استخدام الكرياتين او منتجات البور ارجووووكم

معلومات المتقدم بالاستفسار :
العمر : 28 , الجنس : ذكر

الطول :178 متر
الوزن : 99 كيلوجرام



و الاستفسار كالتالي :
السلام عليكم ...

انا لي 6 اشهر العب حديد ، 3 في البيت و3 في النادي ... استخدم ايزو 100 الصبح 7:30 وفي الليل 11:30 (سكوب مع حليب خالي الدسم)..
وامينو فيول توينلاب ملعقتين بعد التمرين ... واوبتي من واوميغا 3 حبه كل يوم تدريب الصبح...

التمرين عندي الساعه 9 ليلا واخلص تقريبا 11

حيث انه وزني زايد شوي برنامج التغذيه كالتالي :

الافطار : بروتين + الفيتامين والاوميغا
الغداء: نصف دجاجه مشويه + سلطه + رز.
قبل التمرين بساعه : 5 تمر + 1 موز + حليب خالي الدسم + قهوه.
بعد التمرين : بروتين وامينو .

الكارديو 4 مرات بالاسبوع hit جري 1 دقيقه ومشي 1 د (4 - 6 مرات ) يعني كل الكارديو ما ياخذ 10 دقائق.

الحمد لله فيه تحسن بشكل الجسم وظهور عضلات بس مب ذاك الزود او القوه الي كنت اتوقعها بعد 6 اشهر من اللعبه.
اوزان اللعب مب قادر ارفعها كثير وازيد اوزان كل اسبوع . يمكن تاخذ مني اسبوعين او 3 لارفع الوزن شوي.

اتبع برنامج ابو راشد وابن ابوظبي للضخامه.

اخوان تنصحوني شي بالجدول او التغذيه .... وهل تنصحوني اخذ منتج بور عسب ازيد في الاوزان وبالتالي ازيد عضل.
ولا اخذ كرياتين ....

المدرب يقولي تمك على التغذيه بس بدون اي مكملات ... ؟؟؟؟
ارجو المساعده...

وعلييكم السلام.. اهلن

اخوي انا الي فهمته منك انك تضخم ؟
طيب قبل لاتبدا برنامجك التضخيم كم كان وزنك ؟
لان وزنك مبين انه مرتفع بس تاكد من نسبة الدهون اخاف تكون مرتفعه عندك وتتوهق بعدين

وثانيا جدوول تغذيتك معليش خطا وانتحااري صراحه يعني مافيه عندك الا وجبة الغدا الي تسمى وجبه
اخوي اهم شي الفطور اهم وجبه وتكون شامله بروتينات وكارب عندك البيض حليب بالشوفان كورن فلكس والكثير من الاصناف
وبعد كذا اذا انت تفطر الساعه 7 ونص دخل وجبة ثانيه 11 وخليها مثل وجبتك السناك الي هي 5 حبات تمر وكوب حليب وموزه او مكسرات وكوب حليب وبعدين الغدا وقبل التمرين خذلك وجبة بطاطا او ماكرونا مسلوقه وبعد التمرين خذلك اول ماتطلع مباشره خذ المكمل وبعده بنص ساعه خذ علبة تونة مغسله بالماء
ولو تضيف العصيرات قبل او بعد التمرين

انا عطيتك بس مثال فوق لكن يمكن يختلف ويتعدل ويتبدل على حسب هدفك اخي وتاكد بالتضخيم راح تزيد دهون ولو بنسبة بسيطه لكن زايد زايد

ومنتج البور حرام تاخذه وتغذيتك مهي مضبوطه اضبط تغذيتك وخلي وجبة قبل التمرين تكون غنيه بالكارب البطيء وان شاءالله راح تزيد اوزان حلوه وبعد مايكون جدولك الغذائي مضبوط ومستمر عليه فكر بالباور افضلك

وتقبل مروري

شكرا اخي بردان ... انا والله حاير ما عرفت شنو هو برنامجي تضخيم ولا تنحيف ابي ابني عضل لكن وزني زايد وعندي كرش ... كنت قبل لا ابدا الحديد وزني 107 وخلال هل المده نزلت ل99 ... في البدايه كنت اكل زين بس ما الاحظ لا عضل والوزن ما ينقص مرات يزيد ... كنت مطبق مثل ما تفضلت انت وقلت مهتم بالتغذيه بعدين يأست وقمت بس على وجبه الغداء اعتمادي كله ... ما لها حل يعني تضخيم وانزال وزن او كرش على الاقل...

كل الشكر

مستحيل اخي تلعب على هدفين

تضخيم = زيادة وزن
تنشيف او تخسيس = انقاص وزن
طيب انت لو من الست اشهر هذي روحت منها شهرين وضغطت على نفسك تمارين تخسيس على الاقل تنزل كذا كيلو وبعد كذا تبدا بكورس تضخيم بس يكون محسوب ودقيق اكثر حتى ماتصير الزيادة اغلبه دهون

والتقليل من الغذا ليس حل

انت راجع نفسك وقرر والافضل لو تخلي كل تفكيرك حاليا تنزيل الوزن سويدي وتمارين حركة وحديد طبعا الحديد تكون تلعبه للتخسيس يعني عدات كثيره باوزان خفيفه الا متوسطه

وموفق ان شاءالله

اخي العزيز قرر هل تريد الاكمال على التضخيم او انك تنشف وبعدها تضخم
وانا انصحك تستمر على التضخيم لانه لو نشفت وبعدين ضخمت بيزيد وزنك ودهونك وترجع تعيد كرة التنشيف فاستمر الان على التضخيم ولما تحقق هدفك وتزيد كتلتك العضلية اتجه الى التنشيف وسوي كورس مكملات خاص بالتنشيف مع تقليل كمية الكارب والتركيز على البروتين والجلوتامين حلتى لا تفقد المكتسب العضلي اثناء التنشيف وكرز على الركض على السير والدراجة بعد التمرين 20 دقيقة
ولو بتضيف مكمل باور بيفيدك بالضخامة والطاقة وانه كمان يحتوي على الكرياتين مثل نو اكسبلود

فعلا وزنك زائد

لو تنزله افضل مثل ماقالولك الشباب

اخي ذا روك احترم رايك لكن لو ضخم الحين ورجع بعد مايخلص ضخامه ينشف راح تكون مرحلة التنشيف هنا حيل صعبه
يعني لو نشف الحين ورجع ضخم على بصيره وبشكل مقبول واذا وصل للدرجة الي يبي راح يشوف العضل مبين بجسمه يصير بس يبقاله كم طقة بالتنشيف ويطلع عسل

ولكلن راييه ووجهة نظره والقرار لك صاحب الموضوع بس راح يكون قرار واحد اما تنزل وزنك او ترفع وزنك

والله ما قصرتوا شباب ... بس بعدني محتار والله ... مب شك في كلامكم لا والله ... ارائكم وان اختلفت فهي صحيحه 100 % ... الحالتين عندي صعاب : انشف يعني 6 اشهر ضاعت وكمان كم شهر حق التنشيف بتروح. كملت ضخامه اخاف يزيد الوزن جدا واعاني بعدين ...

اخوي ست اشهر ماضاعت انن شاءالله

رتب لك كورس مرتب للتنشيف ولا نشفت راح تبرز العضلات الي بنيتها بهالست اشهر يعني ماراح ينزل الا الدهوووون تطمن
بس تكون مهتم شوي ومرتب كورس كوويس

باذن الله باخذ بنصيحتك ... وابتدا انشالله التنشيف عندي بس لو تقدر تنصحني بالجدول التدريبي والمكملات المناسبه للتنشيف بالنسبه لي لا هنت اخوي ... ما عليه تعبتك معاي اخوي

ما حد جاوبني يا شباب ارجوكم

ماعليش توني انتبه على رددك اخي

وبالنسبة لكورس تنشيف
ممكن يكون ايزو 100 او واي قولد ستاندرد + كازين + جلوتامين ( ممكن وممكن لا ) + كارنتين + ملتي فيتامين
مالي خبره صراحة بكورسات التنشيف بس اعتقد يناسبك زي هالكوورس كثير وان شاءالله يفيدونك الاخوان اكثر
وبالنسبة للجدول يمكن لو تاخذ الحديد 3 ايام بس
يكون اليوم الاول صدر + باي
اليوم الثاني ضهر + تراي + سواعد
اليوم الثالث اكتاف + ارجل
وتكون موزعه ويكون ايام تواجدك بالنادي 6 ايام منها الثلاث الحديد ويكون معها تماااارين سويدي وحركة وسباحة وكارديو وغيره

اتمنى وصلت
ومووووفق يارب