شباب شريت من موقع ومحجوزة اللحين في امريكا وش اعمل

شباب شريت بروكمبلكس وملتي فيتامين من موقع امازون
عشان البروكمبلكس ماحصلت ولا نكهة تناسبني غير الفانيليا عشان كذا شريتها من الموقع والملتي فيتامين اخذت علبه 180 حبة بب 80 ريال يابلاش
البارحه وصلت عنواني في امريكا
ولما راسلتهم عشان يرسلوها لي الى عنواني في السعودية قالوا انهم يبغون فسح من وزارة الصحه عشان يرسلوها لي وقالوا يبغون ادفع لرامكس 15$
من وين اروح اجيب هالموافقه من وزارة الصحة والله هذي هي البلشه

والله لو اني حصلتها هنا لاشتريها بس المشكلة البروكمبلكس ماناسبتني الشكولاته والفراولة والعيال هنا ماشاء الله مايجيبوا الا هذي النوعين بس عشان كذا قلت بجرب واشتري من برا
اللي عنده خلفيه على الموضوع يقول لي
واذا الموضوع مخالف ياليت ما ينقفل وينتقل لمكانه الصحيحه لاني في حيره والله
الله يسعد اللي يجاوب ويقول لي الحل

انا من راي تجرب الفرواله صدقني راح تدمنه وتحبه عن تجربه :)

انت قصدك تدفع 15$ عشان يرجوعها لك، قبل مايتلفوها. أو تجيبلهم فسح.
اذا تبغاني ادخلها لك راسلني ع الخاص (راح اخذ عموله طبعا)

أنا راسلتهم قالوا لي روح لمركز ارامكس وادفع لهم 15دولار وجيب لنا فسح من وزاره الصحة واحنا نرسلها لك أنا كلمت واحد من الشباب وقال بيشوفها لي يوم الأحد واذا ماحصلت فايده منه مالي بعد الله الا انت ياخوي تساعدنيومن وين اجيب الفسح ياغالي*

الله يعينك أخوي المشعل1

انا مثلك كنت ناوي اشتري مكملات عن طريق النت .. بس شفت كثير يشتكو من حجز البضاعة في الجمارك .. هونت بعدها

ولو اني مثلك نفسي اشتري من النت لأن السعر ارخص .. مثال : الأوبتي من هنا سعر الـ 90 حبة بـ 100 ريال .. اما من النت سعر الـ 180 حبة بـ 80 ريال

والبروتين البروكمبلكس انا كنت أبي فانيليا بس ما لقيت واشتريت فراولة .. الصراحة طعمه جييييد سواء بالحليب او بالماء

والله كنت ناوي اشتري منتجات اكثر بس الحمدلله ماشريت قلت بجرب منتجين وشوف
وان شاء الله تتيسر وتوبه ماعاد اشتري

الحال من بعضه!
أنا بعد لي بضاعة بمية دولار رافضين لا يرسلونها إلا بتصريح!

يؤ
طيب من الي يرفض ؟
يعني نفس الموقع الي شريت منه ولا كيف
وماتقدر ترجعه لهم ويرجعون لك فلوسك ؟

اقتباس:

---

المشاركة الأصلية كتبت بواسطة بردان1

يؤ
طيب من الي يرفض ؟
يعني نفس الموقع الي شريت منه ولا كيف
وماتقدر ترجعه لهم ويرجعون لك فلوسك ؟

---

والله وانا خوك ارامكس تقول مانقدر نرسلها لك الا بفسح ترسله لنا من وزارة الصحة الله لايبارك فيهم

المفروض .. تعرف قبل لا تشحن :

* ارامكس تقريباُ من قبل عام .. منعت المكملات الغذائية مع انها قبل كذا كانت تشحن عادي

* الحل الوحيد للشحن هو البريد السعودي (واصل عالمي) .. و البضاعة تجيك لعندك و كلو تمام
اللهم بس التاخير اللي يصير في التوصيل

صار حوار بيني وبين ولد عمتي وهو شخص دايم يستخدم امزون في طلبيته ،،

وقالي اذا ما وصلتك الشحنه حتى لو الغلط مو من امزون راسلهم ويرجعون لك فلوسكـ ،،

راسلهم وقولهم الشحنه ما وصلتني او ضاعت او محجوزه وشوف اش يقولون لكـ ،،

بالتوفيق يا بطل ،،

اقتباس:

---

المشاركة الأصلية كتبت بواسطة Rashed.S

صار حوار بيني وبين ولد عمتي وهو شخص دايم يستخدم امزون في طلبيته ،،

وقالي اذا ما وصلتك الشحنه حتى لو الغلط مو من امزون راسلهم ويرجعون لك فلوسكـ ،،

راسلهم وقولهم الشحنه ما وصلتني او ضاعت او محجوزه وشوف اش يقولون لكـ ،،

بالتوفيق يا بطل ،،

---

راسلتهم قالوا لي عادي اقدر ارجعها واخذ فلوسها كاملة اذا رجعتها خلال شهر
بنتظر هاليومين وشوف وش بيصير واذا مافيه برجعها
ومشكور ياغالي على اهتمامك وسؤالك

اقتباس:

---

المشاركة الأصلية كتبت بواسطة SPORT 11

المفروض .. تعرف قبل لا تشحن :

* ارامكس تقريباُ من قبل عام .. منعت المكملات الغذائية مع انها قبل كذا كانت تشحن عادي

* الحل الوحيد للشحن هو البريد السعودي (واصل عالمي) .. و البضاعة تجيك لعندك و كلو تمام
اللهم بس التاخير اللي يصير في التوصيل

---

يعني المشكلة من ارامكس بس ؟ اذا من ارامكس بس فهي محلوله

على كذا اذا رجعتها اطلب من موقع مسلز اند سترنقث وارسلها عن طريق واصل وبتطلع عليك ارخص

اقتباس:

---

المشاركة الأصلية كتبت بواسطة يوسف404

انت قصدك تدفع 15$ عشان يرجوعها لك، قبل مايتلفوها. أو تجيبلهم فسح.
اذا تبغاني ادخلها لك راسلني ع الخاص (راح اخذ عموله طبعا)

---

اف اف اف
ماعاد احد في هالدنيا يخدم ببلاش
الرجال عنده كربه واللي ينفسها عليه راح يجي يوم ينفس الله عنه كربه من كرب يوم القيامه
خلوا الدنيا وراكم واعملوا لأخرتكم

والله ياغالي لو عندي وساطه واقدر اخدمك والله راح اخدمك وبدون اي مقابل
بس الاخوان ان شاء الله راح يساعدوك فيهم الخير والبركة ان شاء الله