أفضل أنواع الشاي الأخضر.. من خلال تجربتي

بسم الله..




كيف الحال؟

اليوم جايب لكم تجربتي لنوعين يعتبرون من أفضل أنواع الشاي الأخضر بالنسبة لي..

الأول: توقايين صيني

صراحة طعمه سيئ للغاية ويغث ويجيب المرض, لكن مفعوله قوي جداً, وأنا قد قريت من أول ان نسبة الحديد فيه عالية لذلك

يجب التقليل منه بقدر المستطاع..

تجربتي له كانت لمدة اسبوعين متواصلة وبانتظام ( 3 أكواب صباحاً- 3 أكواب مساءاً ) وكانت النتيجة مبهرة بصراحة..

ونشفت وانشد جسمي لدرجة ان وجهي ماصار فيه خدود :cool:.. بس اللي يعيبه طعمه السيئ صراحة اضافة الى سعره الغالي نوعاً ما

يعني أنا شريت كمية بحجم الكف طلعتلي بـ 20 ريال؟ اضافة الى أن عذبني بالإمساك الله يكرمكم..

المهم.. مفعوله قوي ومفيد جداً جداً في فترة التنشيف, وأنصح به كل ( الغير مهتمين) بالطعم والمذاق..


http://www14.0zz0.com/2011/06/29/20/200574927.jpg


النوع الثاني: نوع غير معروف ولكنه جيد جداً, من ناحية الطعم وخفته على المعدة وبإمكانك أن تشرب منه من 5 الى 13 كوب إن شئت يومياً

اسمه شاي بلال, منشأه فيتنام, بصراحه أنا من أول ما عرفته وذقته رحت شريت منه 5 أكياس..:biggthump

الكيس = كيلو

وهو من ناحية الطعم.. ممتاز جدا وهو يعتبر أفضل طعم للشاي الأخضر الأصلي صراحة.. ومن ناحية المفعول أنا أضخم الآن لذلك ماجاب

النتايج المطلوبة ولكن أنا متأكد لو اني أنشف باشوف نتايج مبهرة ( لكن لا تصل الى مستوى التوقايين ) ..

يميزه الطعم والخفة على المعدة والسعر المقبول جداً, الكيس = كيلو = 30 ريال فقط !:32:

http://www9.0zz0.com/2011/06/29/19/278031354.jpg


ملاحظة: الأنواع المذكورة ماتنفع للي أول مرة يجرب الشاي الأخضر لأن الطعم بيقلب له دماغه..

وأنصح بتجربة الأنواع الخفيفة أولا ( الأكياس ) والتي تباع في المحلات التجارية مثل ربيع وليبتون..


وأي سؤال يا شباب أنا بالخدمة..

وأتمنى الفائدة لكم :)

أخوكم: متعب سعد

والله اليوم شفت بالعثيم النوع الأول توقايين علبة 150 جرام ب27 ريال وبصراحه انت خوفتني من الطعم أحلين بس في نوع ثاني من شركة شواهي والله نسيت اسمها عسى انه طعمها معقول

أهلا بالغالي أبو كنان..:)

انا اللي أقصده هو توقايين من شواهي.. ما اتوقع ان العثيم يبيعون منتجات شركة شواهي؟

بس والله طعمه مقرررررف بشكل ما يتصور..

النوع الثاني تقصد أولونق؟

اذا كان هو أنا ماجربته ولكن سمعته جيدة.. :)

موفق :)

جرب الاولونق طعمه ممتاز وممتاز في حرق الدهون
انا استخدمه وجالس اكتب هالمشاركة وانا جالس اشربه والله انشد جسمي

والله استفدت منه بس حاب اجرب التوقايين لأن التوقايين يجي في المرتبه الاولى والاولونق لا يعلى عليه من حيث المذاق

كيِيف شاي ماشاالله

هالانواع ممتازه لكن الطعم عقبه , بالنسبه لي في نوع ملفوف كالازهار هذا طعمه مقبول جدا والجوال عند الصيانه
ولاكان اخذت له صوره ونزلتها

لكن بإمكانك استعمال محلي مثل سبلندا او ستيفيا لتحسين الطعم


يعطيك العافيه


ينقل للمواضيع المميزه

رحال الجنوب07


الأولونق كنت بشتريه بدل التوقايين :) لكن العامل في المحل نصحني بالتوقايين يقول مفعوله أقوى..
وانشالله في الطريق الى تجربة الأولونق مادام طعمه مقبول..
شاكر مرورك..:)

THE CAST

ولو أبو منصور :)
أنا جربت أحلي التوقايين بمحلي صناعي ( تروبيكانا سلم ) ولكن طلع طعم غريب ما تقبلته, قلت خلني أرجع للمر أحسن :)
متى ما حصلت فرصة تورينا النوع اللي عندك خبرنا بالله !
شاكر لك إضافة الموضوع للمواضيع المميزة..

ويعطيك العافية :)

مششكوووور أخوى على الطرح الراائع والمفيد

وبصراحة من غداً بإذن الله بجرب شاي توقايين .


والله يجزاك كل خير ,,

يعطيك العافية اخوي
الشاي حتى لو مافي نتيجة بالنهاية مذاق
بس النوع الاول ذكرت ان طعمه سيء :)
الله يكون بعون من يستخدمه -_-

منتجات الشاي الاخضر جيدة

http://assets.bodybuilding.com/store..._130_white.jpg

تقييمه بموقع بدي بلدينق عالي جداً 9.8

الشاهي الاول هو النوع اللي وصاني عليه البفرسور جابر القحطاني
بس اسمه ابولونق ومثل هالعلبه بس لونها اخضر يجي ورق كامل :)

وهالشاهي مسوين له تحاليل بالمختبرات وفعلا طلع اجود شاهي اخضر وهو المناسب للتخسيس :)
وخاصه بعد ساعه ونص او ساعتين من الوجبه لاتاخذون الاهو لانه الاضمن 100%

الله يديك العافية ياوحش وتجربة مفيدة لنا جدا

ونصحني فيه نمر ksa الله يديه العافية برسالة خاصة

وانتا اكدت الموضوع ولكن من فين ؟؟ من عند العطارين اقدر اشتريه او السوبر ماركت ؟

يعطيك العافية صاحب الموضوع .. أنوه للجميع بأن الشاي الأخضر يصفر الأسنان بوجه سريع .. وهذي من تجربة حصلت لي اصفرت أسناني اصفرار شديد خلال اربعة ايام !!!
اهتموا بنفسكم

الصارم 07

وإياك أخي, نتمنى لكم الفائدة:)

Heartbeat

الله يعافيك :) , لكن مثل ماقلتلك كريه الطعم قوي المفعول, يعني في بعض الناس بتتنازل عن الذوق مقابل مفعوله القوي..

والمنتج اللي عارضه انت كبسولات؟ لأن فيه دكتور وصاني بكبسولات الشاي الأخضر.. وتقييمه عالي جداً.. أكيد ممتاز

وليد وبس

والله الأولونق سمعته جيدة, وانشالله في طريقي لاستخدامه.. :)

toto jeddah

الله يعافيك يا كابتن :) , هذا يا تركي تلاقيه عند محل اسمه شواهي, ما ادري هو موجود عندكم في جده ولالا ؟

بحثت في قوقل عن فرعه في جده, وهذا عنوانه:

حي النعيم – شارع النعيم العام


هاتف : 026580786


متعطش

فعلاً صدقت, اصفرار الأسنان شي ضروري مع أي شاهي أخضر أصلي, لكن اللي ما يعتني الله يعينه ..

شاكر لك مرورك :)

يعطيك العافيه

انا استخدم توقايين الأكياس وممتاز وعيبه الوحيد هو سعره

وبعد أذنك بضيف موقعهم وفيه الفروع ونقاط البيع للي يبغا يحصل عليه

http://shawahe.com

ليـزر

الله يعافيك, اضافة جيدة للموضوع, اشكر سعيك لفائدة الأعضاء :)

اقتباس:

---

المشاركة الأصلية كتبت بواسطة متعب سعد

أهلا بالغالي أبو كنان..:)

انا اللي أقصده هو توقايين من شواهي.. ما اتوقع ان العثيم يبيعون منتجات شركة شواهي؟

بس والله طعمه مقرررررف بشكل ما يتصور..

النوع الثاني تقصد أولونق؟

اذا كان هو أنا ماجربته ولكن سمعته جيدة.. :)

موفق :)

---

نعم الله يسلمك العثييم يبيع منتجات شواهي