اين اجد المكملات الجيدة ؟

مسسساء الخير ..

كيفكم يالغالين ,, انا بالسعودية وتحديدا الشرقية ابي اشتري مكلمات معينة وين القاها الــ GNC يعل القلب سعر غالي وانواع محددة جدا ..
ممكن تدلوني علما اني ابي :

الواي بروتين زيرو فات <~ وش المناسب طعما وكم سعرة وايش النكهات الموجودة وين احصلة ؟

الاحماض الامينية <~ اي افضل امينو 2222 ولا 10000 ولا اي نوع انسب واي شركة وكم سعرة وين احصلة ؟

مولتي فيتايمين <~ اي نوع انسب وهذا اتوقع اسهل شي لانه من الصيدلية

حارق الدهون الاوكسي اليت <~ وين احصلة وهل في افضل منه وكم سعرة ؟

وهل تنصحوني بمكمل للبور ؟

ادري طولت عليكم بس انتم كرماء بعطائكم وانا استاهل :09:
الله يجزاكم خير مقدما

اخوي تقدر تدز البحرين <<< اذا تقدر قولي بوصيك على حاجات :D

دامك بالشرقيه اطلع البحرين واشتريها بنفسك ،، أفضل لك ،،

هلا وغلا فيك منور راشد ,,

اقدر ادز للبحرين بس مدري عن الاوضاع هالايام لكن بس تهدا الاوضاع بطلع اكيد ..

بس ياخي البحرين ماقد شريت من هناك ومدري عن وضع الجمرك ؟

اللي اعرفه لا تكثر وجيب لنفسك بس واذا كنت متخوف في عندك الشباب اللي هنا ما راح يقصرون معكـ ،،

وش المحلات الي تنصح فيهآ هناك ؟
لاني على ما اسمع ان بيت الطاقة يخوووف .. بضايع رايحه فيهآ <~ على حد سمعي ..

وبعدين اذا عندك خبرة علمني وش الاحسن بالنسبة للبروتين والامينو وحارق الدهون والملتي فيتامين لاهنت ..

يارجل عندك في الشرقيه شباب منهم الموجود فقسم البيع ....او انقز للبحرين اذا ودك تاخذ كميه تكفيك عدة اشهر.

طيب وين بالبحرين ؟
والسوال الثاني هل يسمح بدخولهآ من الجمرك ؟

وفي سؤال اي انواع البروتين الزيروا فات كويس ؟ وطعمة زين للي جربوا ؟
والاميرنو وش الاحسن 2222 ولا 10000
انتم دقرتوا على اني بالشرقية طيب ابي باقي المعلومات للي عنده خبرة يفيدنا ,,
مابي اروح للمحل يقول اخذ ذا واخذ ذا ويمشي بضاعته علي <~ اتمنى فهمتوا فكرتي

اقتباس:

---

طيب وين بالبحرين ؟
والسوال الثاني هل يسمح بدخولهآ من الجمرك ؟

---

الشباب يمدحوا محل اسمه بغ مسل

اقتباس:

---

وفي سؤال اي انواع البروتين الزيروا فات كويس ؟ وطعمة زين للي جربوا ؟

---

اذا الواي لاتفكر بغير نكهة ديليشس ستروبري فقط
وعندك ايزو100 ممتاز ايضا نكهة الكاكاو

اقتباس:

---

والاميرنو وش الاحسن 2222 ولا 10000

---

ال10000 او الامينوتك او BCAA

اقتباس:

---

انتم دقرتوا على اني بالشرقية طيب ابي باقي المعلومات للي عنده خبرة يفيدنا ,,
مابي اروح للمحل يقول اخذ ذا واخذ ذا ويمشي بضاعته علي <~ اتمنى فهمتوا فكرتي

---

انت لاتقله وش تنصحني قله ودي بالمنتج الفلاني واذا قلك هذا افضل منه لاتستمع للبائع

بخصوص دخولها من الجمرك مااضمن لك لكن فيه شباب دايم يروحون البحرين , احيانا موظف الجمارك ياخذ منك مبلغ ليدخل بضاعتك حسب ماسمعت ..

او اذا تعرفلك احد في الجمارك يضبط وضعك يكون افضل

تسسسلم ياكابتن ,,
وشاكر لك تفاعلك وياي وصبرك علي ..

عندك الشباب بالمنتدى عندهم كل شي تقريبا وسعرهم حلو وبضاعه مضمونة
عندك ذا روك أيمن الهاشمي أبو مالك ما عليهم كلام ابدا ادخل وشوف كل صفحات مشاركتهم ما قد احد اشتكى من بضاعه ابدا وكلها 10 ريال وبضاعتك عندك