منقطع عن الرياضة من زمان والعضلاات صفر . . ينفع العب حديد؟

معلومات المتقدم بالاستفسار :
العمر : 26 , الجنس : ذكر

الطول :178 متر
الوزن : 77 كيلوجرام



و الاستفسار كالتالي :
اسعد الله اوقات الجميع بالخير والمسرات . .

لدي استفسار او تساؤل واكيد عند وحوش المنتدى الخبر اليقين . .

للاسف انا شخص غير رياضي وانقطعت عن ممارسة الرياضة من عمر 17 تقريبا وقت ما كنت العب كورة يوميا تقريبا . . الان العمر 26 يعني تقريبا 9 سنوات وانا منقطع عن الرياضة . .

الجسم بالتأكيد ترهل والعضلات انمسحت تماماً يعني تقدر تقول العضلات صفر . .والجسم هزيل وطايح مره . . طبعا لاحظت على نفسي الكسل و التعب بسرعة بسبب قلة اللياقة . . يعني نمط حياتي ونشاطي وحركتي نفس نشاط وحركة واحد عمره 50 او 55 سنة . .
اذا وانا في 26 حاسس بهالكسل والتعب اجل اذا وصلت لل40 كيف باكون . .
لذلك قررت احاول امارس رياضة واشد جسمي شوي ودخلت نادي ولي الان فيه شهر تقريبا 45 دقيقة يوميا . . سير كهربائي ودراجة واوربت تراك لمدة 25 دقيقة و20 دقيقة في المسبح . .

الحمد لله الياقة ارتفعت شوي لكن الجسم هو نفسه ماتغير . . يعني لا الجسم انشد ولا العضلات تغيرت . .
فكرت العب حديد لكن اتوقع صعبه عضلات ما تحركت بقوة ل9 سنوات . . اشيل فيها اوزان او اضغط عليها بقوة . . ايضا خايف من مشاكل الظهر لاني اشعر فيه مثل الثقل وبعض الالم احيانا واتوقع بسبب كثرة الجلوس وعدم الحركة . .

سؤالي ياوحوش المنتدى . . ايش تنصحوني فيه عشان اشد الجسم و ابني شوية عضلات . . العب حديد او امارس تمارين معينة (سويدية او كارديو او . . ) , او فيه طريقة افضل لشد الجسم وبناء العضلات ؟

اخي انت ليك فتلره معقوله شهر كويس يعني حركت جسمك شوي وبالنسبه لوزنك ممتاز ماعندك زيادة وزن ولو نعرف نسبة الدهون عندك يكون افضل ) وانصحك انك تهتم بالتغذيه والراحه وتبدأ تتمرن بالحديد مع شخص عنده خلفيه لكي يوريك التمارين صح وتبدا كوكتيل يعني تمارين حديد مشكله بحيث تبدا العضلات تشتغل وطبعا اوزان حتكون خفيفه جدا والبار فاضي لمد 21 يوم مثلا بعدها تدخل بجدول وان شاء الله راح تشوف تحسن

بالعكس ياخوي حتى لو لك سنين ما مارست الرياضة مافيه مانع إنك ترجع تمارسها سواء حديد أو غيره
موفق أخوي

أدخل لياقة إسبوع وبعدها أبدأ شامل إسبوعين وبعدين تخصيص

وانا اخوك انت لك 9 سنوات تبني في جسمك وخليته هالشكل !

كيف تبغى تغير شكلك في شهر ؟!

خل نفسك طويل ,, واستمتع وانت تمارس الرياضه , وخلها واجب يومي تسويه ,, وراح تحصل نفسك متغير في فتره سريعه ,,

اما عن الحديد ,, لا يمديك وانا اخوك تدخل حديد ,, لان لك شهر وانت تحرك عضلاتك ,,,

ادخل تنشيف ,, كلم المدرب وقله بنشف ,, وراح ينقص وزنك ,, ويتغير جسمك ,,

بس الله الله بالتغذيه ,, يعني لا تحرم نفسك مرره ,, عشان جسمك لا يدخل في مرحلة المجاعه , واول ما يجيه اكل يخزنه على شكل دهون ,,

انت نقص اكلك بالتدريج حبه حبه ,,

اتمنى اني افدتك وانا اخوك ,,

لاتنساني من دعاءك