عرض للطباعة
معلومات المتقدم بالاستفسار :
العمر : 24 , الجنس : ذكر
الطول :174 متر
الوزن : 72 كيلوجرام
و الاستفسار كالتالي :
السلام عليكم ورحمة الله وبركاته ... شلونكم إخواني ؟
أثناء البحث فاليوتيوب حصلت مقطع لروني كولمن وهو يفطر وطريقة إعداد فطوره اليومي وعرفت المقادير لكن للأسف ماعرفت الكميه بالضبط ,, قلت أسال الوحوش يمكن عندهم خبر ويفيدوني
وهذا مقطع الفيديو
ممكن طريقة الاعداد بالضبط مع الكميه المطلوبه للي عنده خلفيه فالموضوع
وشكرا
وش بتستفيد اخوي لو عرفت !!
وعليكم السلام
بالنسبه للمقطع تم حذفه ..
بخصوص الوجبه لاتعمل نفس المقادير لانه هو احتياجه مختلف عنك بكثير
ودامت عرفت المقادير فحاول توزنها وتقدر تستند لمواقع الكالوري لوحبيت تكون حسبتك شبه دقيقه
بالرغم من انه فطور عادي ..
ماشفت الرد قبلي ...
الله يعطيكم العافيه إخواني ,,, أخوي الغالي حمد أنا ناوي أفطر نفس فطوره وفعلاً شريت المقادير لكن بغيت أعرف طريقة الإعداد لو حد عنده خبر ..
أخوي الغالي بو منصور الله يعطيك العافيه ومشكور عالرد واسمحلي إذا وضع المقطع فالموضوع مخالف لأني ماكنت أعرف هالشي ..
مشكورين والله يعطيكم العافيه
ما شاء الله عليك يا خوي فيصل
روني مرة وحده
ههههههههههه
ياريت ترسل لي رابط المقطع عل الخاص
ودي اشوفه
ههههههههههههههههه لا ياخوي مب عشان روني يفطر هالفطور قلت بجربه لكن شكله خفيف ومغري تبي الصراحه
تم ارسال المقطع ومشكور عالمرور
اخوي فيصل
بالنسبة لروني فهو ياكل حسب وزنه واحتياجاته واعتقد بالنسبة لك صعبة لان روني وزنه فوق 120 كيلو يعني احتياجه للبروتين والكارب يختلف عن احتياجك ..
كلام كابتنا صحيح بالنسبة للكمية فهي عالية لشخص عادي . روني وزنه تقريبا في عام 2006 قبل البطولة 325 باوند .
وبالنسبة للقيم الغذائية لليوم
Calories: 5562
Fats: 150g
Protein: 546g
Carbs: 474g
وبالنسبة للكمية احسبها حسب وزنك
موفق
تسلم اخوي فيصل
بصراحه مقطع روعه
و ان شاء الله راحه اجرب
الطبخه الخطيره ههههه
شوفان و بيض و جبن مقادير بسيطه و مفيده
الله يعطيكم العافيه إخواني ومشكورين على التعليقات المفيده