ابي اقوى نوع بروتين يزيد وزن وفيه نسب حلوه من الكارب والدهون ..

معلومات المتقدم بالاستفسار :
العمر : 16 , الجنس : ذكر

الطول :172 متر
الوزن : 65 كيلوجرام



و الاستفسار كالتالي :
السلام عليكم ورحمه الله وبركاته
اخوانئء انا عندي صاحبي
طوله 172
وزنه تقريبا 65
--------------------------
صراحه جسمه ضعيف صحيح انه اكتسب وزن وتقريبا وصل 72 الشهر الي طاف بس ما قام يروح النادي واجد وخسر الي اكتسبه ..
لكن دش بقوه الشهر ويبي يبلش ياخذ بروتين
طبعا انا الي بشتري له
اهو ( صقعه ) هههههههه يعني ما يفهم شي
انا الضاهر اني باخذ له سيرياس ماس .. او سوبر قنر
ابي بـروتين فيه نسبه دهون ابي يزيد وزن يطق ع الأقل 72
فـ شنو افضل بروتين راح يزيده وزن مو شرط كله عضل لأنه < راح يهتم بآكله من ناحيه البروتين
لكن نبي دهوون فضحنا ههههههههه مشروع هيكل عضمي على غفله
انا الضاهر بدق له سوبر قنر
وامينو 1000
ابي نصااااايحكم وشنو الأفضل لـه
وشكرآ

برو كمبلكس قينر دهون + كارب + بروتين معوقلات ويكتفي بهالعمر بالبروتين فقط افضله
او السيريس ماس نسبة دهون قليلة + كاااارب عالي وتقريبا اغلبه كارب بس مايعني انه ماراح يزيد دهون بالعكس يمكن يزيد اكثر من منتج ثاني :)

وموفق انت وصاحبك ان شاءالله

الله يعطيك العافيه .. الضاهر ببدل السوبر قنر وباخذ له بروكمبلكس قينر
بس ما قلت لي شلون طعمه ؟
وثقيل ع المعده ولا خفيف

شوفلي دامه من اوبتمم عادة هالشركة تعرف تختار النكهات بالشكل السليم يعني نكهاته دايم الكل يتقبله

ومو شرط تكون لذيذة لكن راح تكون ان شاءالله مقبوله دائما بغض النظر عن اي نكهه
ومكملات القينر دائما ثقيلة على المعده اثقل من الواي او من البليند لما يكون بدون دهون
وموووفق اخي

الله يجزاه خير أخونا بردان ما قصر

بس إذا ما نفع معاه البرو كومبلكس أو خلص خل ياخذ سوبر جينر فيول برو
تراه خطيير أسأل مجرب

ودائما ينصح به مشرفنا

والله يوفقك.. لوودي

^^ صحيح لودي السوبر جينر فيول برو

جيد وخطيير
بس يحتوي على 3 قرام بالسيرفنج من الكرياتين
وهو بعمر 16 سنه
فلذلك اقترحت عليه البروكمبلكس قينر بعيدا عن الكرياتين بهالعمر امن له واضمن

وموفق يارب

مشكورين على التفاعل .. والمساعده
والضاهر اني راح اخذ له .. البروكمبلكس قينر
والله يوفق الجميـع
-------------

الاهم المواظبة على الغذاء المنوع والشامل و5 وجبات باليوم غنية بالعنااصر الغذائية + مكمل (سيريس ماس - تروماس - بروكمبلكس غ)