عرض للطباعة
السلام عليكم اخواني
سبق وكان لي موضوع طرحته وماقصرو الاخوان في
المنتدى بالنصيحه الكافيه من الاخ حمد ولا قصور في الموجودين
قبل ادخل النادي
الطول 160
الوزن 60 تقريبا
نسبه الدهون 20٪
بعد ثلاثه اسابيع بالضبط
الطول 160
الوزن 56،5
نسبه الدهون 17٪
كنت استخدم حارق اول اسبوع ونصحني الاخ حمد بتوقيفه واسمريت الاسبوعين الثانيه بدون حارق
الان باقي عندي الافخاذ والارداف مضايقتني حيييل
اتمنى من الاخوان المساعده في الحل
وياليت ترتبولي كورس مكملات وحارق دهون جيد مع برنامج غذائي
استنا نصائحكم
وعليكم السلام ،،
ما شاء الله تبارك الله ،، نزولك مره حلو
وبما انك ما كملة شهرين ما تحتاج حوارق ووجع راس يمديك توصل للوزن اللي تبغاه بدونهم
بس استمر بالرياضه والأكل الصحي والنوم الصحي 7 -8 ساعات ليلا
الأكل يكون 5 - 6 وجبات
ترتكز على البروتين طوال اليوم
وتركز على الكربوهيدرات المعقدة لكن مع تدرج الي الليل يعني يصير العشى بدون كربو هيدرات
البروتين تحصلة بالحليب والبيض واللحم وصدور الدجاج و السمك والتونا
الكارب :
الخبز البر ، كورن فليكس شوفي رشاقتك ، شوفان ، رز بر ، مكرونه بر ، الخضار
أبعد عن السكر العصيرات وبعد عن الملح والرز الابيض والخبز الابيض ، وابعد عن الفواكة حاول تقطعها فترة فيها سكر كثير
الدهون خليها تجيك من المصادر البروتينيه واكتفي فيها مثل اللحم والدجاج والسمك يعني لا تمتنع عن اللحم عشان مليان دهون كله وتوكل على الله
تقدر تشرب لبن كامل الدسم بس لا تكثر
وزيد حبوب زيت السمك مصدر حلو للدهون المفيدة ويلين المفاصل وله فوائد صحية كثيره ،،
صح نسيت أقولك حاجه بعد لا تنسى تدخل الشاي الأخضر خذلك ثلاث كاسات كان ينصحني فيهم المدرب بس ما كنت أشرب
بس الكل ينصح فيهم ،، انت وبراحتك شوف يناسبك ولا لا
اهلين بالغالي راشد مانسيت نصايحك بموضوعي السابق وفادتني
لاكن من ناحيت الحوارق سبب نزول الدهون عندي كان من الخارق كلين باترول اللي
استخدمته اول اسبوع ووقفته من بعد نصايحكم انت والاخ حمد وباقي الاعضاء
بالاسابيع الثانيه مالاحضت فرق في الدهون كانت ثابته والنزول كان بالوزن وليس بالدهون
لان حاولت وتعبت جسمي مايفقد الدهون بسهوله وبالاحرى مناطق الدهون شوي صعبه
فياليت لو تعرفون حارق قوى للمناطق المذكوره
وتفضل بعض الشباب بالنادي وقالولي استخدم اوكسي اليت او انيمال كت
والله احس اني ضايع بالطوشه
فياريت اللي مر بنفس المشكله او عنده خلفيه يفيدني
هلا بك اخوي
انا بحاول أفيدك قد ما أقدر من تجربتي ،،
انا وزني جلس ثابت ممكن لمدة 4 شهور او حولها
عانيت معاه حتى حاولت اضخم واخذت بروتين وزدت فات 2 كيلو زيادة ،،
الين حصلت هالجدول
http://www.montada.com/showthread.php?t=706439
وطبقته وبدأ وزني ينزل حبة حبة والحمدلله من 74 الي 69 شي جميل من بعد مرحلة الركود
وانا استخدمت قبل البرنامج هذا ،، حارق دهون وهو الكرنتين ،، استخدمته مرتين والي الان بصراحه مو مقتنع بفاعليته
بس احب استخدمه لانه يمدني ببعض الطاقه من الفات ويحافظ على الكتلة العضلية وقت التنشيف
ومع الجدول الجديد صرت استخدم معاه الشاي الاخضر
وتوني زايد عليه الكافين ،،
لو تبي تجربهم وتشوف انت وحظك ،، انا اقولك من الحين ما راح يشتغلون مثل الانميل كت وكذا
بس لي اسبابي اللي تمنعني منهم ،، ولا اقدر افتي فيهم من دون ما اجرب ،،
وغير هذيلا ،، افضل عامل لحرق الدهون الكورديو حاول تمارسها كل يوم وتجزئها نهار وليل كل وحده من 20 - 30 دقيقه
أو أستخدم الـ HIIT اتوقع بيفيدك في مرحلتك لانه بيكسر الروتين وبيفاجأ الجسم ،،
يعطبك العافيه راشد ماقصر وربي يجزتك الخير
بحاول مع اني اضن اني ما بقدر لضيق الوقت
اشكرك علا تجاوبك تعودنا منك وتراني متااااابع لردودك ومواضيعك
ومن المعجبين بخبرتك
بس تمنيت يشاركون بقيه الاخوان
في طرح المشاركات
الله يعافيك أخوي ،،
والعفو ،، وتشرفني متابعتكـ ،، يالغالي ،،
وان شاء الله يفيدونك باقي الأعضاء ،،
عدد المشاهدات ٤١
وردود ١
!!!
للرفع
نحتاج نصايحكم
للرفع
اتمنى ارأكم ياكباتن