مبن جرب يشتري مكملات عن طريق ارامكس + خبر من احد موظفي أرامكس بخصوص المكملات

السلام عليكم

رمضان كريم على جميع الأخوان هنا

قبل أسبوع تقريبا مريت على أرامكس على أساس أستلم شحنة وصلتني ( مكة المكرمة - فرع النزهة ) , سألت الموظف قلتلوا أنا ناوي أطلب مكملات مثلا ايش وضعها عندكم والجمارك ؟
جلس يلف ويدور , قلتلوا هات من الآخر يعني تمشي ولا لأ ؟!

قلي على حسب , لو مثلا كانت بودر أو حبوب فيتامين أو شي زي كدا حتمر إن شاء الله , لو كانت حبوب أو أدوية مجهولة التركيب أو تصنف تحت بند العقارات فيها كلام وتتحجز !
الله أعلم

فـ مين جرب يطلب من أرامكس وعدت عشان ناوي اطلب كم حاجة وابا احد يديني تجربتوا عشان أتشجع !

؟ ؟ ؟ ؟ ؟ ؟

انا ! من موقع بودي بلدينج , ولامشوها , طلبيه 750 ريال راحت عليي

لا ياشيخ ! لو حاولت فيبها طيب ؟ وطلبت على رامكس ولا لا ؟

حاولت لين دخت , موقفينها الجمارك , وكلمت الجمارك لين فقدت الامل ولا استلمتها :(
تحصل احد الموظيفين شفطها , يعني اذا الموظف معاه الدوره انا ايش ذمبي ماتمشي طلبيتي , الله يعوض علينا

اسمعت لو عندك واسطة تمشي , وساعات الجمرك يمشوها الك ! انت وحظك

يس على ارامكس فرع الدمام

^^
راسلني وابشر

كيف يعني يا يوسف404 ؟؟

- - - -

هيا تكون في جمار المطار ؟

لا للأسف مايعدوها ،،، انا طلبت علبتين فيتامين د وعلبة فيتامين بي 12 ،، وانحجزت مدة اسبوعين الين واحد من الشباب في الجمارك جزاه الله خير عدالي هيا بعد طلوع الروح ،،، حسبي الله عليهم ....

والله ان اشتريت M-stack و Animal cut والشحن عن طريق ارامكس ووصلت ولله الحمد وفي وقت قياسي كمان
طبعا اول شيء ارسلتها على ورد شيب ورفض ثم ارسلتها لارامكس وماقصر الصراحه ...........
طبعا المسألة مسألة حظ ......... وربك يعين حتى تنحل هذي المشكلة .... او اننا نرسل للجمارك او هيئة الدواء والغذاء برسايل عشان يسمحون بمثل هذي الأشياء .

ودمت بود

والله نفسي أجرب شي بسيط بس اخاف تروح عليا واندم :(