ماهو افضل جدول للضخامه بالنسبه للمتوسط باللعبه

معلومات المتقدم بالاستفسار :
العمر : 24 , الجنس : ذكر

الطول :1.76 متر
الوزن : 73 كيلوجرام



و الاستفسار كالتالي :
السلام عليكم ورحمة الله وبركاته وكل عام والجميع بألف خير

واليوم كأني لمحت الأخ ذا كاست ابو منصور متصل ..فأهلا بعودتك وحياك الله...فيعلم الله إنها دعوه وصلتك في الشهر الفضيل ... واتمنى إن ضروفك تحسنت ...


طبعا في موضوع لي

قبل سنه وعليها كان وزني65 وحطيت موضوع وعطاني ابو منصور جميع المتطلبات والوجبات والمكملات والحمدلله وصلت إلى هدف منشود ..

والحين ناوي بعد العيد ابدا مرحلة ضخامه ثانيه ...لأني لاحضت قبل رمضان إن الوزن توقف على 73 كيلو جرام


طبعا اكتشفت إن هاللعبه ياشباب عباره عن فلسفه خاصة فيك ..وانا مشيت على اكثر من فلسفة مرات تمشي ومرات مافي نتايج وهكذاا
وايضا الشباب في المنتدى ينقلون خبراتهم عباره عن فلسفه لهم تأخذ إلي يفيدك وتجربه لأنه لايوجد شي سحري بعالم كمال الأجسام

ماعلينا من هذا كله ولكن حبيت اضيف معلومه

انا طبعا ريحت في شهر رمضان ولم اتمرن إلا يوم السبت والأربعاء صدر ورجول وبأوزان خفيفه وبفلسفه خاصه واعتقادات لي

النتيجه بعد رمضان الوزن ثابت وكمية العضل لم اخسرها بالشكل الرهيب

فالحمدلله يارمضان ريحتني وريحت جسمي من البروتينات والأمينو ونظفت لي الكبد وعطتيني راحه ...


والحين يا اخوان ناوي ادخل من بعد رمضان على كورس جديد وجدول ضخامه ولكن محتاج مشورة الكباتن لاعبي الخبره هنا

الكورس القديم وانا اتعامل مع الأخ ابو مالك kd والرجال كابتن ولاعب كبير في اللعبه وفادني بتعلميات ونصائح والأهم إنه رجال ثقه في مكملاته وهذا الأهم عشان ترتاح نفسيا مع كورسك


كان ولازال عن

سوبر قينر فيول +امينو تك+كرياتين

التغذيه حريص عليها جدا اكثر من المكملات ..


الجدول كان عباره

السبت صدر

الأحد
راحه

الأثنين
ضهر

الثلاثاء :
راحه
-الأربعاء
اكتاف
الخميس ارجل



بتلاحضون إنه مافي بالجدول باي وتراي
والسبب إني ابي اعطي الجسم اكثر وقت للراحه لإن الإستشفاء العظلي عندي بطئ واحس لو لعبت خمس ايام بالأسبوع النتايج عكسيه

وفي نفس الوقت ودي العب باي وتراي لكن عجزت القى جدول ادخل فيه الباي والتراي وتكون النتايج مضمونه ..

فكرت العب الصدر مع الباي بتمرين واحد للباي وكل اسبوع اشكل بالمسكه وبنوع التمرين ...رأي قد توافقوني عليه او لا ..

والتراي العبه مع الضهر بتمرين واحد وكل اسبوع اشكل ..حتى ما اطول بالتمارين لأني بالنهاية داخل ضخامه ومحتاج كل سعره حرارية وبمجهود اقل وبأوزان عاليه

فما ادري ماهو الجدول إلي راح يمشي صح ..


في الأخير قررت
يوم الأربعاء إلي هو يوم الأكتاف...اسبوع العب فيه الأكتاف والأسبوع إلي بعد اكنسل الأكتاف وادخل باي وتراي

والأربعاء إلي بعده ارجع للأكتاف ..وهكذاااا

لأن الأكتاف راح تشتغل مع معظم التمارين

وهذي بعد معتقد وفلسفه ..ولا اعلم إن كان هناك مكملات او محفزات ادخلها بالكورس للمساعدة في الإستفشاء العظلي

ما استغني عن ارائكم ومشورتكم ..

وآسف على الإطاله

واضف عليها

الكازين ,, بروتين بطئ الهضم
محفز تست ,, انيمال ام ستاك
واهم شئ تضيف لها الإكستند ( منتج يساعد على سرعة الإستشفاء ) ممتاز على حسب تجارب اخواني في المنتدى
وبكذا تقدر تضيف يوم للباي والتراي

واتمنى اني افدتك ,, لا تنساني من دعاءك وانا اخوك ,,

الله يجزاك خير...الكازين وانا اخوك فيه نسبه طيبه في السوبر قينر فيول

المحفزات يتم النظر إليها
الإكستند ممكن تضيف له صوره ؟
الله يعطيك العافيه وعيدك مبارك

تفضل وانا اخوك

http://www.bodybuilding.com/store/sv/xtend.html

وعليكم السلام ورحمة الله وبركاتة
وانت بخير وصحة وسلامه

اخوي انت ليش مصعب الامر
لا تعتمد على الاسبوع وتضيق على نفسك انسى كلمة اسبوع
انسى اسماء الايام سبت احد اثنين ثلاثاء اربعاء خميس جمعه
اهمل كل هالاسماء واعتمد على شي واحد

العب يوم وارتاح يوم
عندك 5 تمارين
صدر + ظهر + باي وتراي وسواعد + اكتاف + ارجل

العب يوم وارتاح يوم مثال على ذالك
اذا لعبت اليوم صدر اللي بعده راحه
من ثم تلعب ظهر وبعده راحه وهكذا
اتمنى ان كلامي واضح

اقتباس:

---

المشاركة الأصلية كتبت بواسطة Heartbeat

وعليكم السلام ورحمة الله وبركاتة
وانت بخير وصحة وسلامه

اخوي انت ليش مصعب الامر
لا تعتمد على الاسبوع وتضيق على نفسك انسى كلمة اسبوع
انسى اسماء الايام سبت احد اثنين ثلاثاء اربعاء خميس جمعه
اهمل كل هالاسماء واعتمد على شي واحد

العب يوم وارتاح يوم
عندك 5 تمارين
صدر + ظهر + باي وتراي وسواعد + اكتاف + ارجل

العب يوم وارتاح يوم مثال على ذالك
اذا لعبت اليوم صدر اللي بعده راحه
من ثم تلعب ظهر وبعده راحه وهكذا
اتمنى ان كلامي واضح

---

وهذا حل ممتاز ,,’

وانا كل ماقريت جدول تمرين في بدي بلدينق ولا مصل سرتنث , مايرتب الأيام باساميها ,,

يحط اليوم الأول واليوم الثاني واليوم الثالث ,, حتى اخر يوم ,, وتشوف الراحه مره تجي في بداية الأسبوع ومره في نهايته ,, ومره في الوسط ,,

اقتباس:

---

المشاركة الأصلية كتبت بواسطة Heartbeat

وعليكم السلام ورحمة الله وبركاتة
وانت بخير وصحة وسلامه

اخوي انت ليش مصعب الامر
لا تعتمد على الاسبوع وتضيق على نفسك انسى كلمة اسبوع
انسى اسماء الايام سبت احد اثنين ثلاثاء اربعاء خميس جمعه
اهمل كل هالاسماء واعتمد على شي واحد

العب يوم وارتاح يوم
عندك 5 تمارين
صدر + ظهر + باي وتراي وسواعد + اكتاف + ارجل

العب يوم وارتاح يوم مثال على ذالك
اذا لعبت اليوم صدر اللي بعده راحه
من ثم تلعب ظهر وبعده راحه وهكذا
اتمنى ان كلامي واضح

---

يعطيك العافيه ياكابتن وانت الصادق انا مصعب الأمر علي الصراحه اقتراح حلو اشكرك عليه ..

الله يعافيك
هذا بالضبط اللي انا ماشي عليه
لو تمشي على ان يوم السبت تمرين صدر ويوم الحد راحه ويوم الاثنين ظهر
طافك مثلاً تمرين الصدر بسبب ظروف تتوهق
تأجله للاسبوع اللي بعده
ولا تقعد تختار بينك وبين نفسك شنو العضله اللي تهمك تلعبها وتهمل الاخرى على حساب الاولة وتأجلها للاسبوع اللي بعده
يجب ان تعلم ان لو اردت مثلاً ان تكون عضلة الصدر او الظهر ضخمه لازم تهتم بالباي والتراي
لأن العضلتين هما من يساعدك على حمل الاوزان الثقيله
ايضا الاكتاف تعمل مع الاثنين ولذالك يجب ان تهتم بالعضلات بشكل عام
حتى الارجل الذي يهملها الكثير

على العموم لو لعبت بنظام يوم تلعب ويوم ترتاح
لنفرض لعبت صدر
ثم راحه ,, ثم المفروض ظهر لكن عندك ظروف مالعبت ظهر عادي تلعبه باجر وكأنك ارتحت يومين وتكمل :)
الامر هكذا اسهل

انا اشوف انها صعبه شخص يضبط جدولة بالاسبوع
لأنه لابد من يوم تكون عنده ظروف ومايتمرن
هل راح يضطر انه يهمل تمرين للاسبوع اللي بعده
او يلعب عضلتين بيوم واحد
افضل طريقة بالنسبه لي انا شخصيا أني العب بشكل عشوائي
يعني ما احدد يوم معين لعضله معينه
وجدولي حاليا العب يومين ويوم راحه
وبالتوفيق ان شاء الله

كلام جميل ومنطقي

بس لو على كذا بيصير بين كل عضلة امرنها لين مايجي يومها مره ثانيه فوق 8 ايام وانا اشوفه كثير بصراحه

يعني لو لعبت الصدر السبت
ماراح العبها مره ثانيه
إلا الأثنين

وكثر ماشفت مقاطع ومقالات وقريت كلهم يصرون إن العضله تتمرن بالأسبوع مره مع العلم تتطرقوا للي وزنهم صعب يزيد ويقولون نفس الكلام

السلام عليكم انا أمشي على نفس طريقة البرنامج

الأثنين صدر و تراي
الاربعاء طهر و باي
الجمعة أكتاف وسواعد
السبت أرجل
وبصراحة انا أفضل يوم تدريب ويوم راحة و أنسي أيام الأسبوع ولكن فيه مشكلة و هي انا gym في مدينتنا يغلق يوم الاحد لهدا لا يمكنني ان أتبع نهج يوم تدريب و يوم راحة في أنتطاركم شباب و عيد مبارك سعيد

اقتباس:

---

المشاركة الأصلية كتبت بواسطة crazy.eclipse

السلام عليكم انا أمشي على نفس طريقة البرنامج

الأثنين صدر و تراي
الاربعاء طهر و باي
الجمعة أكتاف وسواعد
السبت أرجل
وبصراحة انا أفضل يوم تدريب ويوم راحة و أنسي أيام الأسبوع ولكن فيه مشكلة و هي انا gym في مدينتنا يغلق يوم الاحد لهدا لا يمكنني ان أتبع نهج يوم تدريب و يوم راحة في أنتطاركم شباب و عيد مبارك سعيد

---

جدول معقول بس من ناحيتي لو لعبت هالجدول راح العب تمرين واحد للتراي وتمرين واحد للباي

والله من جد في انتضار باقي الشباب مالهم طلة وحوش المنتدى :)

ماقصر اخونا heatbeat