عندي مشكله صعبه

السلام عليكم ورحمة الله وبركاته

يا اخوان انا عندي مشكله وتخصني انا

كنت متردد افتح هالموضوع بس قررت افتحه

انا حاليا مادري شقولكم بس احس ساعات اني اتصرف تصرفات غريبه حتى انا استغرب منها

ودايما ارتبك كثير لما اقابل احد من الناس

بالرغم اني احاول ارتجل واسوي نفسي ثقيل بس للاسف احس جسمي يرتعش نوعا ما

تقدرون تقولون زي رهبة الظهور على المسرح

والسبب يرجع اظن لاكثر من موقف حصل معاي في المدرسة

مع الاسف قبلها كنت طبيعي بس من عقب هالمواقف صرت اتصرف تصرفات غريبه كثيييييييير

وهالرعشه تجيني بشكل لا ارادي ماقدر اتحكم فيها

وحتى بديت اشوف فيه ناس يحكو بيناتهم ومتاكد انه عني والدليل انهم يلتفتوا لي ... مادري شالسبب ؟؟؟؟؟؟؟؟؟

وبعدين لاحظت اكثر في قاعة الاختبارات

اكون جالس في الطاولة . ويكون يرتعش جسمي كثير مادري شالسبب

مو خوف من الامتحان

احس اني مراقب بكل مكان وساعات التفت ولاقي ناس تنظر لي وبعدها يلتفتوا :31:

اعتقد بسبب الرعشه اللي تصير بجسمي

لاحول ولاقوة اللى بالله

ياليت يا اخواني تفيدوني ... ايش ممكن تكون الاسباب ؟؟؟ وايش الطريقة اللي ممكن اتعالج ولاتجيني هالحاله وطبايعي الغريبه هذي

الله يجزاكم خير دنيا وآخره للي يفيدوني

وعـلـيـكــَ السـلام ورحـمــة الله وبـركــاتـه :smile:

يـا أهــلاً بـك أخـــي الكـريـــم ، فــُرصـة سـعـيـدة أن تـزور مـنــتــدانــا وتـثق بمـن فـيـه ليســاعدك وأســأل الله أن يـوفـقـك

أخــي لـنـنـظــر للـواقـع للحـظــة بـهـدوء .. هـؤلاء الـذيـن تخجـل مـنـهـم وتهــتـم لنـظـراتـهـم لك أنــت أخبـرنــي بالله عليـك

أي طـبـقـة مـن طبقـات المجـتمـع هـم ؟؟ مـن فيـهـم عـالـم ديـن أو دنـيـا ؟؟ مـن فيـهـم تـعـتـبـره رَجــُلاً نـاجحـًا أو راقيـًا أو عـلـى الأقــل طـيب القلب ..؟؟

ومـشكـلتـهـم هــم أنـهـم لـم يعـرفـوا مـعـدنـك جيـدًا ليســت مـشكلتـك أنــك مــؤدّب أو خجــول .. أفضـل الخــلق -صـلـى الله عـلـيه ووعـلى آلـه وصحــبـه -

كـــان خجــولاً فهـذا ليـس حــرام وإن كــانَ عـيب وعــار عـنـد المجتمــعـات فالديـن أسمــى وأرقــى مـن نظـرات المجتمــع ..

أم مـسـألـة الارتبــاك يا أخــي الكـريـم كـلنــا لـو لـم نتـلقـى تجــارب حيـاتــيـة أو لـم ندرس كـيف نـؤثـر في الآخـريـن أو كـيف هـي فنـون الاصغــاء أو الالقــاء

لارتبكنــا وأصبحنــا انطـوائيـيـن أكـثر مـن الحـد المعتــبر للإنـسـان ذو الــنــمـط الانطـوائــي .. أخــي العـلم والــمـــُـنـاقــشـات الجديـة والاخــتلاط فـي المجتمــع

هـذا يســاعـدك عـلـى كـسـر مشكـلـة الارتبــاك .. وأِعلـم أنـك لا بـد أن تخـطـو خطـــوة نحـو الأمــام ولـو كـانت الأولـى صعبـة لكـنها طــريقــك نـحـو مـا تريـد

فعندمــا تتحـدث أول مــرّة لـربمــا تشـعـر بـالانكسـار والهزيـمـة وهــذا خطـــأ كبـيـر أنـا ألـومـك عـلـــيـه إذا فـعـلــتــه .. لكـن بـعـد مـرة ومرتـيـن حديـث وجدل ومناقشـات

ستشـعــر بالتنــوّع والتغـيـيـر الجــذري .. فانتـبـه عـلـى علمـك وديـــنــك وأعلـم أنـك لـا تخجــل إلـا مـن العظمــاء والعلمــاء ومـن تحــب .. وألقـي بنظــرات النـاس للزبـالة

وأنصـحـك بخطــب ومحــاضــرات الدكـــتـور الفــاضـل محمـد العـريفي للجانب الدينــي الاجتماعــي ودروس الدكتور موسى الجويسر في علم أنماط الشخصيات

وأسم دروســه : النفـس البشـريـة . وتـوجد كـتب متنـوعـة كـثيـرة تعلـمك كـيف تـحـاور وتنطلق بالـــنــــقــاش وتـــؤثر ومـا إلـى آخـره .. وأسـأل الله يـوفقك ^_^

هلا فيك اخوي :D

يعطيك العافيه واشكرك جزيلا ومعروف ماراح انساه ابد لك

وباذن الله راح اعمل كل اللي قلت لي عليه واقولك النتيجه :)

والله ماقصرت مهما اعمل لك ماراح اوفيك :o

وامين يارب الله يوفق الجميع ويوفقك ^^

هلا فيك اخوي

اعتقد سبب عدم ثقتك بنفسك سببها مواقف حصلت معاك فالسابق ...

اخوي الحل بتلقاه بس مب من الناس ... الحل بتلقاه عندك انت شخصياً

لازم تتغلب على ضعفك وكل ماتحس بهالحالة بدت تجيك فكر بموقف مضحك

عشان تنسى ..

الخطوة الاساسية هي لازم تشغل نفسك بشيء ينسيك ويفيدك بنفس الوقت ويساعدك على ان تثق بقوة ...

اشترك بصالة كمال اجسام ومارس هذه اللعبة الجميلة اللي بإذن الله بتزيد ثقتك بنفسك وبتعطيك شعور بالفخر واحنا بنكون معاك خطوة بخطوة ...

ثاني شي .. أي وقت تحس بضيقه توضئ وافتح القرآن وأقرأ الفاتحة وبعدها سورة البقرة كاملة ومابتاخذ من وقتك إلا ساعة بالكثير ..
(جرب وبتدعيلي يابطل) ...

وفالنهاية

أسأل اللـــــه العلي القدير ان يهدي نفسك ويفك عنك ضيقك ..

أخوك/ حمد

ياهلا والله بالغالي :o

بأذن الله راح انفذ هالخطوات اول بأول لأن المسأله مسألة وقت لا اكثر :D

وكلامك عين العقل وسليم

تسلم اخوي حمد :D

الله يجزاكم خير جميعا واسأل الله ان يوفقكم بكل خطوه تخطوها :D

شوف انا فاهمك انت انسان تحب الوحده وانسان ماتحب الجمعه وانسان خجول لأبعد الحدود واذا تبي تنزل بمكان زحمه تستحي واذا دخلت مكان عام تحس الكل يناظرك وينتقدك ؟ صح ولا لا

اخي الكريم later بتكلم بكلام عامي المهم ياقلبي الشي هذه اسمه (رهاب اجتماعي) وبصراحه هذه مرض.واسف اني سميته مرض ولاكن هذه الحقيقه المره
طبعا من اعراضه:
انه تخاف تواجه الجمهور .تخاف تغلط في شي قدام احد يضحك عليك او ينتقدك تتهرب من المناسبات او مكان عام قلة الثقه بالنفس وضعف الشخصيه الارتباك الشديد والتعرق واحمرار الوجه والقلق المستمر احيانا يكون من غير سبب تخترع شي في عقلك وتخاف منه وتقلق منه اعطيك مثال (تفكر لو مشيت في السياره تقلق يصير لك حادث) تقوم تطلع السياره وانت خايف هذه قصدي تهول المواضيع وتعطيها اكبر من حجمها.واشياء اخرى.

طبعا انا فصلت لك الموضع تفصيل ومو شرط تكون كلها فيك بس هذه في اغلب الناس الي عندهم الرهاب الاجتماعي وطبعا الرهاب درجات في ناس تخاف تخرج من بيتها الله يحيمنا.

المهم اخي الكريم اول خطوه انه تعرف مشكلتك وتعرف انت ايش عندك عشان تبتدا في المواجه فعلا هي حرب وعليك التسلح وقتلها والقضاء عليه حتى لا تستمر معاك الاعراض وكل ماتتركها كل ماتكبر انا ماهول لك الموضوع انا اتكلم والله من باب تجربه لاني كنت كذا بالضبط وانت تكتب موضوعك احس انا الي كنت اكتبه من قبل 9 سنوات والحمدلله اتعالجت منه بنسبة مليون في الميه.وبعطيك خلاصة تجربتي حتى يسهل عليك الموضوع.

المسبب الرئيسي اخي الكريم لهذه المرض شيئين:
1/الماضي 2/موقف او حادثة صارت لك وغيرتك من غير ماتحس
الماضي وانت طفل صارت معاك اشياء ماقدرت تنساها ادت الى هذه المرض في الكبر
موقف او حادث صار لك جعلك انسان قلق انه يرجع الموقف مره ثانيه خلاك زي كدا

طبعا كل كلامي عن الرهاب فصلته لك تفصيل وعلاجه سهل جدا ومعروف وكثير ناس ومثل ماتفضل اخي الكريم hamad النادي والرياضه له اثر جدا فعال في الشفاء السريع
له علاج نفسي او سلوكي وعلاج دوائي والعلاج الدوائي والله العظيم ممتاز وراح يغير حياتك بس نصيحتي لك ابدا بالعلاج النفسي او العلاج السلوكي اولا وانشاء الله تستفيد منه

وانا خدامك في اي شي تامر فيه

اتمنى انا ارك في كامل الصحه والعافيه.

انا مريت بحالتك هذي والعن بعد كنت ارتبك واخجل واحس بصعوبه بنطق احيانا بس الحمدلله خفت الحين بس انا ماقدر افيدك الا بشي واحد الي هو عقار اسمه زولفت جدا ممتاز سو بحث عنه وراح تعرف فوايده

أنصحك بالذهاب لطبيب نفسي.
هو سيفيدك بطريقة علمية.

أفضل من تأخذ النصائح من أناس لايفهمون في مجال النفسي.

لأنك و بكل بساطة تعاني من عقد نفسية تراكمت بسبب تجارب مريت بها.

و لن تستطيع مواجهة هذه العقد إلا بمساعدة طبيب نفسي.

أتمنى لك الشفاء العاجل.

اقتباس:

---

المشاركة الأصلية كتبت بواسطة استغفار

أنصحك بالذهاب لطبيب نفسي.
هو سيفيدك بطريقة علمية.

أفضل من تأخذ النصائح من أناس لايفهمون في مجال النفسي.

لأنك و بكل بساطة تعاني من عقد نفسية تراكمت بسبب تجارب مريت بها.

و لن تستطيع مواجهة هذه العقد إلا بمساعدة طبيب نفسي.

أتمنى لك الشفاء العاجل.

---

صحيح كلام اختي استغفار جزاها الله الف خير ونا معها بهاذه النقطه اسأل الله ان يفك عنك عقدتك وان يشفيك ويحفظك من كل شر

يعالجنا الطبيب اذا مرضنا .. فكيفا بنا اذا مرض الطبيبُ