: ثبات الوزن + الحديد +الكارديو + شهر رمضان
معلومات المتقدم بالاستفسار :
العمر : 21 , الجنس : ذكر
الطول :176 متر
الوزن : 92 كيلوجرام
عظامي عريض :
شكل الجسم : دهون بالبطن + شوية دهون بالفخذ
و الاستفسار كالتالي :
السلام عليكم ورحمة الله وبركاته .. ,,
--
--
--
شلونكم اخواني .. واخواتي ..,,
ندخل بالمووضوع
عندي كذا استسفار وصراحة يا اخوان محتار ومالقيت احد غيركم بعد الله عون وانتم محزمي وانتم عزوتي لا ضاقت فيني الدروب
1- وزني ثابت ما بين 92 و93 يعني كلما اوزن صارلي اكثر من شهر مع العلم ان الدهون بالكرش + الفخذ ؟
---------------------------------------------------------------
2- دخلت حديد من قبل ثلاث اسابيع والحمدلله كبتن ما قصر معاي (فترة تنشيف )
جدولي تسخين 15 دقيقة قبل لا ادخل : الحديد :
ا
ول يوم:( صدر + سواعد )بعدها30 دقيقة(لان اجهزة المشي بالنادي خربانة ويالله يالله تشتغل على المشي )
ثاني يوم : ( بيطان + ظهر ) 30 دقيقة مشي
ثالث يوم : راحة
رابع يوم :( باي وتراي ) 30 دقيقة مشي
خامس يووم :( اكتاف ومثلثات ) 30 دقيقة مشي
السادس : اعيد من اول الجدول + مشي 30 دقيقة
السابع : (الجمعة راحة )
ملاحظة : التكرار ما بين 15 - 20
اما الجولات من بين 3 الى 4
تنصحوني العب اربع ايام وثلاث ايام راحة ؟ ا
*** ملاحظة : رايكم بخصوص الجدول ؟ صحيح ولا يحتاج تعديل !؟ لاني بفترة تنشيف وبعد رمضان بدخل تضخيم
(صارلي ثلاث اسابيع العب )
-------------------------------------------------------------------
3- تعرفون شهر رمضان المبارك على الابواب ما بقى له شي وان شاء الله كل سنة ينعاد وانتم عارفين ان وقت ممارسة الرياضة راح يتغير وفوق هذا الانشغال سواء بالتعبد ولا مع الاهل
وانا ابيكم تحطون لي جدول تمارين حديد + كارديو ؟ انا راح العب حديد ثلاث ايام في الاسبوع + ثلاث ايام في اسبوع كارديو + معدة واليوم السابع (الجمعه راحة ) من الناحية الصحية مفيد ولا لا؟ لو طبقته بينفع معاي ؟
----------------------------------------------------------------------------------------------------------
4- وهل احتاج مكملات ولا لا (فترة تنشيف ) ؟ سوا حارق دهون او الخ .. >>
--------------------------------------------------------------------
فابيكم تحطووون لي ياريت منكم بالتفصيل ...
---------------------------------------------------------------------------------------------------
----------------------------------------------------------------------------------------------------
----------------------------------------------------------------------------------------------------
وربي يفتحها عليكم يارب .. ولا هنتو وماقصرتو
ادري مليت حبر واجد :p ... < مو ناوي تخلص يعني
ويعطيكم العافية وما قصرتو
:p
رد: : ثبات الوزن + الحديد +الكارديو + شهر رمضان
وعليكم السلام ورحمة الله وبركاته
اقتباس:
1- وزني ثابت ما بين 92 و93 يعني كلما اوزن صارلي اكثر من شهر مع العلم ان الدهون بالكرش + الفخذ ؟
ثبات الوزن سببه الدايت ..شكلك حارم نفسك من الاكل
عموما خذلك فكره عن الدايت من الموضوع المثبت بالعام
اقتباس:
تنصحوني العب اربع ايام وثلاث ايام راحة ؟ ا
المفروض خمس الى ستة ايام
اقتباس:
*** ملاحظة : رايكم بخصوص الجدول ؟ صحيح ولا يحتاج تعديل !؟ لاني بفترة تنشيف وبعد رمضان بدخل تضخيم
(صارلي ثلاث اسابيع العب )
لاتدخل تضخيم الا اذا صارت نسبة الدهون تحت ال14%
اقتباس:
وانا ابيكم تحطون لي جدول تمارين حديد + كارديو ؟ انا راح العب حديد ثلاث ايام في الاسبوع + ثلاث ايام في اسبوع كارديو + معدة واليوم السابع (الجمعه راحة ) من الناحية الصحية مفيد ولا لا؟ لو طبقته بينفع معاي ؟
لا غيّر هالنمط
التزم بهذا الجدول ومارس الكارديو بعد التمرين بمعدل ثلاث مرات اسبوعيا وبقية الايام مشي رياضي لمدة 40 دقيقه
اليوم الاول/ صدر + بطن علوي
الثاني/ ظهر وقطنيه + سواعد
الثالث/ اكتاف وترابيس + جوانب
الرابع/ راحــه
الخامس/ باي وتراي لكل عضله ثلاث تمارين + بطن سفلي
السادس/ارجل كاملة
السابع/ راحــه
وقبل التمرين سخن لمدة 5-10 دقائق
اقتباس:
4- وهل احتاج مكملات ولا لا (فترة تنشيف ) ؟ سوا حارق دهون او الخ .. >>
خذلك من الصيدليه
ملتي فايتمن + بيومارين
وعندك واي بروتين نكهة فراوله أو ايزو100
بالتوفيق
رد: : ثبات الوزن + الحديد +الكارديو + شهر رمضان
كبتن انا جدولي اربع ايام حديد بالاسبوع
هل استمر عليه
ما اني ما العب ارجل لان الفخذ عندي عريض واخاف اذا تمرنت يزيد عرضها
؟ اربع ايام بالاسبوع حديد
وباقي الايام الثلاث كارديو + مشي ؟
ينفع
رد: : ثبات الوزن + الحديد +الكارديو + شهر رمضان
لو عندك ظروف تجبرك على التمرين اربع ايام فالظروف تحكم ...
لكن لو ماعندك شي فالاولى خمس ايام وهذا الي اايده لك
بخصوص الاارجل العبها طبعا
وهذي خرافه متداوله عن الشباب انه اذا لعبت الارجل راح تكبر وتزيد حجم الارداف ..كلها افتكاسات اضرب بها عرض الحائط
