ما ادري هالجدول يناسبني لانقاص الوزن ؟؟؟

السلام عليكم ورحمة الله وبركاته

احب اهنئكم ع هذا القسم المتميز بوجود مدربين وكباتن اكفاء
الله يعافيكم عندي بعض الاستفسارات واتمنى ان تفيدوني فيها

اولا معلوماتي

الوزن 95
الطول 175
العمر 30 سنه

بدأت الرغبة والحماس معي في انقاص الوزن من 3 اسابيع وانا بدأت التمارين من تلك الفتره ولكن بدون جدول معين
واتمنى الآن ان اوصل لوزني الطبيعي والصحي والى الحين لم اوزن نفسي .

حبيت ان اطرح لكم جدولي الغذائي وجدول التمارين اللي بأبدأ فيها مع بدايتي معكم

وياريت من خبرتكم تفيدوني اكثر ( ومنكم نستفيد )

الجدول الغذائي

الفطور : الساعة 7 صباحا حبتين بياض بيض + سلطة خيار وطمام + حليب قليل الدسم

بين الفطور والغدا : قهوة او شاي اخضر >> بحكم العمل ما اقدر اطلع

الغدا : الساعة 1 او 1ونص بعد الظهر : سلطه خظراء + فاصوليا مغليه + قطعة سمك او صدر دجاج بدون جلد

العشاء : احيانا زبادي منزوع الدسم وخيار او تفحاة واحدة


جدول التمارين

السبت : كارديو 45 دقيقه + سباحة

الاحد : تمارين سويديه

الاثنين : راحه

الثلاثاء : كارديو + تمارين بطن وخواصر

الاربعاء : حديد + سباحة

الخميس : كاريديو 45 دقيقه + تمارين بطن

الجمعة : راحة


اتمنى من عنده اقتراح او تعديل ع النظام الغذائي و جدول التمارين ان يفيدني

وعليكم السلام

بعد التعديل

الفطور : الساعة 7 صباحا حبتين بياض بيض + 5 ملاعق شوفان + حليب قليل الدسم + سكوب بروتين

بين الفطور والغدا : قهوة او شاي اخضر >> بحكم العمل ما اقدر اطلع ... شاي الاخضر افضل

الغدا : الساعة 1 او 1ونص بعد الظهر : سلطه خظراء + فاصوليا مغليه + قطعة سمك او صدر دجاج بدون جلد

قبل التمرين : سكوب بروتين

العشاء : 250 جرام صدر دجاج او تونة خالي الدهن + سلطة

بالتوفيق

الله يعطيك العافية ماقصرت

وين الكباتن يعطونا جدول اذا كان هالجدول ما يناسب

انا اشوف الافضل
السبت كاورديو + سباحه
الاحد سويدي اتوقع ان كلاسات السويدي يركزون فيها على البطن اذا لا ضيف بطن
الاثنين راحه
الثلاثاء كورديو + سباحه
الاربعاء حديد + بطن
الخميس كورديو + سباحه

هذا بس اعاده ترتيب لجدولك اذا كنت مرتاح له
وانا عن نفسي اعتبر السباحه كورديو وامارسها ايام الكورديو لمدة ٢٠-٣٠ دقيقه
انا اشوف الافضل انك تسوي ٢٠ دقيقه سير او اي جهاز تفضله بعدين تسبح ٢٥-٣٠ دقيقه
واذا كنت متمرس بالسباحه عطني خبر واضبطلك جدول يناسبك في ايام السباحه ،،

ولا يفضل انك تلعب حديد وسباحه بنفس اليوم لانك راح تبذل مجهود عالي في مقاومة الماء
*

الله يعطيك العافية اخوي راشد
حلو الجدول وبالنسبة للسباحة انا متمرس وبقوة
انتظرك خيو

اوكي شي جميل كذا تعتبر ان السباحه هي الكاورديو
لان راح يكون من السهل عليك التحكم بقوتك بالمسبح
اذا كانت لياقتك زيرو ابد شوي شوي يعني اذا كنت ما تسوي في المسبح الا ٤٠٠ او ٦٠٠ متر اتوق بتخلصهم بالكثير بعشرين دقيقه او بالقليل ١٠ دقايق
انا اشوف انك تسبح ٦٠٠ حره و٤٠٠ متنوع و ٢٠٠ حره طويل حلو ككورديو
انا افضل اسبح كيلو وفي نهاية كل ميه اسبحها فراشه
يعني ٧٥ متر حره + ٢٥ متر فراشه
اشوفها مره حلوه لانه تنشط بالمسبح وترفع لمستوى اللياقه
عاد اذا كنت سباح راح تعرف تسويلك جدول لنفسك ويناسبك

احس كلامي مخرط فاذا في شي ما فهمته مني عطني خبر ،،

الله يعطيك العافية وقواك الله
المسبح هو 10 م
وكلامك مفهوم وان شاء الله الانضباط
ما قصرت خيو وجعلها الله في ميزان حسناتك

>> متحمس اطلع من الدوام الحين وعلى المسبح ^_^

اشكرك مره اخرى
ولك مني كل احترام وتقدير

اما ١٠ متر الله يعينك بيدوخك اجل

وعليكم السلام

اخي انا اشوف ان يوم واحد حديد بالاسبوع مايفيدك بشي
انت اختار يا تلعب حديد صح او فقط كارديو
اقل شي ممكن تلعب فيه حديد 3 ايام بالاسبوع

وانا ابي اعرف اليوم اللي انت خصصته للحديد شنو نوع التمارين اللي تلعبها
هل هي صدر او باي او تراي او ظهر اكتاف ارجل شنو بالضبط
او مثلاً المدرب وضع لك جدول بحيث تلعب اسبوع امامي والاسبوع اللي بعده خلفي
او تلعب كل اسبوع يوم واحد حديد شامل مثلاً

على العموم
انا من وجهت نظري اذا كنت ماتقدر تجمع بين الاثنين كارديو وحديد
ركز على الكارديو فقط

او اتبع هذا الجدول

السبت: سويدي + حديد
الاحد: 45 دقيقة كارديو + سباحه
الاثنين: راحه
الثلاثاء: سويدي + حديد
الاربعاء: حديد + 45 دقيقة كارديو
الخميس: سويدي + 45 دقيقة كارديو
الجمعة: راحه

بخصوص تمارين البطن مع ايام السويدي
احيانا المدرب اثناء التمارين السويديه يطلب منكم عمل تمارين بطن
واذا ماطلب منكم تمارين بطن تقدر تلعبها اخر شي قبل لا تمشي

انا من وجهت نظري ما احب اعتمد على الايام واقصد
ان احدد كل يوم له تمرين خاص
مثلاً السبت لازم التمرين الفلاني
بالطريقه هذي لو حصل لك ظرف ولم تذهب للتمرين تكسر بالجدول وتحتار
واحيانا تطوف التمرين نفسه
ولذالك انصح بأن تلعب بطريقة اليوم الاول - اليوم الثاني
وليس
يوم السبت - يوم الاحد

اتمنى اكون واضح بكلامي

يسلمو اخوي

SportsMan

بالنسبة للحديد ما عندي مشكله لو كان 3 ايام بالاسبوع
انا لسه ما حضرت حصة حديد الا مرتين او ثلاث وكلها تمارين صدر واكتاف وباي وتراي
وكل تمرين على 3 مجموعات وكل مجموعة 15 اوزان متوسطه لدرجة ان المجموعة الثالثه يللا اوصل للعدد 15

الله يعطيك العافية وياريت اعرف تمارين الحديد اكثر >> اصلي ماعندي خبره في تمارين الحديد

وشكرا

وسؤال اخير : هل اقدر استخدم اي مكملات لحرق الدهون ؟ واذا كان نعم ايش المكمل اللي يناسبني

انت حاول تمشي على الجدول اللي وضعته لك
وبخصوص نوع التمارين الامر بسيط
يوم الحديد الاول اللي بالجدول صدر + باي
اليوم الثاني ظهر وتراي
اليوم الثالث اكتاف + مثلثات

وطبعاً عشان تعرف التمارين بلغ المدرب ان اليوم تمرينك مثلاً صدر وباي
والمدرب راح يوجهك على التمارين وبما انك مبتدئ اعتمد على المدرب

بخصوص مكمل حرق الدهون انا ماجربت الا اوكسي اليت ولمدة شهر فا ماقدر احكم عليه
لكن الشباب يمدحون فيه كثيراً

http://www.ussaleprice.com/images/OxyElite-Pro.jpg

الاستخدام
قبل الافطار بنصف ساعه حبه + بعد 6 - 8 ساعات حبه
بعد 4 ايام
قبل الافطار حبتين + بعد 6 - 8 ساعات حبه

الله يعطيك العافية وماقصرت والله
الله يجزاك خير

وبمشي ع الجدول ان شاء الله والله يكتب لنا ولك الاجر

الله يعافيك اخوي
وإياك ان شاء الله
بالتوفيق