إستفسار عن مكمل غذائي HMB

،




السلام عليكم ورحمة الله وبركاته ..


أنا تمرنت فترة ٥ شهور تقريباً ، وأكتسبت كمية عضل ممتازة ..
اخذت كورسين مكملات ..

و إنقطعت فترة حول الشهرين ..
والحين بديت ثانية قبل ٣ ايام ..


وزني : ٦٦
الطول ١٧١
الدهون : ٢٠٪ تقريباً


حالياً استخدم سيرس ماس + امينو ٢٢٢٢



س / السيرياس ماس خلصت علبتين ٥ كيلو الفترة الماضية ، ونتيجته جداً ممتازة .. هل تنصحوني اغير بعد ما يخلص هذا ؟

س / المكمل اللي بالعنوان ( HMB ) ، وش وظيفته ؟ ينفع مع المكملات اللي استخدمها ؟

ملف مرفق 340537


س / الأمينو كم حبة باليوم ؟ مع العلم اني اول مرة استخدمه وحالياً اخذ ٢ مع الفطور / ١ قبل التمرين / ١ بعده / ٢ مع العشاء ..





هذا جسمي المتواضع :


ملف مرفق 340538

ملف مرفق 340539

ابي نصايحكم يا أهل الخبرة .. منكم نستفيد :p

العمر ٢٠ سنة *

مستحيل الدهون 20% ! أقل بكثير باعتقادي ..
الـ20% صعب جداً يكون فيه ملامح و تقسيم للجسم .. اشوفك اقرب للـ14% ممكن و هذي المنطقة او اقل بقليل حتى ..

عموماً .. الـHMB ما عندي تجربة معاه .. لكن على الاغلب فيه مشتقات خنزيرية تأكد ..
السيريس ماس ما دام نتائجه جيدة لا تغيره .. و ممكن تجرب شيء مثل الـPro Gainer .. True Mass من باب التغيير ..
او حتى الـSuper Mass Gainer ..

و الامينو حدد نوعه الاول .. و عموماً .. مواعيد اخذ الامينو مش مهمة جداً .. الاهم تاخذ جرعتك اليومية .. و افضل فترة لأخذه
قبل و بعد التمرين .. لكن حدد النوع لافضل استخدام ..

اقتباس:

---

المشاركة الأصلية كتبت بواسطة SDal

مستحيل الدهون 20% ! أقل بكثير باعتقادي ..
الـ20% صعب جداً يكون فيه ملامح و تقسيم للجسم .. اشوفك اقرب للـ14% ممكن و هذي المنطقة او اقل بقليل حتى ..

---

انا اعتمدت على الموقع اللي يعطيك النتيجة بعد ادخال الوزن والطول .. يعني نتيجة أي كلام وهذا سبب ارفاق الصورة ..
لكن صدقت في توقعك ما اشوف عندي دهون كثير بالجسم ، لذلك مظهر جسمي ما عجبني حالياً ( عضل مع نحافة ) ..

اقتباس:

---

المشاركة الأصلية كتبت بواسطة SDal

عموماً .. الـHMB ما عندي تجربة معاه .. لكن على الاغلب فيه مشتقات خنزيرية تأكد ..
السيريس ماس ما دام نتائجه جيدة لا تغيره .. و ممكن تجرب شيء مثل الـPro Gainer .. True Mass من باب التغيير ..
او حتى الـSuper Mass Gainer ..

---

إن غيرت البروتين أبي شي فعاليته أقوى حتى لو على حساب زيادة الدهون ما عندي مشكلة ..

ومنتج HMB حصلت فيه مشتقات خنزير ، من موضوع اخونا بو طالب ..
http://www.montada.com/showthread.php?t=673850
الله يجزاك الجنة وياه :o





ياليت نصايحكم بخصوص مكملات إضافية ..
مثل الكرياتين ، إيش فوائده ، وأقدر اضيفه مع الكورس الحالي ؟ وش افضل نوع ؟

اقتباس:

---

انا اعتمدت على الموقع اللي يعطيك النتيجة بعد ادخال الوزن والطول .. يعني نتيجة أي كلام وهذا سبب ارفاق الصورة ..
لكن صدقت في توقعك ما اشوف عندي دهون كثير بالجسم ، لذلك مظهر جسمي ما عجبني حالياً ( عضل مع نحافة ) ..

---

اها استغربت بصراحة لأنه واضح انها اقل بكثير .. يعني لو قلت لي 12% ما راح استغرب ابداً بصراحة ..
على العموم جسمك - ما شاء الله - من النوع الي كثير يتمنوه .. لأنه ما في دهون و وقت التضخيم راح تاخذ راحتك و التنشيف يكون اسهل بكثير من غيرك ..

اقتباس:

---

إن غيرت البروتين أبي شي فعاليته أقوى حتى لو على حساب زيادة الدهون ما عندي مشكلة ..

---

أعلى سعرات ( بالتالي اكثر شيء ممكن يكسبك دهون ) بالبروتينات هم الـSuper Mass Gainer - Dymatize و الـSerious Mass ON
سعراتهم 1100 اكثر بقليل او اقل بقليل .. 1250 ما اذكر .. لكن عندك فئة مثل الـPro Complex Gainer يحتوي على 650 سعرة للسكوب
لكن اشوفه افضل من حيث البروتين, 60 جرام بروتين للسكوب .. و بصراحة ما اشوف مشكلة تجمع البرو جينر مع السيريس ماس ..

اقتباس:

---

مثل الكرياتين ، إيش فوائده ، وأقدر اضيفه مع الكورس الحالي ؟ وش افضل نوع ؟

---

الكرياتين, يزيد امتصاص (( العضلة )) للماء .. و هالشيء يساعد العضلة على النمو و يحسن ادائها بكل شيء, قوة و تحمل و استشفاء ..

افضل انواع ؟ .. عندك خيارات كثيرة لكن بالمختصر, أول خيار الكرياتين مونوهايدريت مايكرونايزد .. و بصراحة ما تفرق الشركة كلها نفس الشيء ..
المهم تتأكد انه Micronized و لو بتاخذه من اوبتيمم او دايماتايز تمام .. مشكلة الكرياتين مونو, الكثير ما يستفيد منه لأنه يستعملوه بشكل غلط, اولاً
المفروض بعد خلطه يشرب مباشرة .. ثانياً ممنوع يشرب مع وسط حمضي تروح فاعليته .. ثالثاً مهم يكون معاه سكر دكستروز لتحسين الامتصاص
و بصراحة وقت ما يمزج بالسكر فعلاً راح تحس بالفرق ..

عندك خيار ثاني لكن ما عندي علم لو كان متاح لك, في منتجات كرياتين الـKre-Alkalyn .. حبوب بالعادة .. الحلو فيها انها مجهزة بوسط قاعدي
حتى ما تتأثر باحماض المعدة و هالشيء يعطيك امتصاص احسن .. انصحك فيه جداً ..

باختصار لو لقيت الكري الكالاين افضل لك .. و لو ما قلت الكرياتين مونو المايكرونايزد ممتاز ..

بصراحة ما قصر حبيبنا SDal بشرحه الوافي ونصائحه..

أنا عندي إضافة بسيطة بالنسبة للمنتج HMB يقولون إنه لحرق الدهون مع مساعدة على بناء العضلات.. مع إنه يحتوي على مشتقات خنازير وغير إنك ماشاء الله جسمك ممتاز ماشاء الله مافيه دهون فما تحتاج له..

ومن وجهة نظري للكورس خذلك بروتين كومبلكس جينر+أمينو2222 تابلس كبسولات+كرياتين+سكر جلوكوز (إذا كان ما عندك مشاكل مع السكر لاقدر الله)
ولو ما حصلت الكومبلكس جينر خذ الدب الروسي 10000 رهيب لأن سمعته ممتازة في زيادة الوزن لكن أنا أفضل الكومبلكس جينر عليه وكنت أبقولك على السيرياس بس الأفضل إنك تغير عشان جسمك ما يتعود عليه.
ولاتنسى أقل شي خمس وجبات في اليوم ثلاثة رئيسية واثنين فرعية
ولاتنسى الراحة
ولو تتدرب يوم وترتاح يوم أفضل للضخامة وزيادة الوزن

تحياتي لك لوودي

،


http://www.montada.com/customavatars/avatar810033_1.gif SDal

http://www.montada.com/customavatars/avatar826894_1.gif LOODY MONSTER



شكراً يا حبايب ما قصرتوا ..

المكملات الي استخدمها طلبتها من www.muscleandstrength.com ووصلتني خلال اقل من اسبوع ..
الموقع خدمته راااائعة جداً واسعاره كذلك ..


لكن الحين احترت بخصوص البروتين ، وإعذرني يا أخوي SDal ما فهمت الفرق بين النوعين الي ذكرت ..

ابي عن النوع هذا من الكرياتين :

ملف مرفق 340754



سمعت انه افضل شي ، لكن لو اخذته ممكن احد يشرح لي طريقة استخدامه مع الكورس الحالي ؟ اقدر اخذه هو والبروتين بوقت واحد ؟
اللي عرفت انه على الريق سكوب ، وبعد او قبل التمرين سكوب بس شرط يكون فيه فترة ٨ ساعات بين السكوبين ..
ولازم تشرب كمية كبيرة من الماء كل يوم ..

العفو... وحاضرين أخوي في أي وقت...

بالنسبة لطريقة إستخدامه كالتالي:

جرعتين باليوم
على الريق اول ماتقوم واحد سكوب مع ماء(150 مل)
الثانيه
واحد سكوب بعد التمرين,شرط تكون مده زمنيه لاتقل عن6-8 ساعات مابين الجرعه الاولى
والثانيه

اقتباس:

---

المشاركة الأصلية كتبت بواسطة LOODY MONSTER

العفو... وحاضرين أخوي في أي وقت...

بالنسبة لطريقة إستخدامه كالتالي:

جرعتين باليوم
على الريق اول ماتقوم واحد سكوب مع ماء(150 مل)
الثانيه
واحد سكوب بعد التمرين,شرط تكون مده زمنيه لاتقل عن6-8 ساعات مابين الجرعه الاولى
والثانيه

---

ذكرت الطريقة بتعليقي الاخير ..
بس استفساري كان عن طريقة استخدامه مع الكورس الحالي !

نفترض اني اخذ الكرياتين الصبح على الريق ، وبعده بشوي فطور .. وبعد ساعتين اخذ البروتين ..
كذا حلو ..

بس السؤال ، بعد التمرين ايهم اخذ ؟ لو اخذت الكرياتين بعد التمرين مباشرة ، ينفع اخذ البروتين بنفس الوقت ؟ او اخلي بينهم فترة ساعة ؟؟


والله يوفقك بإختباراتك ياطيب ..

ما عندي فكرة عن طلبك من Muscle & Strength كان تجربة او انك خلاص جبت المكملات و اعتمدتها ..

على العموم لو كان مجرد طلب تجربة و بتجربه مرة ثانية .. انصحك بهذي المجموعة :
http://www.muscleandstrength.com/store/cytogainer.html
أو
http://www.muscleandstrength.com/sto...ex-gainer.html
أو الاثنين معاً ما في مشاكل .. اولاً و اخيراً بروتين راح تستعمله ..

+

http://www.muscleandstrength.com/sto...nge-triad.html

+

http://www.muscleandstrength.com/store/c-bol.html
أو
http://www.muscleandstrength.com/sto...e-alkalyn.html
واحد منهم فقط

+

http://www.muscleandstrength.com/sto...ion-xtend.html

+

و لو بتحب تخلص نفسك و تشتري كل شيء .. زيد معهم :
http://www.muscleandstrength.com/sto...sation-93.html

و ممكن تزود زيت سمك :
http://www.muscleandstrength.com/sto...-fish-oil.html


بالتوفيق .. و الاهم من مكملاتك جهدك بالنادي و تغذيتك ..

اقتباس:

---

المشاركة الأصلية كتبت بواسطة BASEM 360

ذكرت الطريقة بتعليقي الاخير ..
بس استفساري كان عن طريقة استخدامه مع الكورس الحالي !

نفترض اني اخذ الكرياتين الصبح على الريق ، وبعده بشوي فطور .. وبعد ساعتين اخذ البروتين ..
كذا حلو ..

بس السؤال ، بعد التمرين ايهم اخذ ؟ لو اخذت الكرياتين بعد التمرين مباشرة ، ينفع اخذ البروتين بنفس الوقت ؟ او اخلي بينهم فترة ساعة ؟؟


والله يوفقك بإختباراتك ياطيب ..

---

لا لا البروتين مهم بعد التمرين
لا ما في مانع تخلطهم مع بعض بس الأفضل من رأي إنك تشرب البروتين أول ويكون مع مويه وبعدها كل الكرياتين

ويوفقك يارب
وخذ راحتك يالغالي
تحياتي لوودي

السلام عليكم . اخي انا شفت صور جسمك الله ابارك انت لازم تاخد الامينو والتروماس والكرياتن ادا كنت تريد ضخامة لان جسمك مقسم يلزمشوية دهون علاش يمتلئ .طريقة الاستعمال الكرياتين 20جرام في اليوم لمدة تلات ايام بعدها 5جرام في اليوم قبل التدريب بنصف ساعة وايام الراحة قبل النوم لمدة 6 اسابيع وتحبس لمدة 2ال 3 اسابيع وبعد تستعمل بنفس الطريقة متنساش شرب الماء بكترة على مدار اليوم واتناء التمرين اشرب حتى3 لتر من الماء. استعمال التروماس سكوب في الصباح لما بتستيقض وسكوب بعد التمرين مباشرة وسكوب قبل النوم وفي ايام الراحة .الامينو 2حبات قبل التمرين و2 بعد التمرين و2 قيل النوم وممكن تخليهم 3 الى 4 في كل فترة ايم الراحة قسم 6الى 9 حبات على مدار اليوم وسط كل وجبة 2 الى 3 حبات .ومتنساش التدريب باوزان تقيلة واستراحة قليلة بين المجموعات من 30الى 45 تانية وتتمرن ما بين 45الى 60دقيقة بالاكتر ومتتعداش 4 حصص بالاسبوع والنوم 8ساعات بالليل والتغدية السليمة واكتر من اكل البطاطا المسلوقة والارز وبالتوفيق

اقتباس:

---

المشاركة الأصلية كتبت بواسطة KAMAL8288

السلام عليكم . اخي انا شفت صور جسمك الله ابارك انت لازم تاخد الامينو والتروماس والكرياتن ادا كنت تريد ضخامة لان جسمك مقسم يلزمشوية دهون علاش يمتلئ .طريقة الاستعمال الكرياتين 20جرام في اليوم لمدة تلات ايام بعدها 5جرام في اليوم قبل التدريب بنصف ساعة وايام الراحة قبل النوم لمدة 6 اسابيع وتحبس لمدة 2ال 3 اسابيع وبعد تستعمل بنفس الطريقة متنساش شرب الماء بكترة على مدار اليوم واتناء التمرين اشرب حتى3 لتر من الماء. استعمال التروماس سكوب في الصباح لما بتستيقض وسكوب بعد التمرين مباشرة وسكوب قبل النوم وفي ايام الراحة .الامينو 2حبات قبل التمرين و2 بعد التمرين و2 قيل النوم وممكن تخليهم 3 الى 4 في كل فترة ايم الراحة قسم 6الى 9 حبات على مدار اليوم وسط كل وجبة 2 الى 3 حبات .ومتنساش التدريب باوزان تقيلة واستراحة قليلة بين المجموعات من 30الى 45 تانية وتتمرن ما بين 45الى 60دقيقة بالاكتر ومتتعداش 4 حصص بالاسبوع والنوم 8ساعات بالليل والتغدية السليمة واكتر من اكل البطاطا المسلوقة والارز وبالتوفيق

---

الله يرضى عليك ممنوع رفع المواضيع القديمة ...لوودي