[ مسابقة رمضان ( Nintendo ) ] **::::: سلسلة SUPER SMASH BROS :::::**
رد: [ مسابقة رمضان ( Nintendo ) ] **::::: سلسلة SUPER SMASH BROS :::::**
تسلم على الموضوع زورو :)
سوبر سماش بروس هي أكثر لعبة جماعية إدمانية على وجه الأرض .. ما راح يعرف هالشيء إلا مجربين اللعبة
يكفيك أن أكثر إلى أعرفهم يلعبون اللعبة لأكثر من سنة وبشكل متواصل
ممكن شخص للوهلة الأولى يشوف اللعبة مجرد لعبة قتال طفولية .. اللعبة في نوع من الإحترافية للي يلعب اللعبة لفترة طويلة ويحترف شخصية معينة صعب جدا تغلبه
أعرف واحد من الربع محترف بـجقليبف ... راح تنصدم بمستواه يوم تلعب معاه .. صعب جدا حتى تضربه رغم إنها شخصية عادية
بالنسبة لشخصيتي المفضلة في اللعبة فهي لينك .. من جزء الجيم كيوب وأنا ألعب بلينك .. وولد عمي يختار كيربي من أيام الجيم كيوب بعد .. ههه ما أعرف شو يعيبه في كيربي والحين أخواني يقلدونه يوم نلعب يسون عصابة ضدي
مجموعة من الكيربيز * لايت يير بلينك
أحلى شيء وللي يخليني أضحك عليهم لين ما أدمع .. إنهم يتعاونون عشان يطلعوني وبعد ما أخسر يبدون يخونون في بعض :silly:
اقتباس:
اتذكر بنفسي يوم صدور اللعبة وكيف كان المحل مزدحم بسببها
لوول أي محل هذا .. أذكر أنا وربيعي كنا في محل قبل لا توصل اللعبة ( اللعبة كانت بتوصل في نفس اليوم )
جلسنا شوي نسولف ويا البياع وقالنا إن اللعبة عليها طلب كبير حتى وهي بعدها ما وصلت
ربيعي ضحك مع البياع وقاله : يعني ناوي تبيعها علينا بسعر غالي عشان عليها طلب
قاله أنتوا راح أبعيلكم إياها بسعر زين لأنكم زباين عندي
شوي و دخل واحد والعدد يزداد الي ما أنترس المحل من الزباين وكلهم يبغون سماش .. أشوى نحنا كنا جالسين داخل عند البياع ولا كان طلعنا برع المحل من الزحمة .. المهم أستلمنا نسختين من اللعبة وطلعنا بسلام من الملحمة الي صايره
زورو بالنسبة لنسخة DS الغير رسمية عطني رأيك فيها لأني ناوي أجربها .. أقدر أحمل اللعبة وألعبها على طول ولا في متطلبات ثانية
أنا واضع أمل كبير على نسخة Wii U من اللعبة .. أونلاين محترم لسوبر سماش يقدر يخليها من أفضل ألعاب القتال في التاريخ
تشكر زورو على الموضوع المميز
رد: [ مسابقة رمضان ( Nintendo ) ] **::::: سلسلة SUPER SMASH BROS :::::**
وعليكم السلام ورحمة الله وبركاته
وآخيرا موضوع عن اللعبه الشهيره SUPER SMASH BROS
وكاتب عن السلسله كلها بعد ^^
اقتباس:
هي لعبة قتالية تضم شخصيات نينتيندو كماريو ولينك و كيربي ودونكي كونج وغيرهم حيث التحدي يبدأ
في حلبات القتال محاول كل شخص ان يركل الاخر خارج الحلبة
تعجبني العاب مثل هذي الآلعاب إلي تجمع شخصيات من العاب ثانيه
اللعبه تذكرني بـ Dissidia Final Fantasy
جامعين فيها كل شخصيات سلسلة Final Fantasy ونفس الشي اللعبه قتاليه
اقتباس:
SUPER SMASH BROS RUMBLE
اللعبه موجوده على DS وآنا مادري
خلاص بلعبها X3
موضوع رائع منك XORO
وعن السلسه الشهيره إلى ولا مره لعبتها ودايما نفسي العبها
بما آني عرفت آن لها جزء على DS خلاص بلعبها
آشكرك مره ثانيه على الموضوع الجميل ^^
رد: [ مسابقة رمضان ( Nintendo ) ] **::::: سلسلة SUPER SMASH BROS :::::**
LightYear : حياك الله اخوي المحل اللي اقصده محل شارع الالعاب في دبي وبالنسبة للعبة انا ما اعرف اللعبها واذا فزت اكون فزت بالحظ ^^
نسخ الـ DS حاليا فيها كم شخصية مثل ميوتو وماريو وتون لينك والصوت في اللعبة مزعج كون اللعبة غير كاملة هذا فيديو عن اللعبة وطبعا اللعبة
ما تحتاج الى مواصفات بس حملها وشغلها على اي قطعة تهكير
http://www.youtube.com/watch?v=SpgtiSY70K4
Etro : انا لعبت Dissidia Final Fantasy بس الفروق بين اللعبتين كثيرة منها ان فاينل فانستي تقدر تتجول في الحلبة 3D اما
سوبر سماش فما عندك غير اللعب الجانبي
واذ عندك Wii انصحك تجرب اللعبة عليه
مشكور على ردك بارك الله فيك
رد: [ مسابقة رمضان ( Nintendo ) ] **::::: سلسلة SUPER SMASH BROS :::::**
[/QUOTE] لم العب احد اجزاء اللعب وانتظرها على 3DS وWIIu وا أشكرك :)
رد: [ مسابقة رمضان ( Nintendo ) ] **::::: سلسلة SUPER SMASH BROS :::::**
اذا عندك Wii فجرب نسخة براول او حتى ميلي الخاصة بالـ GameCube لان اللعبة روعة وما تتفوت
بالنسبة لنسخة Wii U و 3DS فشكلها بتطول يعني ما بنشوفها قبل 2013 :ponder:
شاكر لك ردك اخوي شرفتنا بوجودك :)
رد: [ مسابقة رمضان ( Nintendo ) ] **::::: سلسلة SUPER SMASH BROS :::::**
اقتباس:
المشاركة الأصلية كتبت بواسطة XORO
اذا عندك Wii فجرب نسخة براول او حتى ميلي الخاصة بالـ GameCube لان اللعبة روعة وما تتفوت
بالنسبة لنسخة Wii U و 3DS فشكلها بتطول يعني ما بنشوفها قبل 2013 :ponder:
شاكر لك ردك اخوي شرفتنا بوجودك :)
ماعند ي كيوب ولا ميلي و جزء الوي يمكن اشتري
