HIIT حلك الامثل للاستيعاب والحفظ في الاختبارات من تجربتي الشخصيه

بسم الله الرحمن الرحيم

الحمدلله والصلاة والسلام على رسول الله صلى الله عليه وسلم

انا الناعسي طالب جامعي وداخل على السنه الرابعه والاخير لي في الجامعه ولله الحمد

على مر السنوات الثلاث اللي راحت ما كنت اقدر استوعب الماده في الاختبارات النهائيه خصوصا الا بعد يوم او يومين او اكثر من المذاكره المستمره يعني استيعاب كامل احصل منه على الدرجه الكامله من فضل ربي

لكن في الاسبوعين اللي راحت بدأت في رياضة الـ HIIT في الجري مسافة 2 كيلو , وبعدها كنت اقرا المعلومه مره ولا احتاج لقرائتها ثاني مره ومشيت في المواد والحمدلله كانت النتيجه ولا احلى والدليل اختباري اليوم من فضل ربي حليت فيه باحسن ما يمكن .

واساسا الرياضه بشكل عام مثبت علميا انها تحسن القدرات العقليه من سرعه بديهه الى قوة تركيز الخ ...

وختاما ,
اشكر الله اللي هداني لهذا المنتدى اللي تعلمت من الكثير واللي الحمدلله صارت لي تجربه منه يقدر يستفيد منها الكثير .

شكرا لكم والسلام عليكم ورحمة الله وبركاته

ما شاء الله عليك ،، والله بطل ،،
انا بصراحه مثلك ما اقدر استغنى عن الرياضه حتى وقت الاختبارات ،،
والحمدلله الواحد يحس براحه نفسيه وينشرح صدره للمذاكره ،،

مشكور لطرحك لتجربتك يا بطل ،،
والله يوفقك باختباراتك وتطلع بالنتيجه اللي تسرك ،،

ماشاء الله ان شاالله من حسن الى احسن

البعض للاسف يتعلل بترك الرياضه فترة الامتحانات ولو تفحصت برنامجه اليومي لوجدت الوقت الفعلي لمذاكرته مايتعدى الثلاث ساعات
وباقي اليوم !


والله يوفقنا واياك والجميع لما يحبه ويرضاه

الله يوفقكم باختباراتكم
وجزاك الله خير على نقل التجربة

ما شاء الله عليك

البعض يجلس في الجيم بدل الساعة ساعتين أهم شيء يستنزف الوقت في ايام الاختبارات

وتزين عند البعض قراءة الجرايد.

المهم عمر ساعة الرياضة ما كانت عقبة في طريق النجاح بل هي تمهده..

الله يجزاك خير على هالمعلومه معلومه بوقته :)

والله فعلا ان الرياضه للي يعشقه تصبح اهم من كل شي
انظم وقتي كله باليوم عشان ازين وقت للنادي ايام الدراسة من جامعه ومعهد واشغال العصر مع الاهل بس لازم اروح :)
والحين والله اختبارات وماسكن هالكتاب لاجا حزت الرياضه قمزت


الله يووفق الجميع يارب بالدنيا والاخرة

عن نفسي حتى في الاختبارات وقت الراحة أروح النادي ولا أتعدى حدود الساعة أتمرن وارجع واكون مغير جوا ومبسوط والحمدلله على كل حالة والله يوفق الجميع

يعطيك الف عافيه على الحماس الرائع وشد حيلك في الاختبارات وما نقول الا الله يوفقنا (العقل السليم في الجسم السليم)

الله يوفقك في دراستك و في دنياك و أخراك

فعلا الرياضة تحسن المزاج و الحفظ و الفهم
و أصلا ما يزين اللعب إلا في وقت الاختبارات حتى سبحان الله برنامج المملكة هذا الصباح في الاختبارات يصير شيق جدا << من الفضاوة

سبحان الله ....
ما شاء الله عليك ,,الله يوفقك ...
الرياضة مفيدة في كل شيء

ماشاء الله تبارك الله

شكرا لك لنقل تجربتك المفيدة
و ألف مبروك لدرجاتك في الاختبارات و عقبالنا يا رب

تسلم حبيبي ع الموضوع
موضوع في قمة الروعة

ومثل ما قالو .. العقل السليم في الجسم السليم