ميجا ماس ولا سوبر برو فيول

معلومات المتقدم بالاستفسار :
العمر : 20 , الجنس : ذكر

الطول :166 متر
الوزن : 59 كيلوجرام



و الاستفسار كالتالي :
السلام عليكم

عمي كان يلعب حديد بالسابق وعنده ميجا ماس 4000 وقالي اخذه ونصحني فيه ويعطيك بور قبل التمرين واخذه قبل التمرين وبعده ( علما انه ما يدري اني اخذ بروتين اساسا اللي هو سوبر برو جينر فيول )

ف وش رايكم بهلكلام علما اني قريت عنه بموقع البدي بلدنق لا يقارن اصلا بالبرو جينر ( البرو جينر افضل منه كثير )

واقدر اخذ برو جينر قبل التمرين وبعده ؟؟

بالنسبة جبنة قريش شريتها هل اكل حبه كامله ولا كم ملعقة بالظبط ؟؟

مثل كلامك اكيد الافضل البرو قينر

وتقدر تاخذه قبل التمرين بساعتين او ساعه ونص يعطيك كارب للتمرين

طيب اخوي اذا متغدي وحده ونص واروح التمرين 3 او 3 ونص متى يمديني اخذه ؟؟

اذا كذا ماتحتاجه اساسا خلي غدائك غني بالكارب والبروتين وخذه هو قبل الغدا بساعتين او ثلاث افضلك

واذا حبيت تاخذه كذا خذه 2 ونص

الله يعطيك العافيه

بالنسبة جبنة قريش شريتها هل اكل حبه كامله ولا كم ملعقة بالظبط ؟؟

ما قصر أخونا بردان الله يجزاه خير

لكن من وجهة نظري ما أييد أنا فكرة قبل التمرين أبدا

إذا كنت تاكله مرتين أفضل من وجهة نظري تخليه بعد التمرين وتخليه قبل النوم

والله يوفقك... لووودي

صحيح وانا معك لودي بس معك بحالة كون البروتين عادي قليل الكارب
اما البروتينات عالية الكارب مثل السيريس ماس والبرو قينر فيووول
بالعكس بقوه صراحة أأيد استخدامه قبل التمرين مع انه دائما وابدا الاولية للاكل الطبيعي يعني لو اخذت ثلاث ملاعق شوفان او بطاطسه افضل لكن كامكمل غني بالكارب ماشوف فيه خطا استخدامه قبل التمرين

واحترم رأيك حبيبي

اقتباس:

---

المشاركة الأصلية كتبت بواسطة بردان1

صحيح وانا معك لودي بس معك بحالة كون البروتين عادي قليل الكارب
اما البروتينات عالية الكارب مثل السيريس ماس والبرو قينر فيووول
بالعكس بقوه صراحة أأيد استخدامه قبل التمرين مع انه دائما وابدا الاولية للاكل الطبيعي يعني لو اخذت ثلاث ملاعق شوفان او بطاطسه افضل لكن كامكمل غني بالكارب ماشوف فيه خطا استخدامه قبل التمرين

واحترم رأيك حبيبي

---

يسلمووو بردان
وش دعوة حبيب قلبي أنت بردان
أنا ماهو قصدي رأيك خطأ لا لا ياقلبي أنت إذا ما كنت أخبر مني أنت معلمنا

لكن فقط وجهة نظر علشان كذا كررت هالكلمة مرتين
ورأيك قوي ما يحتاج
ودائما أنا أقول كل الآراء صحيحة لأن كل جسم له رأي يناسبه

شفت الميجاماس أنا مجربه بالنسبة للي زي معدتي ياخي ثقيل شوي ما يصلح لي قبل التمرين أبد إلا قبل بساعتين ممكن وأصلا على وقتي بعد لو قبل بساعتين يصير توني مخلص من الغداء مثلا

فعشان كذا أخليه بعد التمرين وقبل النوم علشان لضرورته

وبعد هو يقول ياكل مرتين بس
علشان كذا قلت بعد التمرين لأنه في وجهة نظري أقوى وقت يحتاجه العضلات والثاني أثناء النوم خصوصا لو كان نومه طويل لضرورته

يعني إنا ما أييد لعدة أسباب:
الأول: علشان قبل التمرين فيه ناس معدتهم ما يهضم الأكل بسرعة فيبقى في معدته لين يتدرب بعدين لا قدر الله يحس بالغثيان وقد حصلت لواحد عندنا في النادي
الثاني: علشان وقت قبل التمرين وبعد التمرين قصير أنا دايم أخلي وقت بينهم لضمان الإستفادة الكاملة للمكمل علشان لا يصير زي الفائض
الثالث: لو حطيت قبل التمرين ماراح ياكله قبل النوم وهو عندي مهم جدا لأن العضلات تحتاج له خصوصا في وقت طويل لنومه .. وعلشان كذا جا الكازيين
الرابع:علشان ياكل شي قبل التمرين شي خفيف أخف من البروتين


وأبد من عندي أسمع كلام بردان ترى هو أخبر مني الله يخليه لأهله


وأعيد وأكرر لبعد قلبي بردان ترى أنا الي استفيد منك ماهو أنت الي تسفيد مني وأنت معلمنا

والله يوفق الجميع ,,, لوودي

ههههه لالا حبيبي والله كلنا نتعلم من بعض وبالعكس انا مافيه شي جبته وتعلمته بهاللعبه الا بفضل الله ثم بفضل هالمنتدى والاعضاء الخيرين واحسبك منهم بإذن الله

ولاتفهمن بردي اني بعد اغلط رايك لا بالعكس وحجتك جداااااا قويه
هو سال فقط عن اذا كان يقدر ياخذه قبل التمرين اجبته بنعم قبل بساعتين او ساعه ونص يعني مثل ماتفضلت انت تفاديا للتخمه والشعور بالثقل وبعدين ذكر انه يكون متغدي قبل ذكرت له انه اذا كذا مايحتاجه وخليه قبل الغداء بثلاث ساعات الي هو الوقت الي يكون بين الفطور والغدا
وهو صراحه ماذكر انه ياكله مرتين فقط باليوم واذا بس يبي مرتين انا مع رايك صراحة قبل النوم وبعد التمرين لكن كانت اجابتي مقتصره عن جرعة قبل التمرين فقط ولم اعلم انه اذا اخذه قبل التمرين ماراح ياخذه قبل النوم
وبالنسبة لجرعات البروتين ماراح تفرق كثيير بالجرعات اهم شي تكون متوووزعه خلال اليوم بين الوجبات حتى تكمل الناقص ويستمر الغذاء على الجسم

ع العموم وفقك الله اخي لودي وانت ممن استفدت انا وغيري منك والله بهالمنتدى والله يجزيك على نيتك

بالتوفيق جميعا واسفين ع الاطالة :) ودي واحترامي

اقتباس:

---

المشاركة الأصلية كتبت بواسطة بردان1

ههههه لالا حبيبي والله كلنا نتعلم من بعض وبالعكس انا مافيه شي جبته وتعلمته بهاللعبه الا بفضل الله ثم بفضل هالمنتدى والاعضاء الخيرين واحسبك منهم بإذن الله
الله يجزاك خير يارجال أنا مثلك تعلمت منك ومن المنتدى
ولاتفهمن بردي اني بعد اغلط رايك لا بالعكس
لا يارجال ... الله يرضى عليك ... لو تبيني أحلف لك ... وأنا عارف كمال أجسام آراااااااااااااء كثيييييييرة ودايم الي ضد رأيي ولايحترم رأيي ... (ماهو مثل أخلاقك يحترم ويقدر جعل والديك في الجنة قل آمين)... يتهاوش معي على أن رأيي خطأ ولا يصلح لأي آدمي في العالم ولا يتفاهم هذا ودك تنزل عليه بار شاييل وزن ثلاث بليت على وجهه ههههههه.....فعلا ناس جهل .. في المنتدى يإني تهاوشت مع ناس ههههه بس الحمدالله واحد سكت برد كثر هالصفحة والثاني الله يجزاه خير كان متفاهم ونقاشنا قوي..

هو سال فقط عن اذا كان يقدر ياخذه قبل التمرين اجبته بنعم قبل بساعتين او ساعه ونص يعني مثل ماتفضلت انت تفاديا للتخمه والشعور بالثقل وبعدين ذكر انه يكون متغدي قبل ذكرت له انه اذا كذا مايحتاجه وخليه قبل الغداء بثلاث ساعات الي هو الوقت الي يكون بين الفطور والغدا
وهو صراحه ماذكر انه ياكله مرتين فقط باليوم واذا بس يبي مرتين انا مع رايك صراحة قبل النوم وبعد التمرين لكن كانت اجابتي مقتصره عن جرعة قبل التمرين فقط ولم اعلم انه اذا اخذه قبل التمرين ماراح ياخذه قبل النوم
وبالنسبة لجرعات البروتين ماراح تفرق كثيير بالجرعات اهم شي تكون متوووزعه خلال اليوم بين الوجبات حتى تكمل الناقص ويستمر الغذاء على الجسم

أووه ممتاز أنا مع رأيك هذا بالتفصيل الي ذكرته الله يوفقك.. أنا ما نتبهت لذا التفصيل قريت قبل التمرين فقلت رأي عنه... لأن أكرهه قبل التمرين هههههه استغفر الله
وقايلك ما ني مثلك فاهم ماشاء الله عليك

عالعموم وفقك الله اخي لودي وانت ممن استفدت انا وغيري منك والله بهالمنتدى والله يجزيك على نيتك
وياك ياربي
ولي الشرف إن تناقشت معاك
واسفين ع الاطالة
إيه والله صادق لا يجينا أبو منصور يقولنا قاعدين تسولوفون هنا خخخخخخخخ

والله يوفق الجميع.. لوودي

---

(ودك نقاشنا حاطينه في موضوع لحاله:silly:)

جزاكم الله خير جميعا والاختلاف بوجهات النظر وارد وبصراحه انا اكثر واحد استفدت منكم

يعطيكم العافيه جميعا وعساكم ع القوة وكل عام وانتوا بخير مقدما ..