عرض للطباعة
معلومات المتقدم بالاستفسار :
العمر : 25 , الجنس : ذكر
الطول :170 متر
الوزن : 80 كيلوجرام
نسبة الدهون : ؟؟
و الاستفسار كالتالي :
السلام عليكم ورحمة الله وبركاته
بخصوص تمارين الاكتاف الرفرفه أمامي وجانبي وخلفي هل الوزن مهم فيها يعني لو تمريني تضخيم ؟
وايش التكرارت المطلوبه مني ؟
ونفس السؤال بالنسبه للترابيس؟
وثاني إستفسار بخصوص المعده ماادري ايش في على تمارين المعده مالي حظ معاها ياليت نصايحكم يااشباب ولو تعطوني افضل تمرين للمعده وكم مره اسويه بالاضافه للخواصر ..
ومشكورين
كم مدة تمرينك ومستوى تقدمك باللعبة ؟؟؟
وبشكل عام الوزن اللي يعطيك امكانية تمرين صحيحه وتركيز كامل بالعضلة هو افضل بمراحل من الوزن الثقيل اللي يخلينا نعتل الوزن عتالة بدون فائدة قصوى للعضلة
مشكور يبو كنان لاهنت وبالنسبه لسؤالك
تمريني تقريبا خمسه اشهر وانقطاع شهرين ورجعت لي شهرين وأستخدم لايبو 6 x و كرياتين فقط
جزاك الله خير
تمارين الاكتاف هذي المهم تطبقها صح بالوضعيه الصح واذا مع الايام قمت تطبق صح بوزن عادي تقدر تزيد تدريجي بس المهم يكون تطبيقك صح
التكرارات تكون 10 8 8 او 10 10 8 واذا بتلعب اربع ادوار 12 10 8 8
الترابز تقصد تلعب بالبار او الدنبل وزيد الوزن موب مشكله بس شيل الي تقدر عليه
البطن تمارين واجد مفيده وقويه وكل تمرين تطبقه صح بتحصل نتائج منه
بالرياض انت؟ لان اخوي بنادي ممتاز اذا تبي سئلته لك
^
هع والي بالرياض لهم تمارين خاصة :)
المعذره بس اساله خله يجاوبه سوائن بالرياض ولا بادغال افريقيا
ياجودا أنا ماني بالرياض بس أسأله ماننحرم منك لاهنتو ياشباب ماننحرم .
كرياتين + ليبو6 ماااااااااااااااااا يصلح وقف الكرياتين حتى تخلص الليبو
ليه يبو كنان ياليت توضح لأن الكبتن عندي في النادي ناقشته بهالموضوع وقاللي ينفع انك تستخدمهم مع بعض بالإضافه لبروتين الواي من اوبتيوم
يا صديقي طريقتك غلط 100% ليبو 6 مع كرياتين هههههههه انت عارف انه الكرياتين يحبس الماء بالعضل او بالاصح يساعد على حبس الماء بالعضل اضافه الى انه يزيد الوزن وقد يسببلك كرش صغير احيانا لو ماتمرنت كويس ) انا انصحك بالشد بتمارينك زي مانصحك الاخ بالاضافه الى الليبو 6 و ايضا انصحك بي (الامينو فيول السائل) ممتاز للناس اللي يعانون من مشاكل في البطن
طيب كيف ياكرونا الكبتن عندنا جالس يألف على راسي ياخي والله الواحد احتار طيب ركز معايا شوي ياكرونا يعني استمر على لايبو + بروتين وي + الامينو فيول سائل ؟؟
رياضة كمال الأجسام مافيها شي غلط 100% ولا شي صحيح 100% وحوارق الدهون مع الكرياتين دار نقاش بخصوصها بالمنتدى وكان البعض من الكباتن الكبار زي ذا كاست يعارض استعمالهم سوا وأحد الكباتن المتقدمين باللعبة الخ تركي ( توتو جدة ) يستعملهم سوا بس ماكان ينصح اي شخص يستعملهم سوا لأنه الأجسام تختلف عن بعض والكرياتين من أعراضه حبس الماء في الدسم عند البعض وليس الكل
انا استعمله وما يحبس الماء بجسمي وفي صديقي مجرد يستعمله يحبس عنده ماء من أول اسبوعين
مشكورين ياأخوان على ردودكم