محتار في برنامجي... انشف ولا اضخم... ارجو المساعده من الخبراء

معلومات المتقدم بالاستفسار :
العمر : 29 , الجنس : ذكر

الطول :172 متر
الوزن : 87 كيلوجرام

نسبة الدهون : 23

و الاستفسار كالتالي :
السلام عليكم شباب...

انا محتار في جسمي و مب عارف شو اسوي بالضبط... اتلخبطت و ما اشوف اي نتيجه..

صارلي قاطع التمرين 4 شهور لاسباب عده و خلال هالفتره وزني ثبت على 87 كيلو بس المشكلة انه تعبا دهون و خسرت عضلات... الحين صارلي شهر اتمرن بالصاله بس للاسف ما في نتيجه ملحوظه... حاولت اني التزم بغذائي بس الظاهر ان مافي فايده في انقاص و زني... اوزاني بالحديد حلوه بس لأن الدهون موجوده فهي مخربه على شكلي... يعني بالبنج برس المتسوي العب 80كيلو 10 عدات و تمرين الديد ليفت كمان نفس الوزن...

نظامي الغذائي الحالي كالتالي..

فطور شريحتين توست اسمر مع جبنه قليله الدسم مع شريحه مرتديلا صدر دجاج..

بعد بساعتين اخذلي بروتين بار من شركة اوبتيمم

بعدين الغدا .. اما صدرين دجاج مع رز ابيض مسلوق بدون ملح مع بروكلي ... أو معكرونه مسلوقه مع صدرين دجاج مع بروكلي أو رز و شريحة سمك بالفرن مع بروكلي...

احيانا قبل التمرين اكل شوفان مع حليب قليل الدسم...

العشا اما تونه بالماء او حليب قليل الدسم مع واي بروتين سكوب واحد...

تمريني كالتالي

صدر و باي
ظهر و سواعد
اكتاف و تراي
ارجل و بطات
الكارديو قبل التمرين ربع ساعه و بعد التمرين نص ساعه
المعده يوم و الخواصر يوم...
العدات في التمارين 15 12 10 8
مشكلتي الكبيره اني اثناء الدوام اشرب شاي و قهوه وايد و ما اقدر اشربها بدون سكر او حتى السكر المحلى... لأني جربت نوع و طلع الطعم سيء...

المكملات اللي عندي حاليا.
واي بروتين من اوبتيمم
اوبتي من
اكستند

هل نظامي الغذائي غلط؟ هل تمرين غلط؟ اقدر ادخل حارق دهون و لا لأ؟

انا فكرت اني اخذ انيمال كت مع ستاك لأني محتاج لبور في التمرين و لا اقدر اخد مكمل بور مثل جاك3دي مع الكت؟؟ ولا اخد اوكسي لايت مع ستاك ؟؟؟ والله محتار و ارجو المساعده من الخبراء الموجودين في المنتدى...

كنت افكر اني العب تضخيم يعني ازود اوزان و اقلل تكرارات بس خايف تزين عندي الدهون و يصيبني احباط...

ياليت حد يعلمني خطوه خطوه شو اسوي مشان انزل نسبة الدهون عندي و لكم جزيل الشكر...

بعلق على اخر جزئية على السريع ..

اقتباس:

---

المكملات اللي عندي حاليا.
واي بروتين من اوبتيمم
اوبتي من
اكستند

---

ممتاز جداً ..
دخل زيت سمك معهم لو عندك الامكانية ..

اقتباس:

---

هل نظامي الغذائي غلط؟ هل تمرين غلط؟ اقدر ادخل حارق دهون و لا لأ؟

---

تقدر تدخل حارق دهون من غير مشاكل .. لكن انصحك بالبداية من غيره .. لأنه النزول راح يكون سهل .. يوم تحس النزول وقف استعمل حارق ..

اقتباس:

---

انا فكرت اني اخذ انيمال كت مع ستاك لأني محتاج لبور في التمرين و لا اقدر اخد مكمل بور مثل جاك3دي مع الكت؟؟ ولا اخد اوكسي لايت مع ستاك ؟؟؟ والله محتار و ارجو المساعده من الخبراء الموجودين في المنتدى...

---

استخدام الستاك بالتنشيف فكرة جيدة .. لكن انيمال كتس مع نسبة دهون 23% ما انصحك فيه ..
استخدم الاوكسي اليت برو .. او الـEphedrine&Caffeine ( مع اني اشوف بالمنتدى كثير ضد الافيدرين ) .. عموماً لو بتدخل حارق مثل ما قلت لك
الاوكسي مناسب جداً لهذي المرحلة ..

ما في مشاكل تستخدم منتج باور اثناء التنشيف على شرط توقفه اخر اسبوعين بالتنشيف .. لكن لو بتستخدم كتس و حبيت تستخدم جاكيد لا تاخذ الكافيين ..
بالمناسبة .. من غير مكمل باور من وظائف الحوارق تعطيك طاقة و تركيز و هالشيء من الكافيين بالمقام الاول فابدأ من غير منتج باور و شوف لو حسيت
انك تحتاج منتج باور استخدمه او استخدم كرياتين ( و ايضاً وقفه باخر اسبوعين من استخدام الحوارق ) ..

اقتباس:

---

كنت افكر اني العب تضخيم يعني ازود اوزان و اقلل تكرارات بس خايف تزين عندي الدهون و يصيبني احباط...

---

ما في مشاكل تلعب تكرار قليل و وزن كبير بالتنشيف ابداً و عن نفسي اتبع هذا الاسلوب ..
هالشيء راح يساعدك على المحافظة على العضل .. لكن ساعتها لازم تتبع كارديو قوي لحرق اكبر عدد من السعرات ..

جزاك الله اخوي على الرد السريع

يعني استخدم الاوكسي لايت مع الستاك احسن لي من الكت و الستاك... نزين هل الانيمال ستاك يعطي بور ممتاز و لا اخذلي جاك3دي احسن؟

هل الكارديو اللي انا اسويه كافي و لا لازم ازيد؟

هل نظامي الغذائي يحتاجله تعديل ؟

المشكلة اني توهت و مب عارف اظبط الاشياء كلها...

بالنسبة للنظام الغذائي لي عودة ان شاء الله عشان يحتاج تركيز و حالياً التركيز عندي منتهي ..

اقتباس:

---

يعني استخدم الاوكسي لايت مع الستاك احسن لي من الكت و الستاك... نزين هل الانيمال ستاك يعطي بور ممتاز و لا اخذلي جاك3دي احسن؟

---

عن نفسي اتبع اسلوب مقتنع فيه و جربته كثير و نجح ..
ابدأ من غير اي مكمل من المذكورين .. ممكن الستاك تضيفه بعد اسبوعين من التنشيف ..
بعد الاسبوعين شوف انت استجابة جسمك .. طالما وزنك ينزل و الاهم نسبة الدهون تنزل لا تضيف اي حارق دهون .. يوم ما تصير العملية صعبة ضيف اوكسي ..
الاوكسي اليت و الستاك راح يعطوك طاقة كبيرة جداً و على الارجح راح تغنيك عن استخدام مكمل باور ..

بالمناسبة .. رمضان على الابواب و حارق دهون مع رمضان صعب يجتمعوا ..
بالتالي ما عندي فكرة لو ما عندك مشاكل تنشف برمضان او لا ..

شكرا كابتن على سرعة ردك

انا صارلي شهر ملتزم بنظام غذائي اول اسبوع نزلت شوي و بعدين وزني صار يزيد.. الاكيد عندي ان عم يزيد عضل بس الدهون ماتروح..
انا حاسس المشكله في نظامي الغذائي يمكن لازم اخفف او اغير بس مب عارف وين الخطاء في الموضوع...

الكارديو اللي انا اسويها كافيه و لا لأ؟

وصلتني رسالتك يابطل

جدولك ممتاز وان شاء الله تستفيد منه ..

ملاحظة بخصوص الشوفان قبل التمرين (( هذا يكون ثابت وليس احياناً )) يعني اذا بتروح الصاله لازم تاخذ هاذي الوجبة ..

وايضاً بخصوص الانمل كاتس - ممكن تستخدمه وبيفيدك كثير يابطل ..

وضيف مالتي فيتامين + جلوتامين + امينو 2222 الكبسولات ..

بالتوفيق

مشكور اخوي حمد...

المشكلة ان بهالجدول وزني ماينزل و لا نسبة الدهون... هل لازم اشيل الرز الابيض و المعكرونه و لا اخليهم؟؟

افكر في الانيمال ستاك مشان البور و الاخ SDal نصحني فيه بس ما نصحني بالكت لأن نسبة الدهون عاليه...

انا الحين افكر اخذ ستاك بدون حارق دهون بس ازيد مدة الكارديو...

اخوي انا قتلك نصيحتي واذا حبيت تمشي عليها
ان شاء الله مابتخسر

بالتوفيق

مشكور اخوي حمد...