هل هذا البروتين اصلي والا مضروب ؟؟

معلومات المتقدم بالاستفسار :
العمر : 24 , الجنس : ذكر

الطول :175 متر
الوزن : 80 كيلوجرام



و الاستفسار كالتالي :
السلام عليكم ورحمة الله وبركاته

حاب استفسر يااخوان عن بروتين شريته قبل فترة وهو بروكومبلكس ميلك شوكلت اخذ منه سكوبين بعد التمرين وانا صراحة بديت اشك في البروتين لانه يجيني اسهال بسيط اكرمكم الله بعد ماارجع البيت ،، طبعا البروتين لونه عادي بس فيه قطع صغيرة جدا بيضاء واذا طول في الشيكر بعد الخلط يصير صافي نوعا ما .. شرايكم .. اللي عنده خبرة لايبخل علينا ابي اعرف جودة المنتج وهل هو مضروب ام لا؟؟ مع العلم اني سالت احد الاخوان في الجيم وقاللي اي بروتين اوبتيمم او برو فهو اصلي لاتخاف مافيه مقلد لكن فيه سوء تخزين .. الله اعلم !! .. جزاكم الله كل خير

وعليكم السلام ورحمة الله وبركاته

اتوقع البروتين عادي ..ولو منزل صور افضل

احتمال عندك حساسية لاكتوز وهي السبب عادة , جرب تستعمل (لاكتازيم) من الصيدليه مع جرعات البروتين




بالتوفيق

اعتقد عادي اخي ما في مشكلة ..

حتى من يوم ما بدات استعمل " البرو كومبلكس جينر " صرت اخرج " اعزكم الله " كثيرا ..

اخي الفاضل المنتج ماهو مضروب عادي ماتوسوس وبالنسبه لقصة الاسهال طبيعيه جدا 17% من اللي يستخدموا البروتينات والكرياتين يدخلوا لدورة المياه بعد التمرين وهذا يعتمد على حساسية البطن لهذه المنتجات

مادام البروتين مو مطوب يعني تمام توكل على الله بس لو تبي الرأي اللي 100% اقطع الشك باليقين وخذلك واحد جديد

الله يعطيكم العافية ماقصرتوا يالغالين ..

الوضع عادي انا صرت متعود على موضوع الأسهال وحسبت ان عندي حساسيه من البروتين لكن طلع ما عندي حساسية.
بس جدار المعدة يكون ضعيف فا مايتقبل البروتين فيعمل اسهال مع الوقت ان شاء الله تتعود عليه وانصحك في عصير الزنجبيل ترى مره ممتاز للمعده ........................... ودمتم بود

اقتباس:

---

المشاركة الأصلية كتبت بواسطة humax10

الوضع عادي انا صرت متعود على موضوع الأسهال وحسبت ان عندي حساسيه من البروتين لكن طلع ما عندي حساسية.
بس جدار المعدة يكون ضعيف فا مايتقبل البروتين فيعمل اسهال مع الوقت ان شاء الله تتعود عليه وانصحك في عصير الزنجبيل ترى مره ممتاز للمعده ........................... ودمتم بود

---

شكرا ياغالي