسن مصايد السمج محتكرها :jap010:

بوجيمر: ههههههههه خير ان شاء الله .. يالله نزلوا لأهلكم صار لكم شهر ماشفتوهم وانا وبوريفو بنصلح لكم السفينه :ds015:

علي يجري الى أبيه Fantasy

علي: يبااااااااااااااااااااااااااااا ههههههههههههههه :ds008:

ويتسلق ابيه من رجله ويصل الى رأسه ويقبله

Fantasy: هههههههههه شتسوي هني بروحك .. وين أمك ؟؟ :jap017:

علي : انا العب مع Yami .. يمّعنا اصداف شكثررررررررررررررر :jap021:

Yami: علاّوييييييييي :jap038:... تقف فجاه بعد ان شاهدت والدها .. أمبييه بيهاوشني :jap040:.. وترمي بالأصداف وتهرب

White Knight: يمّووووووووووووي ماقلت لج لاتلعبين عند البحر بروحج؟ :jap028:.. ويجري خلفها

Yami تصرخ وهي تجري نحو منزلها: انا ماسويت شيييييييييييي انا ماسويت شييييي هاي علاّوي جابني بالغصب :jap033:

علي يترك اباه ويركض خلفها : لا لالاااااااااا عمي White جذابه يمّوي جذاباااااااااا :jap026:

Fantasy: علاّوييي شوي شوي يبا بتطيح :jap004:

Kasih: هههههههههههه .. لعله خير ... يالله يا بوجيمر يعطيك العافيه انا راد بيتي ولهت على الاهل :ds015:

http://www.youtube.com/watch?v=qoVoXnIFbSw

في بيت قماشه زوجة Fantasy النساء مجتمعات هناك ومشغولين بالسوالف والعمل

Hikari تصنع الخبز على *التاوه

*التاوه قرص معدني يوضع فوق النار ويصنع منه الخبر الرقيق

أم وديان: أقول يا أم ريفو ... جم أعمار اولادج الحين ؟؟ :jap001:

Hikari (ام ريفو): ... وليدي العود 13 سنه وآكيّو 12 سنه ...:jap035:

قماشه (ام علي) وهي تنظف العيش: وحليلهم صاروا رياييل .. امس كانوا صغار هاللون :jap034: وتأشر بيدها .. تبارك الرحمان :jap042:

عشبه (ام عبدالرحمن) وهي تخيط ملابس ابنتها Itachi: عسى الله يرزقهم ببنات الحلال وتفرحين بشوفة عيالهم :ds015:

Hikari: آميين فديتج :jap013:

أم وديان: ليش ماتزوجين واحد منهم حق بنيتي وديان ؟ :jap001:

Hikari: ... فديتها وديان الله يرزقها بالزوج الصالح :jap017:.. وتحدث نفسها بصوت واطي.. مالت عليج من زين بنتج العوويه غصب التلّزق؟ :jap012:

رعبه (أم ديلي) تهمس لكثم (ام محمد): أقول جلثم .. بدينا التلزق هيهيهيهيهي هذاع يسمونه قًطْ ويه :ds022:

كلثم (ام محمد): مب كانت تبي ولدج دلّوي ؟؟ بس يوم عرفت انه اصغر تفشلت وسكتت :ds017:

رعبه: هههههههههه عيب الي تسويه بس يختِج حسّاسه ام وديان مانقدر نقول لهاع شي :ds010:

http://www.youtube.com/watch?v=eOh-e09J8Sw

امام سوق القطع

سبجوه: وديانوه اي لون اخذ احمر ولا اخضر ؟؟ ولا شرايج بالقطعه الي فيها ورود ؟؟ :jap013:

وديان بخياس نفس: والله على كيفج كلهم حلوين ... متى تخلصين؟:jap010:

سبجوه: ويه شفيج انتي ماده البوز شبرين ؟ :jap018:

وديان: يالله عاد تمللت .. ادري ليش تماطلين ناطره الحب ... تعالي نشتري شوية ذهب وعقب نرجع :jap040:

سبجوه: وديان اكوه مطلق :jap027:

وديان متملله: اييه شفته مع اخوج بوضروس ..ااا اقصد جمعه :ds013:

مطلق: هلا سبيجه هلا وديان شخباركم ؟ :ds015:

سبجوه: هلا مطلق .. بخير دام انك بخير :ds009:

وديان: :jap014:

جمعه: سبجوه شهالألوان الي مختارتها؟ تلوع الجبد :jap045:

سبجوه ماتعطيه وجه

مطلق: غريبه وينه الصبي ؟؟ يمكن مع الوالد ... انا بساعدج آمري اي واحد تبغين ؟ :jap004:

سبجوه: مادري والله محتاره بين هاللونين .. شرايك ؟ :jap013:

مطلق: ثنيناتهم لايقين عليج :ds008:

سبجوه بخجل: خلاص عيل قص لي من كل واحد مترين ونص :jap003:

وتضرب كره رأس سبجوه

سبجوه: آيي يالل ... :jap033:

وتوقفها وديان بسرعه

وديان تهمس: مب جدام مطلق سكتي :ds021:

Dely: هههههههههههه جمّووور خوش شوته :jap006:

محمد (ولد White Knight): في الهدف جات كاااااي :jap001:

Ab..d (هو نفسه عبدالرحمن ولد Kasih): شردوااا ترى بوضروس بيبط لكم الكوره بضروسه :jap038:

جمعه: منو بوضروس ياجليل الحيا ..:jap054:

ويجري خلف Ab..d

Ab..d: هههههههههههههاي بعلم ابوي عليك لو ضربتني :ds003:

جمعه: تخسي يالياهل :jap028:

سبجوه: تعالي حبيبتي Arashi :jap035:

Arashi: اوهووووووووووووو بدينا استغلاليا :jap040:

G4mer: جدام بودهن مابتهاوشني المينونيا :ds019:

سبجوه: حبيبتي مايصير تلعبين مع الصبّيان ليش ماتلعبين مع البنات misty ومنحة *جيز ؟؟ :jap013:

*الجيز: لعبه شعبيه قديمه تقوم برسم مستطيل على الارض وبداخله مربعات وفي كل مربع رقم وترمى حصاة ويتوجب القفز برجل واحده على جميع الارقام ماعدا الرقم الذي وقعت فيه الحصاة ذهابا وايابا

Arashi بخياس نفس: يصير خير :jap018:

سبجوه: .... خلاص حبيبتي روحي :jap004:

G4mer: ههههههههههههههههههههههههههههههههه ضحكتينيااااااا :ds011:

Arashi: ههههههههه ملقووفه شعليها منيا ؟ :ds014:

عادَ جمعه اليهم

جمعه: وين راح عبود؟ :ds020:

Dely: مارجع :ds022:

جمعه: تعال معانا دلّوي شتبي تلعب ويا اليهال ؟ :jap001:

Dely: يهال ؟؟ يعني انا ياهل ؟؟ بيني وبينهم سنه يالحبيب :jap011:

مطلق : يالله يا جمعه خلصني .. مالك شغل بحد :jap040:

وديان: وييه سبجوه سمعتي شنو قال ؟:ds012:

سبجوه: امبييه .. يعني انا يشوفني ملقوفه عشان كلمت اروش :ds016:

Ab..d يمسك بيد Kasih وItachi تجري معهم: شوفه يبا شوفه ركض وراي ..انزين؟ .. يبي يطقني .. ويقول انك مب قوي وانه يقدر يسطرك ويسطرني وياك :jap006:

Itachi: انا بشووته انا بضربه ضرب *اليهد :jap028:

*اليهد: حتى الموت

Kasih: شنهووووووووووو؟؟ :jap039:

جمعه: شوفوا الكذااب :jap032:... ويهرب بسرعه نحو البحر

Kasih: ماخلاني اكمل كلامي هههههههههههههه ... عبود انا عارف انك تشلّخ :ds013:

Ab..d: ادري يبا انك مابتصدق بس بغيت اخرع بوضروس :ds011:

Itachi تنطط بمكانها: هههههههههههههههه خواااااااااف خوااااااااف بوضروس :ds008:

سبجوه: ... جمعوه دايما يفشل نفسه :jap005:

Kasih: يالله يبا خلي نروح البيت ... اروش دلّوي وجمّور يالله يبا رجعوا بيوتكم ولا بتطلع لكم *حمارة القايله :jap017:

*حمارة القايله: او ام حمار هي امراه برجل حمار كانوا الامهات يخيفون فيها اطفالهم حتى لايخرجوا وقت الظهيره

Misty: دلّوووووووووووووووووووووووووووووي يمّاعععع معصصصصصصصصبه عليك تعال البيت بسرعععه :jap033:

Dely: أوهوووووو شيبون بعد؟ زين انا جاي الحين لاتمطّين في اسمي هشكل :jap054:

رعبه من بعيد: دلّووووووووووي؟؟ ياربي من هالصبّي :jap046:.. ترى بخليك برع مع حمارة القايله تلعب :ds022:

Dely يجري بسرعه: ييت يييت :ds012:

http://www.youtube.com/watch?v=j5dRL...eature=related

في عز الحر وقت الظهيره يبقى الناس في بيوتهم ويتناولون غداءهم مبكرا

في بيت White Knight

Yami: أبي ألوح بيت علي ... ابي اصدافي :jap015:

أم محمد: بعدين بوديج :jap040:

White Knight: ايه ايه روحي الحين عشان تطلع لج أم حمار ... بتدوسج وبتاكلج هشكل :ds005:... ويأكل white اللحم بوحشيه

King.de: ..... وااااااااااااااااااع اخااف اهئ اهئ اهئ اهئئئئئئئئئئئئئئئ :ds007:... ويهرب الى غرفته تحت الفراش

Yami و محمد: ....................................................................... :jap023:

كلثم (ام محمد) بغضب: ووويت؟؟ جم مره قلت لك لاتخّوف عيالي عالغدى ؟ :jap046:

White Knight يغلق عيناه وعروق الغضب تملئ رأسه: ... أم محمد ...جلثوم... ميت مليون مره قلت لج لفظي اسمي صح ... اسمي White مب وويت :jap014:

ام محمد: وييييييييييييييه ووويت .. الحين بتسوي لي سووولفه على اسمك؟ .. ليش اسمك من اليّنه (الجنه) ؟ :jap010:

White يخرج الخيزرانه من تحت السجاده ويهجم على أم محمد

White Knight: غصبن عن أبوج بتلفظين اسمي عدل فاهمه ؟؟ :jap028:

ام محمد تهرب: وييييييييه ويييييييييه لحقواا علي .. ما قلت لك؟؟ انت ساكنك ينّي (جنّي) البحر :ds016:

King.de يخرج من تحت السرير ويجري خلفهم وهو يضحك

King.de: هيييييييييييييييييييييييييييييييييي امي وابوي يلعبون صياد حرامي :jap038:

White Knight وهو يحاول ضربها: ناديني عيل بومحمد.. هذا بيتي وانا حر فيه واذا ماعاجبج روحي بيت ابوووووج :jap033:

ام محمد: مب على كيفك.... محد قال لك تخطبني من ابوي :jap026:

في بيت الجيران

Arashi: ها؟؟ :ds021: تجري لتفتح النافذه ... يما يما عميا White وعمتيا عشبه يتهاوشون :ds012:

G4mer: لاا يالمينونيا قاعدين يلعبون مع يمّوي وحمود وكين شوفيهم شلون مستانسين :jap049:

Miss Rebecca تنظر الى بوجيمر: ايه مستانسين يا حظي ... الله يستر عليج يا جلثم :jap018:

بوجيمر: ........ أروش عيب ... سكري الشباك :jap008:

Arashi تغلق النافذه: زين يبا يبا.. ليش مانلعب نفس لعبتهم ؟؟ :ds011:

Miss Rebecca و بوجيمر: ........ !!؟؟؟ :ds020:

في نفس الوقت فتح علي باب المنزل ووقف امام الباب

علي: منوحه ؟؟ انتي تصدقين قصة حمالة القايله ؟؟ :ds017:

منحه: ماعرف :ds021:

علي يمشي قليلا ويقف تحت نخله ويلتفت على منحه

علي: مافي شي قصوا علينا ..:ds014:

منحه تذهب الى علي وهي تبكي: علاّوي تعال ارجع اخاف تاكلك ام حمار :ds007:

ويلتفت ليجد امرأه شابة امامه

؟؟؟: شيسوون الحلوين تحت النخله ؟؟ :jap004:

علي بكل براءه: خالتي؟ انتي تعلفين حمالة القايله؟؟ :jap031:..... وينظر للاسفل .... ها؟؟ :jap026:

منحه: اهئ اهئ اهئ :jap053:

يتــــــــــــــــــــــــــبع

السلام عليكم ورحمة الله وبركاته...
مشكووووووووووووووووووووووووره ياختي يامي إنتي وأختي وأراشي على هذا العمل الجبار وممتع والمسلي..
وصراحة مت من الضحك
http://www.montada.com/attachment.ph...hmentid=338904
...وخصوصا عند هذه الجمله (ولا بتطلع لكم *حمارة القايله) http://www.montada.com/attachment.ph...hmentid=337646 ...... ذكرتيني بأيام زمان لما كانت إمي الله يحفظه تقولنا هذه الكلمه زمان لما نكون برى(خارج) البيت..
بس صراحه عمل متميز منك يأختي يامي وكذلك أختي آراشي وهذا مو بغريبه عليك أنتي والأخت آراشي والله يحفظكم لبعض ويدم لكم النجاح والتميز في العمل ولا يحرمنا من مواضيعكما الجميله والمتميزه ...
وهذه تحيه من عندي على هذا العمل الجبار..
http://www.montada.com/attachment.ph...hmentid=337684

واااااااو يامي سوان مبدعه ونجمة انتي وارووش الرسامة الموهوبه

جائزة اوسكار باسمي واسم المنتدى الى


الآنسة يامي بنت يميوم

http://www.myegyptsun.com/forum/atta...1&d=1232578209

و الآنسة اراشي بنت ارووش

http://www.myegyptsun.com/forum/atta...1&d=1232578209

http://www.n24.de/media/_fotos/bilde...rafen-afp1.jpg

http://blog.kochlef.com/wp-content/u...dissements.jpg

ماشاء الله على الأبداع
منها إلى الأروع
مثل ماقال أخي ديلي تستحقون جائزه أوسكار

وااااااااااااااااااااو ابداع ماشاء الله روووعه

الى الأمام ان شاء الله ^_^

بأنتظار التكمله,,,,,,,,,,

السلام عليكم و رحمة الله و بركاته...

يعطيكم العافية Yami,Arashi على القصة الأكثر من رائعة...جائزة اوسكار ما تكفي حق التسلية و الضحك و بأنتظار الفقرة القادمة..Added to favorites

والله لو وش اقول ما اوفيكم حقكم لا اوسكر ولا قولدن جلوب

في انتضار الجزء الثاني

السلام عليكم

ماشاء الله ..تبارك الرحمن
يامي ابدعتي صراااحه بكل حرف و كلمه
عسى ربي يخليج لنا

بصرااحه قاعده اتخيل كل لقطه و بعد بالبيوت العتيجه بعد ^,^

اهم شي (( حماارة القايله )) هههههههههههههههههه

ماشاءلله عليكم
Arashi - Yami
من جد أبدعتوا أتفق مع جارل فينلاند لو في وسام على شكل أوسكار بهديكم :o
ماشاءلله أروش رسامة من وراي
وأنتي يامي مؤلفة قصص من الطراز الرفيع
أكتشفت فيكم ها الموهبة وإن شاءلله تتوسعوا فيها أكثر

اقتباس:

---

White Knight: ايه ايه روحي الحين عشان تطلع لج أم حمار ... بتدوسج وبتاكلج هشكل :ds005:... ويأكل white اللحم بوحشيه

---

لووووول كنت أسويها على أخواتي الصغار لمن يلعبوا في الحوش بس من دون اللحمة :09:

----------------------

اقتباس:

---

White Knight وهو يحاول ضربها: ناديني عيل بومحمد.. هذا بيتي وانا حر فيه واذا ماعاجبج روحي بيت ابوووووج :jap033:

---

أفا من بدايتها مشاكل لسة ماتزوجت :09:
أقول لعيالي الأن ( محمد و يامي وكينج ) يالله روحوا ناموا الأن :silly:

يالله الجزء الثاني بسرعة أبغى أشوف إيش صار :)
يعطيكم العافية أخواتي على القصة

هههههههههههههههههه

حلوه القصه تضحك

اهم شيء الرسمه هذه XD

http://i1080.photobucket.com/albums/...iro15/yami.jpg

تذكرني بحبيبة هاريما بسكول رمبل XD

بس مو متخيل هيكاري تكلم باللهجه اللي حاطتها تكلم فيها XD

ننتظر التكملة :D

مرررررررحبا بالاعضاء الاعزاء XD

والله سامحوني <<< الكلام لاول 4 ردوا على الموضوع
كنت بطرش لكم دعوى بس اول ماخلصت الموضوع رقدت على طوول وفكرت اليوم الثاني اطرش لكم الدعوات

بيكاسو
...و

اقتباس:

---

خصوصا عند هذه الجمله (ولا بتطلع لكم *حمارة القايله) http://www.montada.com/attachment.ph...hmentid=337646 ...... ذكرتيني بأيام زمان لما كانت إمي الله يحفظه تقولنا هذه الكلمه زمان لما نكون برى(خارج) البيت..
بس صراحه عمل متميز منك يأختي يامي وكذلك أختي آراشي وهذا مو بغريبه عليك أنتي والأخت آراشي والله يحفظكم لبعض ويدم لكم النجاح والتميز في العمل ولا يحرمنا من مواضيعكما الجميله والمتميزه ...
وهذه تحيه من عندي على هذا العمل الجبار..
http://www.montada.com/attachment.ph...hmentid=337684

---

اهلا وسهلا ^^ وعليكم السلام
الحمدلله انها اعجبتك ^^ احنا يوم كنا يهال كانت منتشره عندنا قصة الحماره في التاكسي الي
ركبت مع واحد ولما شاف ريولها شرد ههههههههههه

----------

ديلي

اقتباس:

---

واااااااو يامي سوان مبدعه ونجمة انتي وارووش الرسامة الموهوبه

جائزة اوسكار باسمي واسم المنتدى الى

---

هلا دلّوي XD اشرك كثيرا جدا جدا على الجائزه
افتخر فيها والله
* يامي تستلم جائزتها وتقف اما الكاميرات XD

----------

نعومه

اقتباس:

---

ماشاء الله على الأبداع
منها إلى الأروع
مثل ماقال أخي ديلي تستحقون جائزه أوسكار

---

ميرسووووووووو حبيبة قلبي ^^

----------

ام جيمر XD

اقتباس:

---

وااااااااااااااااااااو ابداع ماشاء الله روووعه

الى الأمام ان شاء الله ^_^

بأنتظار التكمله,,,,,,,,,,

---

هلا بالغاليه ^^
ميرسوووووووووووو
وان شاء الله بس بتأخر فيها لان الدور الحين على امبريلا سكول

---------

Garl

اقتباس:

---

السلام عليكم و رحمة الله و بركاته...

يعطيكم العافية Yami,Arashi على القصة الأكثر من رائعة...جائزة اوسكار ما تكفي حق التسلية و الضحك و بأنتظار الفقرة القادمة..Added to favorites

---

هلا بضحيتة الاسبوع XD
اعتبرها هديه بمناسبة ترشيحك كااااااااااك
شكرا جزيلا


-----------------------

جنرال الرزدنت

اقتباس:

---

والله لو وش اقول ما اوفيكم حقكم لا اوسكر ولا قولدن جلوب

في انتضار الجزء الثاني

---

شكرا جزيلا ^^
باذن الله بحاول اني اخلص امبريلا سكول
عشان ابتدي في الجزء الثاني

--------

منوحة المنانيح

اقتباس:

---

السلام عليكم

ماشاء الله ..تبارك الرحمن
يامي ابدعتي صراااحه بكل حرف و كلمه
عسى ربي يخليج لنا

بصرااحه قاعده اتخيل كل لقطه و بعد بالبيوت العتيجه بعد ^,^

اهم شي (( حماارة القايله )) هههههههههههههههههه

---

وعليكم السلاااااااام ^^
الحمدلله انها نالت اعجابج ورضاج يالغاليه ^^
ههههههههههه زين عيل عشتي الجو ^^
---------

white knight

اقتباس:

---

ماشاءلله عليكم
Arashi - Yami
من جد أبدعتوا أتفق مع جارل فينلاند لو في وسام على شكل أوسكار بهديكم :o
ماشاءلله أروش رسامة من وراي
وأنتي يامي مؤلفة قصص من الطراز الرفيع
أكتشفت فيكم ها الموهبة وإن شاءلله تتوسعوا فيها أكثر

---

شكرا جزيلا بومحمد ^^
اهم شي رضاكم << مسؤوليه نستخدم الاعضاء في قصصنا XD

اقتباس:

---

لووووول كنت أسويها على أخواتي الصغار لمن يلعبوا في الحوش بس من دون اللحمة :09:

---

ايابااااااااا والله اني فنانه XD ساعات احساسي يكون في محله
سبحان الله ^^

----------------------

اقتباس:

---

أفا من بدايتها مشاكل لسة ماتزوجت :09:
أقول لعيالي الأن ( محمد و يامي وكينج ) يالله روحوا ناموا الأن :silly:

---

ههههههههههههههه هاي هواش محبه XD
ان شاء الله يبا بس اخلص اكلي وبرقد <<< جريمه ابشع لانها تاكل نص الليل XD

اقتباس:

---

يالله الجزء الثاني بسرعة أبغى أشوف إيش صار :)
يعطيكم العافية أخواتي على القصة

---

الله يعافيك ويسلمك ^^

------------

iL Capitano

اقتباس:

---

هههههههههههههههههه

حلوه القصه تضحك

اهم شيء الرسمه هذه XD

http://i1080.photobucket.com/albums/...iro15/yami.jpg

تذكرني بحبيبة هاريما بسكول رمبل XD

بس مو متخيل هيكاري تكلم باللهجه اللي حاطتها تكلم فيها XD

ننتظر التكملة :D

---

ههههههههههه هاي التعبير دليل التفهي XD
خخخ احاول تكون عيايزيه اللهجه قد ماقدر ^^

شكرا لكل من قرا القصه ^^