موضة ( تعليم كمال أجسام ) عند بعض الشباب..

كيف الحال؟ :)

بعد غياب عن النادي استمر لمدة شهر بسبب ظروف الإمتحانات النهائية والتحضيرات لها..

طبعا الجسم خامل والعضلات كلها نايمة + أضف الى ذلك ان الأكل ما قصرت معاه ايام الامتحانات..:32:

رحت اليوم للنادي.. وبسم الله دخلت في أول تمرين, شوي ويجي واحد من اللي يتمرنون ويقولي ياكابتن

ممكن جلسة بجلسة؟ قلت مافي مشكلة :)

في هذه الأثناء هو كان واقف جنبي, ويشوف أدائي للتمرين كيف! فجأة.. قال انت تنشف؟ قلت لا والله بس على وشك

قال: لالا أحسنلك كمل ضخامة كم شهر كذا بعدين اذا بغيت تنشف ترى التنشيف كله أسبوع !!!!!!!

أنا من القهر اللي فيني صحت فيه: أسبوووع؟؟؟؟ قال ايه اسبوع ويصير الجسم زي الفل..

طبعاً أنا لا تشوفوني ذاك الوقت.. شوي وانتحر من القهر من الفلسفة اللي في غير مكانها..

واللي قاهرني زود ان الكلام هذا لو جاني من شخص قديم في اللعبة أو على الأقل جسمه كويس

والله ممكن أتقبله.. لكن الشخص هذا لا هذي ولا ذي.. فـ ليش الفلسفة؟

وصراحة المواقف اللي زي كذا صادفتها كثير في النادي..

اذا عندكم مواقف زي كذا .. أتمنى تنورون الموضوع عشان نستفيد..

هههههههههههه
عادي عادي

انا قبل كم يوم كنت اسولف مع واحد بالنادي يقول انه ماشي على برنامج تنشيف
طبعا سالته عن برنامجه الغذائي
وكان برنامج مقبول

بس بعد ما شرحلي البرنامج قالي انه عنده يوم مفتوح كل اسبوع
جيت قلت بنفسي ما شاء الله عليه

وبعدين سالته عن اليوم المفتوح قلتله عطني وجبه مثلا منه :33:

قالي بروستد
طبعا انا وجهي صار كذا :blackeye:

المهم قلتله الله يوفقك ومشيت :silly:

بما انه شخص قديم باللعبة .. فصعب يعتبر كلامه جهل,
فممكن هذي تكون الخطوة الاولى .. و الخطوة الثانية, اسبوع لكن خذ مني كذا و كذا و كذا و اضمنلك باسبوع تصير موديل ..

الشخص مو قديم باللعبه
صاحب الموضوع يقول لو كان قديم باللعبه :)
على العموم اخوي هذا الشخص
اكيد كان ضحية نصائح من عديمي الخبره
وحب ينقلها لك :)

أكره شي أن أقابل شخص في النادي فلسفة زائدة جدا عن اللزوم من قوتها ودي أعطية كف

:jap017::jap017::jap017:
والله تبي تعيش وتشوف تحف، نصائح من ثاني أسبوع ويوجه الشباب ، كأنه صار له سنوات، ويألف تمارين من عنده

ربي يكون بالعون

يا اخي والله هذي الاشكال كثير الله يكفينا شرها

اجل اسمع مني

انا يوم كنت طالع من حمام البخار وعلمك اذا طلعت من البخار يكون الجسم كأنه فيه زيت وتلمع العضلات:biggthump

ومن قرادة حظي المقرود شافني واحد انا ما اعرفه ولكن اعوذ بالله من وجهه كان يحرقني بعيونه حرق ومر اليوم
على خير ... اليوم الي بعده
اول ماشافني جاني بسرعه تقول جالس يستنى من الصبح
وانا جالس اتمرن اكتاف

اول ماجاء قالي

جسمك فاشل
ويقولي تمرينك غلط وشايل وزن خفيف

يقول انا اقدر اشيل كثره مرتين <<<<طيب وش اسوي لك

... انا ساكت ولا تكلمت لكن اقول في قلبي خله يفرق حرته عشان الله يكفينا شره وشر عينه

يوم خلص وحسيت انه ارتاح نفسيا الله يهلكه..... بدأ وقت الزف

اول شئ قلت له اعرفك يالحبيب وشافني خويي وجاء وعلمناه ان ربي حق


المهم بعد كم يوم الغبي وش مسوي

جالس يتمرن باي على الدنابل
ويصارخ وازعاج ومسوي زحمه والشارع فاضي ... وجاء له رجال وخذ الدنبل منه وقاله يا..... الله يكرمكم الدنابل اوزانها تفرق الغبي شايل واحد 15kg وواحد 10kg ولا يدري

وشل شلايله ولاكمل تمرين انا قلت في قلبي احسن الله يفكنا منك ومن حقدك

ومن بعدها ماشفته لاني غيرت وقت التمرين بسببه


اسف على الاطاله
تحياتي

اقول الحل : اشتري سماعات وام بي ثري وعيش حياتك في الجيم ولك مني ان محد يقربك ولاتضيع وقت مع المتفلسفين ... ذكرتني بواحد كان يقولي : تصدق بالله ان ارنولد مااخذ ولاحبة امينو ههههههههههههههههه وش اسويله ذا اذبحه ،، وتحياتي للجميع

هههههههههه
اما ما اخذ ولا حبة امينو

والله ودك تجمع هالاشكال وترتكب فيهم جريمه وترتاح وتريح جيرانكم وتريح الحاره وتريح اهل المدينه وتريح اهل الدوله وتريح الكره الارضيه وووووو ونسيت سكان المريخ بيرتاحون بعد هع هع

تحياتي

الموضوع بسيط جدا وهو آيبود وسماعات وانتهينا وقلة الكلام تزيد التركيز بالتمرين وتحافظ على الجسم حار وتختصر الوقت وعندي قاعده ثانية لو شفت واحد يتمرن غلط 100% ما اكلمه ولا اقول شي لأنه ببساطه هذا ماهو شغلي في مدرب يوجهه وهو مسؤول امام الله عنه في الصاله اذا كان يتمرن صح او غلط ، صحيح المدرب عندنا تشوفه بالمناسبات فقط في الصاله وخصوصا لما يكون احد مسجل جديد يبدي اهتمام فيه علشان يسحب عليه كم مكمل بس بالنهاية هو مدرب الصاله طبعا هذا لو ما جاك اللي يتمرن غلط وأصر على انه تمرينه صح او انه المدرب قاله يتمرن كذا الله المستعان

ههههههههههههههه ضحكني اللي يقول ارنولد ما استخدم ولا حبه امينو

اذكر مرة كنت توني راجع الجيم عقب رمضان يعني شهر مالعبت
اول مابديت شي طبيعي بالعب على الاقل سبوعين اوزان خفيفه
وانا العب إلا ياني واحد يقول لي يالحبيب تر لعبك غلط والمفروض ماتلعب هاللعبه! ومن صجه ينصحني
انا انصدمت قلت يمكن صج لعبي غلط !!!!!
خلاني افكر اقول انا صار لي 5 سنين العب محد كلمني قال لعبي غلط معقووووله
شوي إلا واحد من الجماعه اللي هناك يقول ها عطاك فلسفلته ههههههههه قلت له ليش يقول عور راسنه توه من سبوعين يلعب
يمشي وينصح

طنش تعش تنتعش ......

مدام انك واثق من نفسك اسحب على كل واحد يتميلح عليك في النادي ..


والحمدالله الشباب الله يرضى عليهم هنا مو مقصرين مع احد ..

اقتباس:

---

المشاركة الأصلية كتبت بواسطة saasoo

المهم بعد كم يوم الغبي وش مسوي

جالس يتمرن باي على الدنابل
ويصارخ وازعاج ومسوي زحمه والشارع فاضي ... وجاء له رجال وخذ الدنبل منه وقاله يا.... الله يكرمكم الدنابل اوزانها تفرق الغبي شايل واحد 15kg وواحد 10kg ولا يدري

وشل شلايله ولاكمل تمرين انا قلت في قلبي احسن الله يفكنا منك ومن حقدك

ومن بعدها ماشفته لاني غيرت وقت التمرين بسببه


اسف على الاطاله
تحياتي

---

هههههههههه هاذا و الله موقف محرج
عالعموم حصن نفسك قبل ماتروح النادي و لا يهمك احد .

والله مشكلة الناس هذي فهمها زيرووووو ليه عنده نقص يبغى يعوض هذا النقص عن طريق النصح عشان يكون علاقة صداقه معاك وانه انت على قدمك بالعبة تاخذ نصايح من واحد جديد ماله يومين موهذي الطامة انا قبل فترة وانا العب جاني واحد عيني عليه حااااااااره ما فيه جهاز بالجم ما تمرن فيه قال ترى الوزن خفيف زيده احسن لك طنشته شوي الا مقابلني عند الوضوء عشان الصلاة ويقولي والله الحديد يهدالحيل وانا كاتم ام الضحكة فيني قلت صادق بس خلنا نلحق الركعة لا تفوتنا وقبل كم يوم قاعد اتمرن تراي الا الرجال يجي ويلمسني من خصري واطالع فيه بحقد لانها وانا اتمرن مااحب احديمر بجنبي مررره قلت بنفسي الله يرزقك بوزن عشرين كيلو على اصبع رجلك الصغير عشان تعرف ان الله حق وتتركك من اللقافة ................

يا رب سترك من جد مشكله ذي النــاس ...!!!