صورة جسمي وملاحظاتكم ياهل الخبره

معلومات المتقدم بالاستفسار :
العمر : 21 , الجنس : ذكر

الطول :176 متر
الوزن : 74 كيلوجرام

نسبة الدهون : 24

و الاستفسار كالتالي :
السلام عليكم
حبيت اوريكم صورة جسمي
مو عاجبني بنسبه لشخص له سنه ونص بالنادي
طبعا العب طبيعي ابي ملاحظاتكم

وبنسبه للباي احس انو صغير عندي وماذبحني غير الفلسفه الزايده
بعضهم يشد بتدريبات يقول فجره وبعضهم يقول لا غلط انت تحرقه العب قليل
ياليت مايرد غير الخبير انا بغنى عن الفلسفه الي اواجها بنادي

طبعا الدهون عندي مرتفعه ومتركزه بصدر اكثر شيئ فكرت اخذ كورس قروث
لان في واحد هنا حاط تجربته كان جسمها دب تعبان وبعد القروث صار كابتن
واحس الجسم له حد معين ويقفل مايتضخم غير بكورس
والمشكله بعض الناس ياخذ كورس ويصير وحش ويقول لغيره لاتاخذ ضار ومدري ايش
يعني انت نفخت نفسك وماتقدر معاناة غيرك ؟ احس فيها نوع من الانانيه

دمتم بود

ماشاء الله جسمك ممتاز الاكتاف والصدر ممتازة حاول تركز اكثر عل صدر


بالنسبة للباي اخوي بنصحك تلعب سوبر سيت لمدة اسبوعين لعضلة الباي وتنوع بالتمارين وان شاء الله تلاحظ فرق , وتحاول تزيد بالاوزان

اخوي بس بعلق على نقطه وحده (بترك سالفه الباي لأنك طلبت راي خبير وانا غير خبير)

1. لك سنه ونص بالنادي
2. عمرك 21
3. جسمك صغير << اقصد للحين ما وصلت حدك في بناء العضل
4. تلعب طبيعي << فهمت من العباره + بما انك ما حطيت مكملاتك فأظن انك ما تتناول اي نوع من المكملات

بعد هذه النقاط الاربع (وخلنا نقول 3 بافتراض انك تاخذ مكملات) هل تحس روحك مؤهل لكورس هرموني؟
لا عمرك الفعلي ولا عمرك في اللعبه يسمحون لك انك تدخل كورس هرموني، بتقول لي اصحابك او ربعك في منهم دخلوا ونجحوا؟ هم راهنوا وربحوا (مع ان المخاطره كبيره في هالسن) هل تضمن انك تراهن مثلهم وتنجح بعد؟
وبعدين يا طويل العمر في كثير ناس حاطين عباره ان الجسم له حد ويوقف كعذر حق يدخلون في الهرمون، صحيح ما اختلف معاك ان الجسم له حد ويوقف، لكن انت توك، امامك درب طويل لي ما تبني جسمك حتى يوصل الى حده ( وان شاء الله بعدها ابد ما تفكر في الهرمون)

واللي ياخذ هرمون وما ينصح غيره به، ياخي هذا من خوفه عليك، يمكن هو راعي بطولات او هو لاعب خبير وعارف اللي له واللي عليه، وعارف بالمخاطر اللي هو مقبل عليها، وعارف ان جسمه ما راح يكبر ابد الا بالهرمون (بعد ما وصل جسمه الى اقصاه بالحاله الطبيعيه، من غذاء ممتاز ومكملات وتمارين) وهو يدري ان غيره يمكن للحين في بدايتهم بس يبون الطريق المختصر وهذا من قله معرفتهم باللعبه

وبعدين اخوي انت تشتكي من ضعف الباي (معليه بس بتطرق للنقطه قبل ما اختم كلامي) انت ما ذكرت انواع التمارين اللي تتمرنها ولا الاوزان اللي تشيلها، حتى يكونون الاعضاء على بينه في ان الخلل من وين

وان شاء الله كلامي ماهو ثقيل عليك واسحملي اخوي

يعطيكم العافيه ع الردود وكلامكم ع العين والراس
بنسبه لتدريبات الباي العب بار ضيق وواسع + تبادل همر + تكوير+ تبادل ع الكرسي
الوزن 10 كيلو و12 احس في ضعف بالاوزان يعني بالكثير 15 العب غيرها مافي امل

اخوي اتضحت عندك المشكلة , وهي بزيادة الاوزان

اخوي ماتخاف من الوزن الجديد والعبه وزيد وزن واذا كان معاك بارتنر راح يساعدك بحمل اوزان اثقل

بالتوفيق

ماقصروا الشباب وانصحك تاخذ واي بروتين + كرياتين مونوهيدرات لانه لك فتره تتدرب وجسمك مازال صغير بالاضافه الى الاهتمام بالاكل والراحه والتمرين

المشكله كل مازدت الوزن صار التمرين مو بالاداء المطلوب وتعرفون هالشيئ
وكثير قالي لا تشيل وزن كبير لانك ماراح تنفذ التمرين بشكل صحيح وماتستفيد وهذي احد الاشياء الي تحيرني

ويعطيكم العافيه ياكباتن

اخوي استعملت مكملات ؟ وشلوون تعذيتك واوزانك حيل خفيفه باالنسبه للاعب يلعب سنه ونص فصلنا طريقتك في التمرين وتقسيم العضلات لاجل نفيدك صح

الناس تقول بس انت تقدر تدرب على الوزن الثقيل مو شرط تلعبه ثلاث مرات
العبه في اخر مره حتى لو شلت 6 صح من 8 حلو والباقي مع مساعده ضبطها المره الجاية تسوي فيها 8 لحالك ،،

تعلم التدرج يعني العب اول مجموعة 5 طبعا لانك دايم تلعب 10 و10 ثقيلة عليك نوعيا ثم الثالثة خلها 15 واعب على 8 تكرارات اذا انت لحالك وسويت 4 وتحس نفسك مو قادر تكمل عادي قط الوزن وانزل الي 5 وسوي تكرارات الين تخق عضلتكـ ،،

ولا تكترث لكلام الناس كثير لان مو اي احد ينصح في ناس تنصح لانها تلعب ولو تقولهم ركبو تمارين على بعض قالوا ما نعرف ،،
يعني مافي معرفة بس يتفلسف ،،

وبالتوفيق ان شاء الله ،،

يفضل ترفع اوزانك شوي شوي يعني تزيد كل اسبوع 3 كيلو

وصدقني راح تحس بضخامتها وتقدر تمرنها 3 مرات بالاسبوع ماعندك مشكله ..!

يعطيكم العافيه بنسبه للباي معطيه مره بالاسبوع
وان شالله بزود الاوزان واتبع الخطوات
ماقصرتو بيض الله وجيهكم