عرض للطباعة
السلآم عليكم ورحمة الله وبركـآته
شخباركم
ان شاء الله تمام
أخواني الله يسعدكم هاذا أخوي يبي يشد جسمه يعني يبيه ( فتنس )
فـ أستشارني فقلت مالي الا أخواني في منتدى المنتدى الله يسعدكم جميع
لأنكم أفدتوني قبل كذا كثير المهم ماطول عليكم أخش بالتفاصيل ،،
#- معلومـآت :
العمر / 23
الطول / 170
الوزن / 65
الجنس / ذكر
# - صوره لجسمه :
http://www.m5zn.com/uploads/2011/6/1...tby4ccr4sb.jpg
ياليت تفيدوني يا أخواني بالنسبه للرجيم اللي يستخدمه والمكملات والآشياء هاذي
بإنتظار أجوبتكم فديتكم
ودي
:)
أخوكـ الظاهر انه عنده نسبة دهون عاليه ،،
وماله في الرياضه توه جديد ،،
مافي مشكله ،، بس أبعده عن المكملات ،،
خله يتمرن كبدايه ثلاث ايام حديد ،،
وأربع ايام كورديو الي خمس ،،
ويومين ريست ،،
السبت حديد
الاحد كورديو
الاثنين راحه
الثلاثاء حديد + كورديو
الاربعاء كورديو
الخميس حديد + كورديو
الجمعه راحه
الحديد اما يكون بالنظام الدائري " سيركيت " أو يوم علوي ويوم سفلي ويكمل فيصير اسبوع يلعب مرتين سفلي واسبوع مرتين علوي
من راي خله يبدأ اول أسبوعين على سيركيت خفيف من تكرارين ومكون من 3 - اربع تمارين ،، وبعدين يدخل سفلي وعلوي ،،
وينظم الأكل ،، أكيد أنت عندكـ خبره بالأكل ،،
5 - 6 وجبات ،،
الكارب فترة ما قبل التمرين ،،
بروتين طول اليوم ،،
وبعد شهررين او شهر ونص يبدأ يغير جدوله إلى اربع ايام حديد مع خمسه كورديو ويومين ريست ،،
وان شاء الله اكون افدتكـ ،،
الله يسعدك ويعطيك ألف عـآفيه
بالنسبه للرياضه ابدددن ماله فيها
بس بالنسبه للتمارين العلويه والسفليه ممكن تعطيني اياها بالتفصيل
تسلم وماقصرت لبى ـآ قلبكـ
:)
أنا بعطيكـ التمارين الأساسيه والمهمه اللي تقدر تضيف عليها
الرجول : سكوات ، ليق بريس ، ديد ليفت ، طعن ،، أول تمرينين يركزون على الغضله الأماميه وثاني تمرينين يركزون على العضله الخلفيه
ملاحظة: خله يسوي السكوات حق المبتدئين بدامبل او ببار فاضي او يحط خمسه الي 10 كيلو لان يبيله يضبط الفورمه ،، الديد ليفت لا يركز تضيفه بس معلومه لك ،، لانه صعب عليه ويمكن يضره اذا ما ضبط الفورمه ،،
الصدر : البار مستوي ، البار عالي ، الغطس >> لو فيه ماشين دفع وغيره يكون افضل واذا مافي حاول تخليه على السميث مشين عشان التوازن ،،
بالنسبه للغطس ممكن تستخدم جهاز الغطس المساعد واذا مافي استخدم البول اوفر ،،
الظهر: العقله وسيع وضيق وعضيق عكس ،، او السحب بار عالي ،، يفضل العقله ،، وعندك الـ Bent over row ،، ظهر سفلي خله يلعب تركيز وبدون وزن ولا يرفع جزمه كثير وحني عموده الفقري ،،
الاكتاف : الضغط العالي بالدانبل اهم تمرين ،، بعدين تجي الرفرفه الاماميه والجانبيه
التراي : السحب كابل ،، دانبل فوق الراس يد وحده
الباي : تبادل دانبل ،، ايزي بار
في الاسبوع اللي فيه يومين سفلي ،، خله مره يركز على العضله الاماميه ومره على الخلفيه ،، طبعا تقدر تضيف بس هذه الاساس بس لا يكثر اكثر من 4 تمارين كل يوم تدريب
وفي الاسبوع اللي فيه يومين علوي ،، يوم صدر مثل دفع مشين مع تراي سحب مع جهاز أكتاف مع صدر علوي
في المره الثانيه تسويله ،، عقله + بينت اوفر + باي ايزي بار أو جهاز + ظهر سفلي
يفضل تكون التمارين على النظام الدائري ،،
وهذه لك من مجهودي الخاص ،، وان اخطأ فمن الشيطان وان أصابت فمن ربي
الله يسسسعدك يالغلآ وبيض الله وجهك وأشهد أنك ماقصرت فديتك
:)
وياك يا رب ،،
وجهكـ أبيض ،، واذا في حاجه عاقت معكـ ،،
لا تتردد بطرحها ،،