استفسار عن مكمل حرق الدهون وتأثيره علي

السلام عليكم ورحمة الله وبركاته


عساكم طيبين ومرتاحين


ان شاء الله دووم


انا كان لي سابقاً موضوع عن استساري حول النايتركس وجاوبوا الشباب جزاهم الله خير وماقصروا


لكن هالمرة عندي استفسار آخر ، وحاب آخذ رأي اهل الخبرة يعطيهم العافية ..ٍ~


انا مثل ماذكرت انه عمري 18
ووزني 70

ودهوني يمكن 12 أو 13

هالمرة انا حاب أستفسر عن اذا بستخدم مكمل حارق للدهون ، هل له تأثير علي

علما ً بأنه أبد مافيني دهون

لكن أريد جسمي ينشف ويتحدد بشكل فظيع ..ٍ~

فهل من هناك تأثير علي ، او تنصحوني اني ما أشتريه ..ٍ~

ف ألحين ألتمس منكم الخبرة ، واتمنى من حظراتكم الاجابة عن سؤالي لو مابكلف عليكم حبايبي ..ٍ~

وانا آسف على الاطالة ، وأي سؤال انا حاظر .ٍ~

اول حاجه ضخم جسمك

بعدين سو تنشيف انت مو بحاجه حارق ابد
لكن بعد التضخيم استخدم انيمال كت

أخي أشكرك على ردك ، انا انتهيت من هالموضوع أخي ، العضل موجود جزاك الله خير

لكن اريد أصبح مثل اللي فالصورة ..ٍ~


شفت أخي الكريم الصورة اللي جاطهاا ، نفس كذاا

وعليكم السلام ورحمة الله وبركاته



قبل اسبوع تقريبا كان عمرك 20 ووزنك 75 ..شلون صرت الحين 18 !
http://www.montada.com/showthread.ph...677&highlight=

يظهر من بعض المعلومات انك عضو سابق عندنا ولاداعي لذكر الاسم ...

عموما عند طرح المواضيع يليت نلتزم بالمصداقيه لانك انت المتضرر

اخوي بو منصور انا لاحظت بعض الأعضاء ما يعطي العمر الصحيح له علشان ما حد يقوله لاتاخذ حارق او هرومون او محفز وطبعا من باب الأمانة الشباب تمتنع عن اعاطاء اي معلومة بخصوص شخص طلب انه ياخذ الهررمون او الحارق خوفا منهم عليه وعلى صحته ولكن للأسف البعض يكون خلالالالاص مقتنع وملزم يبي ياخذ ووقتها يضطر يعطي عمر غير صحيح

ما تدري وش يستفيد المشكله انه داري انه يقص على روحه ،،

انا من الاساس ما اشوف للحارق داعي الا في الحالات المستعصيه ،،
لان يجيك واحد ياكل ويدب بالاكل ولا يلعب رياضه ويقول لازم اخذ حارق
اذا اخذ حارق لازم اقلل اكل ،، اذا قلل اكل لازم العب حديد اذا لعب حديد يقول لازم العب كورديو
وبكذا صار على دايت ويلعب رياضه يعني الحارق ما سوى شي ،،

بس في ناس تحسبه حلاو ،، ما يدرون ان عندهم غدد وجسم في ذمتهم ،،
اتمنى ان كلامي ما يكون ثقيل ،، بس هذه وجهة نظري ،،

اقتباس:

---

المشاركة الأصلية كتبت بواسطة abu kinan

اخوي بو منصور انا لاحظت بعض الأعضاء ما يعطي العمر الصحيح له علشان ما حد يقوله لاتاخذ حارق او هرومون او محفز وطبعا من باب الأمانة الشباب تمتنع عن اعاطاء اي معلومة بخصوص شخص طلب انه ياخذ الهررمون او الحارق خوفا منهم عليه وعلى صحته ولكن للأسف البعض يكون خلالالالاص مقتنع وملزم يبي ياخذ ووقتها يضطر يعطي عمر غير صحيح

---

نعم صحيح جايز لكن نادرا ماتحصل لانه نصب على روحه كذا..



الوضع هنا مختلف لاني اعرف العضويات السابقه جيدا ومسجل بيانات لها..


عموما الموضوع يغلق