لم افهم اي مدرب أصدق موضوع نقاشي

السلام عليكم
لقد حصل معي موقف غريب و هو ان في gym يوجد مدربين واحد في فترة الصباح و أخر في فترة المساء .المهم احيانا اتدرب في فترة ما بعد الظهر و استشير المدرب على بعض التمارين و برامج التدريب و كيفية القيام بالحركة و يقوم بنصيحتي و أستفيد من النصيحة و لكن المشكل هو انني في بعض الاحيان أتمرن في المساء و اجد مدرب اخر و اقوم بأستشارته في الحركات والبرنامج التي نصحني بها المدرب الاول بدون ان اخبره ان المدرب الاول هو من أعطاني هده البرامج التدريبية و التمارين و يقول اد كنت تريد تضخيم فهده التمارين خطأ و يقوم باعطائي تمارين وبرامج مغايرة و بسبب هدا لم اعد أستشير اية مدرب و استفيد من هدا المنتدى الرائع فقط

اذا عندكم مواقف مثل هدا الموقف . أتمنى تنورون الموضوع بردودكم من اجل الاستفادة

مرحبا اخوي ممك يكون مجرد اختلاف بسيط وكل مدرب له تكنيكه

حصلت معي أخي ,,

كل شخص يفضل بعض التمارين المعينة ويعتبرها أساسية ,,

وكذا المدربين تختلف تمارينهم ,,

وأنت بطبيعتك أكيد راح تلاحظ بعض التمارين بتشد العضلة أكثر من غيرها ,, حاول تركز عليها ,,

تحياتي واحترامي ..

كل مدرب وله سياسته بَ التمارين
أنا لو آستشير كل شوي مدرب أكيد رآح آتعب خليك مع مدرب واحد آزين لك

انا اشوف انه شي طبيعي اختلاف المدربين ..

وأكون مستمر مع اللي احسه فاهم ومتعاون مع اعضاء النادي .. اما اللي احسه غير خبير ما اطالع فيه بس أسلم عليه وأمشي :)

توني جاي من الجيم قبل ساعة .. المدرب قالي لازم أسبوعين مدري شهر تمشي على برنامج لياقة < مرة ماتشيل حديد الحديد بعد هالبرنامج يعني تأهيل .. والمشكلة لو تشوفوني ماشاء الله تبارك الله جسمي ممغوط ومشدود ولياقي مايحتاج هالبرنامج والفلسفة الزايدة بس يضيّع وقتي .. جيت استشرت الأخوان هنا زي ذا كيست وكابتن أحمد وتوتو جدة .. المهم
قلت للمدرب اليوم كلام كباتن المُنتدى .. قالي أي منتدى ؟ قلت له المُنتدى قالي كلام فاضي وأنت اي شي تصدقه بالنت تبيني ادخلك شامل على طول أنت كذا اهنتني وحطيتني جاهل فضلت الي بالنت علي ؟؟؟؟
خلاص حدخلك شامل وزي منتا عايز وحشرف عليك ياوحش .. المهم تخيلوا سحب سيفون ( زعل ) وجى مدرب ثاني قالي خش هذي التمرين حق رجول وقالي 4 جلسات مع 25 عدة شوي يجيني المدرب الزعلان الي توه ويقول لا 15 عدة !! هههههههههههههههههههههههههههههه شوفوا التناقض بينهم
المهم اليوم المدرب لعبني تمارين للأرجل جهاز اثبت شي على كتفي واطلع وانزل 4 جلسات 15 عدة .. بعدين تمرين سحب الحديدة لتحت - حقت الظهر - 4 جلسات 10 عدات .. بعدين تمرين الصدر الي دق مسكة على قدام 4 جلسات 10 عدات .. بعدين المسكة الي مثل التمرين الي توه بس مو ع قدام لا فوق و 4 جلسات و 10 عدات .. بعدين وداني لغرفة اللياقي وقلي تمارين بطن 20 عدة 3 جلسات .. بعدين قلي شكراً ياوحش مع السلامة هههههههههههههههههههههههههه والله احسهم خرررررطي وش رايكم بالله ؟؟؟؟ هل تمارينهم صحيحة ؟؟؟؟
وهل كلامهم صحيح ؟؟؟ يقولي انت ماشي غلط داخل شامل ع طول ومدري ايش .. حتى التمارين هذي تسكيته يوم قلي شكراً ومع السلامة قلت له بس ؟؟؟ هذا الشامل الحين ؟؟؟ قلي ايوة اليوم العضلات الكبيرة بكرة الصغيرة .. وش رايكم شباب امانة ؟؟ انا مدري احسني ملخبط وطفشت من ثاني يوم ..

طبيعي 100% اختلاف وجهات النظر في هاللعبة تحديدا

ما قصرروا الشباب يعطيهم العافيه ومع الايام والاختلاطات بالمدربين راح تتطور معلوماتك وافكارك بعدها تقدر تصير مدرب خاص لنفسك.....

لكل مدرب وجهة نظر ولكل لعبه اسرارها انت كمبتدئ حاول ان تسال عن مدرب النادي
قبل لا تسجل اول ما بدانا اللعبة دي تخبطنا لين وصلنا لعلم وتذكر زي كورة القدم هناك مدارس تدريبية كثيرة
كذلك في لعبتنا بعد اول شهر مع السوال والاستشارة صدقني حتبدا تدل الدرب الصحيح موفق اخوي بس اصبر وهذي ضريبة التعلم

شوف الواحد مع الوقت راح يميز بين الكبتن وبين وبين ( الطرمبه ) الي مدري في اي بنشر نفخ جسمه وقعد يهايط على عيال المسليمن بالكذب حقه ومخليهم تجارب على البلاوي الي قاعد يبيعها عليهم . انا بصراحه المدرب الاول لي ذا المنتدى
والله ما احد يقصر معاك من الشباب ابدا ابدا ..

المهم لك كمبتدأ او خبير لا تسأل الا صاحب الخبره . طيب كيف تعرفه ؟؟

لا حظ امانته في تدريب الشباب في الصاله كيف يوقف مع الشباب بعد مايديهم التمرين ويلاحظ كيف يسونه ولا يقوله روح لذاك الجهاز وطنشه !!

شوف مين الشباب الي حوله من النادي الوحوش ولا بس الجدد !! ولا تستحي ابد وتروح للطرمبه الي ماحوله احد كلها كم يوم في الصاله وراح تعرف بنفسك وتقدر تميز واذا عمدك اي استفسار عادي واحد موضوع جديد وتابع الردود والدعاء لاخوانك والف شكر ..

السلام عليكم

ممكن توضح لنا برنامج كل واحد فيهم
ممكن يكون الاثنين صح وممكن يكون واحد منهم
احيانا بعض المدربين ما يعترف الا بطريقته

انا اقول مثل ما قالوا الشباب
فعلا كل مدرب وله نظريته وتكنيك خاص فيه للتدريب واللعبات ولو تلاحظ أن تمارين الحديد كله متشابهه ولكن في اشخاص تسوي لها تكنيك معين تمشي عليه
وانت لا تقعد تتوجه للكل بالاسئلة لان في عالم كمال الاجسام بتضيع من كثر النصايح خلك مع مدرب معين ويكون ثقة ومعروف عنه انه فنان في هالأمور وان شاء الله بتشوف كل اللي يعجبك ويسرك معه
واترك عنك التسئل عند كل من وتاخذ النصايح من عند كل من في الجيم لانك ما بتخلص

وتحياتي لك وتسلم على الموضوع

يا شباب اللي اعترض وقال ان كل مدرب له طريقه (( هذا رد مقنع ومعقول ))

لكن ان المشكه ان المدربين الاول يقول للثاني خطاء والعكس صحيح هذي مشكله كبيره


انا لعبت مع مدرب شخصي وسعره غالي لكن عرفت الكثير طبعا ( جنسيته برازيلي ) اثناء الدراسه بالخارج ( كان يقول لازم تلعب اوت دور كثير مو فقط في وسط الصاله وتشيل حديد وتنفخ ) لازم لياقه عشان كذا كان يمسكنا قروب يخلي واحد يدحدر سياره وانت تدف علي الاقل كيلو غير تسلق الجبال طلوع مشي سريع ،،،،،والله افتقدته من جد الان موقف من 6 اشهر اكتسبت فيها عضل كان له دور في عدم رجوعي لوزني (فقط زياده 4 كيلو ) مع العلم انواع التخبيص والاكل والتوقف عن الرياضه او بمعني اصح عدم المتابعه

رجعت واشتركت في نادي في جده ( ما ابغا اقول اسمه ) لكن يمكن اشهر نادي واغلي نادي


المدرب في الغالب يقعد يقلك الافضل مدرب شخصي ،،،،اذا قلت له ظروفك ما تسمح وتفضل مبدئيا تاجيله لوقت لاحق ....علي طول ما يعطيك وجه ويقلك المعلومه من طرف خشمه ويحاول يبيعك ( احيانا اوهمه اني جاهل واقله ايش رايك )) يقول انا اوفرها لك ويتحمس واذا قلت له خلاص فيه زميل بيوفرها من برا يقلب وجه ،،،،،، المشكله مع اكثر من مدرب وليس مدرب واحد او اثنين

الان اعاني من سمنه وارغب بصاله او نادي فيها مدرب امين (واذا كان هناك مدرب شخصي اسعاره معقوله برضه شي جميل ) المهم الاستغلال المادي علي حساب الصحه وهذا القهر ( يعني موت وخراب ديار )

شباب جده ياليت النصيحه بصاله جيده من ناحيه المدربين والشباب اللي معك ( لياقه + حديد )

وشكرا

نسيت اقول ان بعض الصالات وانا ابحث عن التسجيل في احداها اجد الغالبيه من المدربين ( يتصنعون العصبيه ) وتلاقي وجه منكمش وما يبتسم ومسوي زعلان وانت علي بعد كيلو ما ادري هل يعني مسويين فيها نوع من الشخصيه او الكاريزما (( يعني وحش ))

ما ادري هل لاحظتوا هذا معي او انا عندي حساسيه زايده وقرأه خاطئه


ما ادري الابتسامه ايش راح تخلي الواحد يخسر

والله موضوع روعه واعجبتني الكثير من الردود واغلبها صحيح 100%